Skan Qusar mətbəxinin ən dadlı təamıdır
Tarix: 11.10.2017 | Saat: 16:36:00 | E-mail | Çapa göndər


Skan ləzgi mətbəxinin ən dadlı təamlarındandır. Şəkidə piti, Lənkəranda ləvəngi nə qədər məşhurdursa, Qusarda da skan bir o qədər sevilir. Bu yeməyi ləzgilər ən sevimli qonaqları üçün bişirirlər. Yeməyin adı ləzgi dilində “çın-kan” yəni “odun üstü” mənasını verir.
AZƏRTAC xəbər verir ki, Qusarda skanın onlarla növü bişirilir. Görünüş eyni olsa da, tərkibinə qatılan ərzaqlara görə dadları fərqli olur. Ən çox bişirilən skan isə ət və kartofla hazırlanır.
Skanın hazırlanması üçün un, yağ, 0,5 kiloqram qoyun əti, 0,5 kiloqram kartof, 100 qram quyruq, iki baş soğan, duz, istiot və zövqə görə başqa ədviyyələr tələb olunur.
Əvvəlcə un, süd, su, yumurta, duz qatılaraq yumşaq xəmir yoğrulur. Hazır xəmir üstü örtülərək kənara qoyulur. Sonra skanın içliyi hazırlanır. Bunun üçün ət və soğan ət maşınından keçirilərək, çox nazik doğranmış çiy kartof, göyərti, duz və istiotla qarışdırılır. Skanın içliyi zövqə görə dəyişir. Göbələkli, lobyalı, pendirli, qozlu skanlar da var.
İçlik hazır olandan sonra xəmirdən iki lavaş yayılır, yağlanıb kündələnir. Lavaşlardan birinin üstünə hazır içlik qoyulur, o birisi ilə üstü örtülür və kənarları bərkidilir. Skan tavaya qoyulduqdan sonra üstünə yağ sürtülür və çəngəllə bəzək vurulur. Sobada təxminən 40 dəqiqəyə bişir.
Skan sobadan çıxarılaraq qalın süfrənin arasında saxlanılır və 10-15 dəqiqə sonra yemək üçün təqdim olunur.
İyirmi ildən çoxdur aşbazlıq edən Rəmziyyə Allahquliyeva AZƏRTAC-a müsahibəsində bildirib ki, skan restoranda ən çox sifariş verilən ləzgi yeməyidir. Qusara gələn hər kəs bu yeməyin dadına baxmaq istəyir. Xüsusilə əcnəbi turistlər skana böyük maraq göstərirlər. Yeməklə yanaşı, onun hazırlanması qaydasını soruşurlar. Skan müştərilərə 15 manata təqdim olunur.
“Ləzgilərin qədim yeməklərindən olan skan bərəkətli və doyumlu olması ilə seçilir. Bir skan böyük ailə üçün kifayət edir. Çünki onun tərkibində yağlı qoyun əti və başqa qüvvətli komponentlər var”, - deyə R.Allahquliyeva qeyd edib.
Skan Qusarda, xüsusilə də kəndlərdə hər evdə bişirilir. Yeməyə el arasında skan piroqu və ya ləzgi pizzası da deyirlər.

Mahmud




 
Bölməyə aid digər xəbərlər
26.09.2018
Beynəlmiləl Yazıçılar İttifaqı azərbaycanlı yazıçını fəxri diplomla təltif edib
26.09.2018
Heydər Əliyev Sarayında bayram konserti təşkil ediləcək
26.09.2018
Timur Əsgərovun iştirakı ilə Mariya Teatrında “Yay gecəsində yuxu” baleti oynanılacaq
26.09.2018
“Qu gölü” baleti Primorye səhnəsində Eldar Əliyevin quruluşunda nümayiş etdiriləcək
26.09.2018
Nərmin Şirəliyeva Moskva vilayətinin mədəniyyət naziri təyin edilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10146

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info