“Son günlərdə Avropa Şurası gözündə tiri görmür, başqasının gözündə tük axtarır”
Tarix: 13.10.2017 | Saat: 12:50:00 | E-mail | Çapa göndər
Dini Qurumlarla İş üzrə Dövlət Komitəsinin təşkilatçılığı ilə "İslam həmrəyliyi: Azərbaycan örnəyi" adlı konfrans keçirilib.
Konfransda çıxış edən Dini Qurumlarla İş üzrə Dövlət Komitəsinin sədri müavini Gündüz İsmayılov bildirib ki, konfrans "İslam Həmrəliyi İli" çərçivəsində təsdiqlənmiş Tədbir Planına uyğun olaraq keçirilir.
 
G. İsmayılov deyib ki, konfransın adı təsadüfi seçilməyib: "Biz islam həmrəliyinin Azərbaycan nümunəsinin, modelinin konkret detallarına qədər işlənmiş və artıq təqdim olunmuş model olduğunu düşünürük. Hesab edirik ki, Azərbaycanın islam həmrəyliyi modeli bütün islam dünyasına dəyərli töhfəmizdir. Bugünkü konfransın iştirakçıları da həmin modelin vizual bir görüntüsüdür. Bir məqamı da deyim. Azərbaycanda dini konfessiyalar müstəqildir. Amma bütün dini konfessiyalar bir ağsaqqal kimi Qafqaz Müsəlmanları İdarəsinin sədri şeyxülislam Allahşükür Paşazadənin ətrafında birləşir. Bunun özü də həmrəyliyin bir vizual görüntüsüdür".
 
Dövlət Komitəsinin sədr müavini xatırladıb ki, Azərbaycan Prezidenti İlham Əliyevin bu günlərdə imzaladığı fərmanla Mədəni Dəyərlərin Təbliği Fondu yaradılıb: "Bu, Prezidentin mədəni dəyərlərimizə diqqətinin təzahürüdür. Cəmiyyətdə gedən müzakirələr də göstərir ki, bu Fondun yaradılması yüksək qiymətləndirilir. Mənəvi dəyərlərin təbliği Heydər Əliyev siyasətində önəmli yer tutub və bu siyasət Prezident İlham Əliyev tərəfindən davam etdirilir. Fondun fəaliyyəti ilə bağlı yaxın vaxtlarda konfrans keçiriləcək. Hazırda prezidentin tapşırığı ilə Fondun formalaşması istiqamətində iş aparılır. Bu Fondun Azərbaycan dövlətinin, Prezidentin bu sahəyə diqqətinin təzahürüdür".
 
Dövlət Komitəsinin Təhlil və proqnozlaşdırma şöbəsinin müdiri Elnarə Kərimova mövzu ilə bağlı təqdimatla çıxış edib.
 
Bakı şəhəri Dağ yəhudiləri dini icmasının sədri Milix Yevdayev insanı əməllərinin yaşatdığını söyləyib: "Biz Azərbaycan torpağında uzun əsrlərdir yaşayırıqsa, bu xalqla qardaşlaşmışıqsa, bu torpağın çörəyini yeyib, suyunu içiriksə, bura bizim vətənimizdir. Atalar deyirlər ki, evində xoşbəxt olan insan xoşbəxtdir. Azərbaycan da bizim evimizdir”.
 
M. Yevdayev Azərbaycan Prezidentinin təşəbbüsü ilə ölkədə sinaqoq inşa olunduğunu söyləyib: "Bu sinaqoqun fəaliyyətinin təmin edilməsi üçün maliyyə yardımı da ayrıldı. Bunu mən İsrail Knessetində dedim. Onlardan biri mənə yaxınlaşdı ki, bu sözü burada çox demə, çünki burada nə dövlət hesabına sinaqoq tikilir, nə də fəaliyyətinin təmini üçün maliyyə yardımı ayrılır. Son günlərdə Avropa Şurası gözündə tiri görmür, başqasının gözündə tük axtarır. O qədər İspaniyanı dağıdırsınız, digər tərəfdən də Yaxın Şərq baharı deyilən bir bəla var, sona çatmır. Bunları görməyib, nədən danışırsınız? Biz xaricdə də oluruq, inanın ki, buradan yaxşı yer yoxdur. Allah Azərbaycanı şər qüvvələrdən hifz etsin".
 
Qafqaz Müsəlmanları İdarəsinin fətva şöbəsinin müdiri Aqil Şirinov İslamın insanları qardaşlığa, həmrəyliyə dəvət etdiyini vurğulayıb. Roma Katolik Kilsəsinin Apostol Prefekturasının ordinarisi Vladimir Fekete Azərbaycanda dini həmrəyliyi qorumağın vacib olduğunu diqqətə çatdırıb. Tədbir çıxışlarla davam edib.
Tural Tağıyev




 
Bölməyə aid digər xəbərlər
18.01.2018
 Məktəblilərə zəruri biliklər verilib
18.01.2018
ADNSU-da 20 Yanvar şəhidlərinin xatirəsi anılıb
18.01.2018
“20 Yanvar tariximizə həm faciə, həm də qəhrəmanlıq səhifəsi kimi daxil olub”
18.01.2018
MEK və Ombudsman Aparatı arasında əməkdaşlığa dair Memorandum imzalanıb
17.01.2018
Vikipediyada AXC Parlamenti və general Cahangir bəy Novruzov haqqında məqalələr əsaslı redaktə olunub

Şərh əlavə olunmayıb



    ,    
İlkin Əsgər
Tural Tağıyev
Cavadxan QASIMOV
Zöhrə Əliyeva
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 8198

1 Xaricdəki soydaşlarımız Cümhuriyyətin yubiley tədbirləri ilə bağlı planlarını açıqlayıblar
2 “Beynəlxalq tədbirlərin turizmin inkişafında əvəzsiz rolu var”
3 Minəvvər Vahabova: “Azərbaycan Xalq Cümhuriyyətinin 100 illik yubileyini ABŞ-da layiqincə qeyd edəcəyik”
4 Musa Nəbioğlu: “Zəlimxan Yaqub sözünü zamana deməyə gəlmişdi”
5 Azərbaycanda və xaricdəki xanım QHT rəhbərlərinin ilk dəfə virtual görüşü olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info