“Nə üçün AŞPA Ermənistana təzyiq etmək üçün heç bir addım atmır”
Tarix: 13.10.2017 | Saat: 19:30:00 | E-mail | Çapa göndər
Ermənistan - Azərbaycan, Dağlıq Qarabağ münaqişəsi haqqında həqiqətlərin dünya ictimaiyyətinə çatdırılması bu istiqamətdə həyata keçirilən ən mühüm tədbirlərdən biridir. Belə tədbirlərdən biri kimi dünən AŞPA-da sərbəst müzakirələr zamanı Azərbaycan nümayəndə heyəti bir daha Dağlıq Qarabağla bağlı reallıqları beynəlxalq tribunadan səsləndirib. Müzakirədə çıxış edən Azərbaycan nümayəndə heyətinin üzvü Qənirə Paşayeva təşkilatı ikili standartlarda ittiham edib.

“Xocalı soyqırımı kimi insanlıq əleyhinə cinayət törədənlər bu gün Ermənistanda yüksək vəzifə tuturlar”
Q. Paşayeva bəzi deputatların Azərbaycan əleyhinə apardığı kampaniyaya cavab verib: “Mən 12 ildir burada ölkəmin təmsilçisiyəm. Amma bu gün yalan-yanlış bilgilərlə “insan haqları” adı altında Azərbaycanı ittiham edən bəzi millət vəkillərinin Avropa Şurasının üzvü olan Ermənistanın Azərbaycan torpaqlarının 20 faizini işğal etməsi nəticəsində öz evlərindən sürgün edilmiş 1 milyon azərbaycanlı qaçqının, məcburi köçkünün hüquqlarını müdafiə etmələrini heç vaxt görmədim. Nə üçün yüz minlərlə azərbaycanlı qaçqının haqlarını pozan Ermənistana qarşı təzyiq etmək üçün assambleyamız heç bir addım atmır? Evlərinə dönə bilməyən 1 milyon azərbaycanlı məcburi köçkün assambleyamızdan bu suallarına cavab gözləyir. Ermənistan bütün dünyanın gözləri önündə Azərbaycanın Xocalı şəhərində bir gecədə 613 insanı qətlə yetirdi, yüzlərlə insan o soyuq qış günlərində ağır yaralı olaraq canlarını zorla qurtardı. Ermənistan Xocalıda soyqırımı həyata keçirdi və oradan canlarını qurtara bilmiş çox az sayda məcburi köçkünlər də bu gün öz evlərinə dönə bilmirlər. Nə üçün bu insanların pozulmuş insan haqlarının müdafiəsi üçün assambleyamız heç bir addım atmır? Nə üçün ikili standartlar davam edir? Xocalı soyqırımı kimi insanlıq əleyhinə cinayət törədənlər bu gün Ermənistanda yüksək vəzifə tuturlar və bu günə qədər ədalət qarşısında cavab verməyiblər. Baş katib Yaqland Azərbaycan əleyhinə çıxışlar edir. Amma onun Ermənistan prezidentinin özünə birbaşa deməsinə baxmayaraq, Ermənistan bu çağırışlara məhəl qoymur, bu gün də qanunsuz olaraq girov saxladığı azərbaycanlı Dilqəm Əsgərov və Şahbaz Quliyevi azadlığa buraxmır. Nə üçün cənab Yaqland və assambleyamız bu insanların pozulmuş insan haqlarının müdafiəsi, onların azadlığa buraxılması üçün Ermənistana təzyiq göstərilməsi istiqamətində ciddi addımlar atmırlar? Ermənistan nümayəndə heyətinin neçə gündür Azərbaycan əleyhinə yalanlarla dolu açıqlamalarına gəlincə, buradan onlara demək istəyirəm ki, siz ASALA terror təşkilatının liderlərindən olan Varujan Qarabedyandan bəhs edin. Fransanın Orli hava limanında Türk Hava Yollarının bürosuna bombalı hücum edərək 8 məsum insanın ölməsinə, 55 nəfərin yaralanmasına səbəb olan terrorçunun Ermənistan dövlətinin və siyasətçilərinin müraciətlərinə əsasən Fransada necə əfv edilməsindən və sizin onu Ermənistanda qəhrəman elan etməyinizdən danışın. Terrorçunu qəhrəmana çevirən bir dövlətin millət vəkillərinin burda bizə insan haqlarından bəhs etməyə haqları yoxdur. Biz bu terrorçu və onunla birlikdə terrorda iştirak edən ermənilərlə bağlı araşdırmalar və istintaqın aparılmasını tələb edirik”.

Avropa Şurasında Azərbaycanın mədəni irsinə qarşı yönələn təxribatların arxasında siyasi məqsədlərin dayandığı bildirilib
Avropa Şurası Parlament Assambleyasının (AŞPA) payız sessiyası sərbəst müzakirələrlə başa çatıb. Avropanın siyasi, iqtisadi, mədəni, elmi həyatı üçün aktuallıq kəsb edən və payız sessiyasının gündəliyində nəzərdə tutulmamış məsələlər ətrafında çıxışlar edilib.
Nümayəndə heyətimizin üzvü Rafael Hüseynov Azərbaycan mədəni irsinə qarşı müəyyən qüvvələrin təsiri ilə törədilən təxribat səciyyəli hücumlara diqqəti çəkərək, hər peşə sahibinin, eləcə də siyasətçinin, alimin ədalətli, obyektiv olmasının, həqiqətləri təhrif etməməsinin daim riayət edilməli mühüm əxlaqi prinsip sayıldığını qeyd edib. Bildirib ki, peşə etikası var və hər bir insan öz peşəsində vicdanlı, düz olmalı, riyakar olmamalıdır. Ancaq təəssüf ki, heç kim, eləcə də siyasətçilər ali əxlaqi prinsiplərə riayət etmirlər.
Milli Məclisin deputatı İranda yaşayan, ermənilərin tarixi üzrə mütəxəssis sayılan, ermənilərlə müştərək bir sıra əsərləri olan Oksford Universitetinin əməkdaşı Edmund Herziqin Azərbaycanla bağlı ardıcıl qərəzli fəaliyyətlərindən söz açıb. O, Los-Ancelesdə Kaliforniya Universitetində böyük əksəriyyəti ermənilərin təşkil etdiyi auditoriya qarşısında yalanlar və saxtakarlıqlar üstündə qurulmuş xüsusi məruzə ilə çıxış edən Edmund Herziqin Azərbaycanın mədəni keçmişini və tarixini təhrif etməsindən danışıb.
Rafael Hüseynov bu qəbil şəxslərin əməllərinin şərə xidmət etdiyini vurğulayaraq deyib: “Bu gün Ermənistanla Azərbaycan müharibə vəziyyətindədir, Ermənistan müəyyən xarici güclərin köməyi ilə Azərbaycan ərazilərinin bir hissəsini işğal edib və münaqişə davam edir. Bu münaqişənin tarixi köklərini araşdıranda görürük ki, iki xalq arasında təfriqəni, qarşıdurmanı yaradan həmişə iblis xislətli qüvvələr olub. Edmund Herziq alim adlanacaq şəxsə qətiyyən yaraşmayan əməlləri ilə bu gün həmin məkrli siyasətə xidmət edir”.
Deputat ixtisasca şərqşünas və ermənişünas, elmdən müxtəlif siyasi oyunlar naminə riyakarcasına istifadə edən, tez-tez maskasını dəyişən Edmund Herziqin dünyanın ən güclü elm və təhsil mərkəzlərindən olan Oksford Universitetinin professoru olmasının təəssüf doğurduğunu bildirib.
Milli Məclisin deputatı siyasi konyunkturlara uyaraq tarixi və elmi həqiqətləri təhrif edən belə araşdırıcının işlədiyi elm və təhsil ocağının nüfuzuna xələl gətirdiyini vurğulayaraq, AŞPA-nın Böyük Britaniyadan olan üzvlərini bu məsələdə prinsipial mövqe nümayiş etdirməyə çağırıb.

Nazirlik: Ermənistanın növbəti təxribatının qarşısı alınıb
Ermənistanın növbəti təxribatının qarşısı alınıb. Bu barədə Mədəniyyət və Turizm Nazirliyindən məlumat verilib. Bildirilir ki, Almaniyanın Frankfurt-Mayn şəhərində Frankfurt Beynəlxalq Kitab Yarmarkası işə başlayıb. Azərbaycanın ənənəvi olaraq təmsil olunduğu beynəlxalq tədbirdə Mədəniyyət və Turizm Nazirliyinin əməkdaşlarından və ölkəmizin nəşriyyat nümayəndələrindən ibarət heyət iştirak edir. Ölkəmizin stendində Azərbaycanın dövlətçiliyi, tarixi, mədəniyyəti və turizm imkanları ilə bağlı 380 adda 700-ə yaxın nəşr məhsulları alman, ingilis və Azərbaycan dillərində ziyarətçilərə təqdim olunur.
Məlumatda qeyd olunur ki, Frankfurt yarmarkasında iştirak edən Ermənistan tərəfi bu dəfə də öz xislətinə uyğun olaraq Azərbaycana qarşı təxribata əl atıb. Ermənistanın stendində Azərbaycanın Dağlıq Qarabağ bölgəsini və digər işğal olunmuş ərazilərini qondarma “DQR” adı altında göstərən xəritələr yerləşdirilib. Amma bu çox çəkməyib. Azərbaycan Mədəniyyət və Turizm Nazirliyi əməkdaşlarının səyləri sayəsində həmin xəritələr stenddən yığışdırılıb.
Sərginin açılış günündə, həmçinin bir sıra işgüzar görüşlər keçirilib. Türkiyə Mədəniyyət və Turizm Nazirliyinin dövlət katibi Ömer Arısoy nümayəndə heyəti ilə birgə Azərbaycanın pavilyonunu ziyarət edib.
Sərginin ikinci günü Nizami Gəncəvi Beynəlxalq Mərkəzinin, Azərbaycan Mədəniyyət və Turizm Nazirliyinin və ölkəmizin Almaniyadakı səfirliyinin təşkilatçılığı ilə milli pavilyonda dahi Azərbaycan şairi və mütəfəkkiri Nizami Gəncəvinin yaradıcılığına həsr olunmuş tədbir keçirilib.
Nigar Abdullayeva




 
Bölməyə aid digər xəbərlər
23.11.2017
Ermənistanın Azərbaycanın işğal olunmuş ərazilərində qeyri-qanuni fəaliyyətlərilə bağlı infoqrafika hazırlanıb
22.11.2017
Livanın Baş naziri istefa qərarından vaz keçdi
21.11.2017
“Qarabağ problemi ədalətli həll olunmalıdır ki, növbəti münaqişələrin qarşısı alınsın”
20.11.2017
“Dağlıq Qarabağ münaqişəsi həll olunmalıdır”
17.11.2017
Meksika KİV: Deputatların Azərbaycanın işğal olunmuş ərazilərinə qanunsuz səfəri Meksika-Azərbaycan əlaqələrinə zərər yetirir

Şərh əlavə olunmayıb



    ,    
Elşad QOCA
Elvin Babayev 
Tural Tağıyev
Ümüd Səlimzadə
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 7765

1 Gənclər Təşkilatları Milli Şurası 22-ci ilini qeyd edir
2 Bakı Atatürk Liseyində Turan Yazqanın xatirəsinə həsr olunmuş tədbir keçirilib
3 Şəxsiyyət vəsiqələrinin müddəti dəyişdirildi
4 “Azərbaycanımızı tanıtmağa davam edəcəyik”
5 Azərbaycanda multikulturalizm modeli
24.11 12:24 Sənə doğru
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info