Rusiyanın daxili miqrasiya problemi
Tarix: 16.10.2017 | Saat: 17:09:00 | E-mail | Çapa göndər
Təkcə ötən il bölgələrdən paytaxta daimi yaşamaq üçün gələnlərin sayı 212 min nəfər təşkil edib

Hər bir insan yaxşı həyat arzusu ilə yaşayır. Onların bu istiqamətdə yerdəyişmələri də başadüşüləndir. Lakin nəzərə alınmalıdır ki, ölkə əhalisi arasında bunun kütləvi hal alması son anda fəsadlara gətirib çıxara bilər. Rusiyanın timsalında «İnosmi.ru» saytında dərc edilən yazı bu cəhətdən xarakterikdir.
Hər il 4 milyondan artıq rus öz qeydiyyatını dəyişir. Onların əksəriyyəti depressiya bölgələrini tərk edərək qazanc üçün mərkəzə gəlirlər. Bəziləri isə cənuba- isti bölgələrə üstünlük verirlər. Bunun nəticəsi olaraq təkcə iqtisadi cəhətdən aktiv vətəndaşların tərk etdiy bölgələr deyəil, onların məskunlaşmaq istədiyi ərazilər də zərər görmüş olurlar. Xatırladaq ki, bugünkü daxili miqrasiya prosesini rusiyalı ekspertlər bütün ölkə üçün fəlakət kimi dəyərləndirirlər.
Qeyd edilməlidir ki, son 10 il ərzində Rusiyada daxili miqrasiyanın sürəti iki dəfə artıb. Müqayisə üçün bildirək ki, əgər 2006-cı ildə 1,9 milyon rusiyalı öz yaşayış yerlərini dəyişmişdisə, bu göstərici 2011-ci ildə 3 milyon, 2016-cı ildə isə 4,2 milyon təşkil edib.
Statistikaya görə, miqrantların yarıdan çoxu kənd yerlərini tərk edərək, əsasən, qəsəbə və şəhərlərə, digər yarısı isə öz həyatlarını daha da yaxşılaşdırmaq ümidiylə başqa bölgələrə üz tuturlar. Əhalinin nisbətən az inkişaf etmiş bölgələrdən kütləvi axını, burada olan sosial-iqtisadi problemlərin daha da dərinləşməsinə və depressiyalı ərazilərin genişlənməsinə gətirib çıxarır. Nəticədə isə yerlərini dəyişərkən xroniki azalma problemləri və sosial-iqtisadi infrastrukturun azalması problemləri ilə qarşılaşan rusların gələcək inkişafı üçün kəskin təhdidlər yaradır.
Qeyd edək ki, miqrasiya axınının müşahidə edildiyi bölgələr Rusiyanın Mərkəz, Şimal-Qərb və Cənub federal rayonlarıdır. Bu bölgələrin əhalisinin əksəriyyəti daimi yaşamaq üçün daha çox Moskva, Sankt-Peterburq və Krasnodar ərazisinə köçürlər. Bu insanların müəyyən hissəsi də Kalininqrad vilayətinə üz tuturlar. Rus miqrantlarından Moskva və Sankt-Peterburqa daha çox təhsil, karyera, layiqli əmək haqqı arzusuyla gəlirlərsə, Krasnodar ərazisini seçənlər daha çox isti iqlim və istirahət mərkəzlərinin yaxınlığına önəm verirlər. Təsadüfi deyil ki, son yeddi ildə Moskvanın əhalisi daha 1 milyon nəfər artıb. Əgər ölkənin baş şəhərində 2010-cu ildə 11 milyon 382 min nəfər yaşayırdısa, bu gün Moskvanın əhalisi 12 milyon 380 min nəfərdən də artıqdır. Təkcə ötən il bölgələrdən paytaxta daimi yaşamaq üçün gələnlərin sayı 212 min nəfər təşkil edib. Sankt-Peterburqda bu göstərici 7 il ərzində 4 milyon 879 mindən artaraq 5 milyon 222 min nəfər təşkil edib.
Deyildiyi kimi, bu illər ərzində Krasnodar əyalətindəki əhali arasında artım 76 faiz təşkil edib. Belə ki, bu bölgənin əhalisi 7 il ərzində 744,8 mindən 1 milyon 318 min nəfərə qalxıb. Artıq Krasnodar şəhəri federal büdcədən daha çox subsidiya almaq imkanı verəcək "milyonçu" kimi tanınıb.
Qeyd edək ki, sadaladığımız bölgələrlə yanaşı, rusların tərk etdikləri Şimali Qafqaz, Uzaq Şərq, Volqa bölgəsi və Sibir də ön yerlərdən birini tutur. Xatırladaq ki, Rusiya prezidenti Vladimir Putin XXI əsri Uzaq Şərq əsri elan edib. Uzaq Şərqdə Demoqrafik İnkişaf Araşdırma Mərkəzi yaradılması barədə sərəncam versə də, bu müddət ərzində bölgənin əhalisi 8,4 milyon nəfərdən 6,1 milyon nəfərə enib.
Yeri gəlmişkən, bəzi Rusiya sosioloqları miqrasiyanın daha çox iqtisadi faktorlardan qaynaqlandığını da iddia edirlər. Bəlkə də, bu deyimdə müəyyən həqiqətlər var. Belə ki, paytaxtdan uzaq bölgələrdə, məsələn Şimali Qafqazda əhaliyə verilən məvaciblər ən aşağı məvacib kimi göstərilib-cəmi 18,8 min rubl. Bundan əlavə, bu bölgədə işsizliyin nisbətinin də ən yüksək səviyyədə 11,4 faiz olduğu göstərilir. Rusiyanın Sibir, Novosibirsk bölgələri bəzi cəhətlərinə görə cəlbedici olsa da, burada da verilən məvacib çox aşağıdır.
İqtisadi cəhətdən aktiv vətəndaşların itməsi nəticəsində az inkişaf etmiş bölgələrin mənfi cəhətləri yalnız artmaqdadır.
Təbii ki, yerli miqrant axını Rusiyanın kənd təsərrüfatında da mənfi cəhətdən böyük iz buraxmaqdadır. Belə ki, rusların bu sahə ilə məşğul olan rəhbərləri də 2001-ci ildən etibarən, Rusiya Federasiyası kənd təsərrüfatının miqrasiya axını nəticəsində tənəzzülə doğru getdiyini bildirirlər. Hazırda Rusiya Federasiyasının kənd yaşayış məntəqələrinin sayı kağız üzərində 150 min kimi göstərilsə də, son siyahıyaalmada bunların yarıdan çoxunun yalnız xəritədə qaldığı bildirilir. Belə ki, heç bir insan yaşamayan bu kəndlərin sadəcə olaraq adları qalıb.
Rusiya Federasiyası prezidenti yanında Rusiya Milli İqtisadiyyat və Dövlət İdarəsi Akademiyasının əməkdaşı Andrey Pokidanın bildirdiyinə görə, hər il kənd yaşayış məntəqələrini 100-150 mindən artıq insan tərk edərək qəsəbə və şəhərlərə köçürlər.
Rusiya İqtisadi və Siyasi İslahatlar Mərkəzinin ekspertlərinin iddiasına görə, kəndlərin adamsız qalması ölkədə iqtisadi və sosial infrastrukturun dağılmasına gətirib çıxarmaqdadır. Problem budur ki, oxşar proseslər artıq kiçik şəhərlərdə də müşahidə edilməkdədir.
«İnkişafdan kənarda qalan kiçik şəhərlərdə 37 milyondan artıq adam yaşayır. Bu, ölkənin böyük sosial və iqtisadi proqramlarından kənarda qalan kifayət qədər böyük bir təbəqəsidir»-deyə Regional Marketinq və Markalaşdırma İnstitutunun direktoru Andrey Stas verdiyi açıqlamada bildirib.
Ağasəf Babayev




 
Bölməyə aid digər xəbərlər
24.11.2017
Rusiya ilə təhlükəsizlik sahəsinə dair əməkdaşlıq planı imzalanıb
24.11.2017
Avropa İttifaqı Ermənistanı ofşor ölkələrin qara siyahısına daxil edə bilər
23.11.2017
Gürcü ekspertdən ermənilərə Qarabağ şərti
23.11.2017
Azərbaycan və Rusiyanın təşkilatçılığı ilə beynəlxalq konfrans keçirilir
22.11.2017
Fransız polisi Rusiya senatorunu niyə saxlayıb

Şərh əlavə olunmayıb



    ,    
Elşad QOCA
Elvin Babayev 
Tural Tağıyev
Ümüd Səlimzadə
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 7765

1 Gənclər Təşkilatları Milli Şurası 22-ci ilini qeyd edir
2 Bakı Atatürk Liseyində Turan Yazqanın xatirəsinə həsr olunmuş tədbir keçirilib
3 Şəxsiyyət vəsiqələrinin müddəti dəyişdirildi
4 “Azərbaycanımızı tanıtmağa davam edəcəyik”
5 Azərbaycanda multikulturalizm modeli
24.11 12:24 Sənə doğru
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info