İlin sonunadək ixtisasartırma kurslarına pensiya sistemində çalışan 300 nəfərədək mütəxəssis cəlb ediləcək
Tarix: 20.10.2017 | Saat: 13:40:00 | E-mail | Çapa göndər
Əmək, məşğulluq və sosial müdafiənin aktual məsələlərinə dair beynəlxalq elmi-praktik konfrans keçirilib
Əmək və Əhalinin Sosial Müdafiəsi Nazirliyinin Əmək və Sosial Problemlər üzrə Elmi-Tədqiqat və Tədris Mərkəzinin 20 illiyi ilə əlaqədar nazirlikdə “Əmək, məşğulluq və sosial müdafiənin aktual məsələləri” mövzusunda beynəlxalq elmi-praktik konfrans keçirilib. Tədbirdə aidiyyəti hökumət qurumlarının, ölkəmizin ali təhsil müəssisələrinin və Vilnus (Litva) Universitetinin nümayəndələri, həmçinin Litva və Moldovadan olan ekspertlər və b. iştirak edib.
Konfransı giriş sözü ilə açan əmək və əhalinin sosial müdafiəsi nazirinin müavini İdris İsayev Prezident İlham Əliyevin uğurlu sosial-iqtisadi siyasətinin ölkəmizdə innovasiya yönümlü iqtisadiyyatın formalaşmasına, dayanıqlı makroiqtisadi inkişafa, layiqli əmək konsepsiyasının reallaşdırılması şəraitində əmək məhsuldarlığının artırılmasına, əmək bazarında inkişaf meyllərinə imkan yaratdığını vurğulayıb: “Davos Dünya İqtisadi Forumunun “2017-2018 Qlobal Rəqabətlilik Hesabatı”nda Azərbaycanın daha iki pillə irəliləyərək 140-a qədər ölkə sırasında 35-ci yerdə, o cümlədən əmək bazarının səmərəliliyi üzrə 9 pillə irəliləyərək 17-ci yerdə qərarlaşması respublikanın inkişafında əldə olunan uğurlara beynəlxalq səviyyədə də yüksək dəyər verildiyini təsdiq edir. Bu ilin 9 ayında qeyri-neft iqtisadiyyatında 2,5 faiz, qeyri-neft sektorunun sənaye hissəsində 3,1 faiz, kənd təsərrüfatında 2,8 faiz, xarici ticarət dövriyyəsində 7 faiz artıma nail olunması qlobal miqyasda böhran proseslərinin mövcud olduğu şəraitdə də Azərbaycanın uğurlu iqtisadi şaxələndirməyə əsaslanan inkişaf dinamikasını davam etdirdiyini göstərir”.
Nazir müavini dövlət başçısının tapşırıqlarına əsasən aparılan sistem xarakterli islahatların ölkədə yeni çağırışlara cavab vermək potensialına və yoxsulluğun azaldılmasında mühüm rola malik olan, əhatəliliyi ilə seçilən, etibarlı və şəffaf sosial müdafiə sisteminin qurulmasına səbəb olduğunu qeyd edib. İ.İsayev hazırda sosial müdafiə siyasətində aztəminatlı ailələrin yoxsulluqdan kiçik ailə biznesinə çıxışının dəstəklənməsinə yönələn aktiv tədbirləri diqqətə çatdırıb: “Əmək və sosial müdafiə sahəsində həyata keçirilən siyasət, bu sahələrin təkmilləşdirilməsi üçün aparılan islahatlar ilk növbədə elmi əsaslara söykənir. Bu baxımdan Əmək və Əhalinin Sosial Müdafiəsi Nazirliyinin Əmək və Sosial Problemlər üzrə Elmi-Tədqiqat və Tədris Mərkəzi əmək və sosial müdafiə sahəsində dövlət siyasətinin elmi-metodoloji əsaslarının işlənilməsinə, bu sahədə aktual məsələlərlə bağlı elmi araşdırmaların aparılmasına öz dəyərli töhfələrini verir. Mərkəzdə əmək münasibətləri, əmək bazarı, məşğulluq, həyat səviyyəsinin öyrənilməsi, sosial təminat, demoqrafiya, əhali sakinliyi, proqnozlaşdırma və s. istiqamətlərdə aparılan elmi-tədqiqat işləri həmin sahələrdə inkişaf yönümlü islahatların uğurla həyata keçirilməsində xüsusi əhəmiyyətə malikdir”.
İ.İsayev Mərkəzin elmi potensialının gücləndirilməsi, gənc elmi işçilərin Mərkəzə cəlb edilməsi yönündə mühüm işlərin görüldüyünü qeyd edib. Nazir müavini diqqətə çatdırıb ki, doktorantura və disserantura yolu ilə yüksək ixtisaslı elmi kadrların hazırlanmasında da yaxından iştirak edən Mərkəzin “Əmək və Sosial problemlər” adlı elmi əsərlər toplusu elmi ictimaiyyət tərəfindən maraqla qarşılanan nəşrlər sırasındadır: “Əmək və sosial müdafiə sahələrində çalışan kadr heyətinin ixtisaslarının artırılması, bilik və peşəkarlıq səviyyələrinin yüksəldilməsi üçün də Mərkəzdə işlər görülür, nazirliyin struktur bölmələrində çalışan dövlət qulluqçularının mütəmadi olaraq ixtisaslarının artırılması məqsədilə mütəmadi kurslar təşkil edilir. Hazırda Əmək və Sosial Problemlər üzrə Elmi-Tədqiqat və Tədris Mərkəzində “Pensiya sistemi və onun əsas prioritetləri” mövzusunda ixtisasartırma kursları davam edir və cari ilin sonunadək bu kurslara pensiya sistemində çalışan 300 nəfərədək mütəxəssisin cəlb olunması nəzərdə tutulub. Eyni zamanda, Mərkəzdə aidiyyəti sahələr üzrə metodik vəsaitlərin hazırlanması istiqamətində də müvafiq işlər aparılır”. 
Konfransda Mərkəzin direktoru Vüqar Həsənov “Əmək və Sosial Problemlər üzrə Elmi-Tədqiqat və Tədris Mərkəzinin 20 illik fəaliyyətinə baxış” və Azərbaycan Texniki Universitetinin kafedra müdiri, iqtisad elmləri doktoru, professor Ramiz İsgəndərov “İnsan kapitalının inkişafında təhsilin rolu” mövzusunda məruzələrlə çıxış ediblər. 
Tədbirdə həmçinin Vilnus Universitetinin (Litva) əməkdaşı Audrius Bitinasın (“Yeni Litva sosial modeli: davamlı sosial inkişaf və zəmanətlərə doğru”), Azərbaycan Dövlət İqtisad Universitetinin müəllimi (ADİU) iqtisad elmləri doktoru, professor Fərhad Rəhmanovun (“Müasir dövrdə sosial sferanın innovasiyalı idarə edilməsinin təkmilləşdirilməsi”), Avropa İttifaqının SOCİEUX proqramının Moldova və Litvadan olan ekspertləri Roman Banari və Edita Satienenin (“Əlilliyi olan insanların işləmək hüquqları və imkanları, problemləri və perspektivləri) ADİU-nun əməkdaşı iqtisad elmləri doktoru, professor Fazil Hacıyevin (“Azərbaycanın müasir sosial-iqtisadi inkişafının təhlili və prespektivləri”), Bakı Dövlət Universitetinin əməkdaşı, hüquq elmləri doktoru Mayis Əliyevin (“BMT-nin “Əlilliyi olan şəxslərin hüquqları haqqında” Konvensiyasının əlilliyi olan şəxslərin sosial müdafiəsi haqqında qanunvericiliyin inkişafında rolu”), habelə Mərkəzin ayrı-ayrı dissertantlarının və digərlərinin çıxışları dinlənilib, müzakirələr aparılıb.
Tural Tağıyev




 
Bölməyə aid digər xəbərlər
24.11.2017
Məcburi köçkün ailələrinə veriləcək mənzillərin püşkatması keçirilib
24.11.2017
Leyla Əliyevanın təşəbbüsü ilə Moskvada növbəti xeyriyyə aksiyası keçirilib
24.11.2017
“Əlilliyi olan şəxslərə başqa bir qrup kimi baxılması düzgün deyil
24.11.2017
“Bakcell”in dəstəyi ilə futzal turniri təşkil edilib
24.11.2017
Ölkədə 2 milyon 600 yüz min uşaq var

Şərh əlavə olunmayıb



    ,    
Elşad QOCA
Elvin Babayev 
Tural Tağıyev
Ümüd Səlimzadə
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 7765

1 Gənclər Təşkilatları Milli Şurası 22-ci ilini qeyd edir
2 Bakı Atatürk Liseyində Turan Yazqanın xatirəsinə həsr olunmuş tədbir keçirilib
3 Şəxsiyyət vəsiqələrinin müddəti dəyişdirildi
4 “Azərbaycanımızı tanıtmağa davam edəcəyik”
5 Azərbaycanda multikulturalizm modeli
24.11 12:24 Sənə doğru
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info