Silsilə qətllər Yaponiyanı ayağa qaldırıb
Tarix: 10.11.2017 | Saat: 20:21:00 | E-mail | Çapa göndər


Yaponiya hökuməti Tokio yaxınlığındakı Zama şəhərində baş vermiş silsilə qətllərlə əlaqədar xüsusi iclas keçirib.
Bu barədə Nazirlər Kabinetinin baş katibi Yoşihide Suqa jurnalistlərə məlumat verib.
Y.Suqa deyib: “Əlaqədar nazirliklərin rəhbərlərinin iştirakı ilə iclas keçirilib. Həmin iclasda Zama şəhərində baş vermiş silsilə qətllərlə əlaqədar mən hərtərəfli təhqiqatın aparılması, özünəqəsdlə əlaqədar informasiyaların yayıldığı saytlara nəzarətin gücləndirilməsi, internetdə özünəqəsdlə əlaqədar məlumatlar yerləşdirən gənclərə psixoloji yardımın yaxşılaşdırılması barədə göstəriş vermişəm”.
Baş katib əlavə edib ki, gələcəkdə buna bənzər cinayətlərin qarşısını almaq üçün lazımi tədbirlərin görülməsi barədə plan yaxın bir ayda hazır olacaq.
Cinayətkarın öz qurbanlarını “Tvitter” sosial şəbəkəsi vasitəsilə tapdığını qeyd edən Y.Suqa əlavə edib ki, o, həmin insanların ağır psixoloji durumundan istifadə edərək onları asanlıqla tələyə salıb: “Bu çox alçaq hərəkətdir. Hökumətin bütün üzvləri belə cinayətlərin qarşısını almaq üçün bütün mümkün olan tədbirləri görməlidirlər”.
Son iki ay ərzində Zama şəhərindən olan gəncin törətdiyi silsilə qətllər bütün Yaponiyanı silkələyib. İctimaiyyəti narahat edən əsas məqam isə cinayətin tam təsadüf nəticəsində aşkar edilməsidir. Qurbanlardan birinin qardaşı bacısının istifadə etdiyi şifrələri bildiyinə görə onun qatillə məktublaşmasını aşkar edə bilib. Həmin məktublarda qızın özünəqəsd üçün həmkar axtardığı və bu məqsədlə qatillə yazışdığı əksini tapıb. Məhz bu, polisə cinayətkarın izinə düşməyə imkan yaradıb.
Həmin vaxt heç kim güman etmirdi ki, axtarış zamanı 27 yaşlı Takahiro Şiraişinin mənzilindən daha səkkiz nəfərin başı və digər bədən hissələri aşkar ediləcək. Tezliklə qətllərin onun tərəfindən həyata keçirildiyini etiraf edən gənc bildirib ki, həddindən artıq çox öldürdüyünə görə artıq kimin kim olduğunu unudub. Qurbanların adları yalnız DNK analizindən sonra məlum olub.
Qətlə yetirilənlərdən səkkizi Yaponiyanın müxtəlif prefekturalarından 15 yaşdan 26 yaşadək olan qızlardır. İstintaq zamanı məlum olub ki, onların heç də hamısı özlərinə qəsd etmək istəmirmişlər. İctimaiyyəti narahat edən daha bir məqam isə əsasən təhlükəsiz ölkə hesab edilən Yaponiyada iki ay ərzində doqquz nəfərin səssiz-soraqsız itməsi və qətllər adi mənzildə törədilsə də qonşulardan heç birinin bundan xəbər tutmamasıdır.




 
Bölməyə aid digər xəbərlər
17.07.2018
Avropaya keçən miqrantların sayı 50 min nəfəri ötüb
14.07.2018
Los-Ancelesdə avtobus qəzasında 25 nəfər xəsarət alıb
12.07.2018
Nikaraquada iğtişaşlar nəticəsində ölənlərin sayı 351 nəfərə çatıb
11.07.2018
Əfqanıstanda kamikadze partlayış törədib, azı 12 nəfər ölüb
09.07.2018
Türkiyədə qatar qəzasında həlak olanların sayı açıqlanıb

Şərh əlavə olunmayıb



    ,    
Namiq Əliyev
Vüsalə Ağabəyli
Şahin Sərdarlı
İsa Həbibbəyli
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9650

1 “Babamızın şeirlərinə sahib çıxanlar var”
2 “Azərbaycanda sabitliyi pozmağa cəhd edənlərin cəzası ağır olacaq”
3 Elektrik enerjisi və qaz təchizatı sahəsində nəzarət qaydası təsdiqləndi
4 “Təxribatçıların çağırışlarına inanmayın”
5 “Cavan”-dan hər kəs üçün qeyr-adi festival


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info