Gəncə Beynəlxalq Avtovağzal Kompleksində 200 nəfər daimi işlə təmin olunacaq
Tarix: 20.11.2017 | Saat: 15:42:00 | E-mail | Çapa göndər


Gəncə Beynəlxalq Avtovağzal Kompleksinin tikinti işləri yekunlaşıb. Avtovağzalın ilin sonunadək istifadəyə verilməsi nəzərdə tutulub. Kompleks istifadəyə verildikdən sonra burada 200 nəfər daimi işlə təmin olunacaq.
Bu barədə Gəncə Beynəlxalq Avtovağzal Kompleksinin rəisi Namiq Həsənov deyib.
O bildirib ki, ilk dəfə 2012-ci ildə Gəncə-Bakı avtomobil yolunun sağ hissəsində Gəncə Beynəlxalq Avtovağzal Kompleksi üçün ayrılmış 5 hektar ərazidə tikinti işlərinə başlanılıb.
Avtovağzal üçün orijinal layihə əsasında müasir tələblər səviyyəsində ümumi sahəsi 3 min kvadrat metr olan iki mərtəbəli bina tikilib.
Qeyd edilib ki, 3 hissədən ibarət binada sərnişinlər üçün kassa, gözləmə zalı, ana və uşaq otağı, ibadətxana, kommunikasiya dolabı, dispetçer və mühəndis otaqları, tibb, polis və təhlükəsizlik xidməti məntəqəsi yaradılıb. Zalda avtobusların hərəkət cədvəlini göstərən elektron lövhə asılıb, döşəmə isə günərzi isitmə sisteminə qoşulub. Avtovağzalın və sərnişinlərin təhlükəsizliyini təmin etmək üçün binanın daxili divarlarında yanğın əleyhinə vasitələrlə təmin edilmiş dolablar qoyulub, videomüşahidə kameraları quraşdırılıb.
N.Həsənov deyib ki, avtovağzalın birinci mərtəbəsində özünəxidmət kafe, ikinci mərtəbədə isə 450 kvadrat metr sahədə restoran, eləcə də gənclər üçün istirahət guşəsi, market, suvenir, hədiyyə və telefon aksesuarları mağazası, tibb məntəqəsi və əczaxana fəaliyyət göstərəcək. Kompleksin digər otaqlarında isə avtovağzal əməkdaşlarının fəaliyyəti üçün zəruri otaqlar yaradılacaq.
Gəncə Beynəlxalq Avtovağzal Kompleksinin gələcək iş rejimi haqqında məlumat verən Namiq Həsənov deyib ki, avtovağzalda hər gün səhər saat 6:00-dan başlayaraq əsasən respublikanın Şimal, Cənub və Şərq bölgələrinə, həmçinin beynəlxalq istiqamətdə sərnişindaşımalar həyata keçiriləcək.
Bildirilib ki, avtobusların daha asan yanalması üçün kompleksdə peron quraşdırılıb. Avtovağzalı fasiləsiz su ilə təmin etmək və yanğın təhlükəsizliyi məqsədilə hər biri 60 tonluq iki yeraltı su çəni tikilib. Binanın isitmə sistemini təchiz etmək üçün isə istixana yaradılıb. Kompleksdə həm də sürücülər üçün istirahət otağı, sərnişin yüklərinin saxlandığı baqaj, ərzaq anbarı, avtomobil ehtiyat hissələri mağazası, nəqliyyat vasitələrinə texniki xidmət və avtoyuma məntəqəsi fəaliyyət göstərəcək.
Qeyd edək ki, hazırda kompleksin həyətində yaşıllıq və dekorativ gül kollarının əkilməsi, eləcə də ərazinin asfaltlanması və səki daşlarının düzülməsi davam edir.
Tural




 
Bölməyə aid digər xəbərlər
18.09.2020
İtaliya-Azərbaycan ticarət dövriyyəsi 30 faiz azalıb
17.09.2020
Azərbaycan iqtisadiyyatının bərpası 2020-ci ilin sonunadək başlayacaq
17.09.2020
Son 17 ildə yüzlərlə müasir sənaye müəssisəsi, yeni sənaye sahələri yaradılıb
17.09.2020
“General Əliağa Şıxlinski” gəmisinin təmir işləri başa çatıb
17.09.2020
Qəbələyə çəkilən dəmir yolu xətti ilin sonunadək işə düşə bilər -VIDEO

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11601

1 Aparıcı dovşanlarına malikanə tikdirib-VIDEO
2 Masallıda “Bu günün gəncləri sabahın qurucularıdır ” mövzusunda onlayn videokonfrans keçirilib
3 “Məhəbbət əfsanəsi” və ya əfsanəyə dönmüş ömür
4 Baş Prokurorluq prokurorluq orqanlarına qəbul olmaq istəyən şəxslərə müraciət edib
5 Avropada nümayişçilər polis zorakılığına məruz qalır, amma bu məsələlər heç vaxt müzakirəyə çıxarılmır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info