Salyanda da uşaqlara siqaret satmaq qadağandır
Tarix: 20.11.2017 | Saat: 16:29:00 | E-mail | Çapa göndər


“Uşaqlara siqaret satmaq qadağandır!” ümumrespublika kampaniyası çərçivəsində növbəti tədbir Salyanda baş tutub. Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) və “İnsan Hüquqları XXI əsr-Azərbaycan” fondunun təşkilatçılığı ilə  keçirlən dəyirmi masada yetkinlik yaşına çatmayanların tütün məmulatlarına çatımlılığı problemi araşdırılıb.
Dəyirmi masanı giriş sözü Salyan Rayon İcra Hakimiyyətinin ictimai-siyasi şöbəsinin müdir müavini Aqşin Babayev açıb,  tədbirin əhəmiyyəti barədə danışıb, icra hakimiyyətinin bu sahədə gördüyü işlər, həyata keçirdiyi tədbirlər barədə məlumat verib.
“İnsan Hüquqları XXI əsr-Azərbaycan” fondunun prezidenti Şahin Camalov çıxışında uşaq və yeniyetmələrin tütün məmulatlarını almalarını əngəlləyən sərt qanunların olmasını vurğulayıb.  Çıxışçı müvafiq dövlət qurumlarının vəzifə öhdəliklərini yerinə yetirmədiklərini, siqaretlərin açıq şəkildə, məktəblərə yaxın ərazilərdə, hətta ədədlə satılmasının İnzibati Xətalar Məcəlləsi llə məsuliyyət yaratdığını qeyd edib. Beynəlxalq təcrübə barəsində danışan Ş.Camalov qeyd edib ki, bir çox Avropa ölkələrində 21 yaşınadək olan şəxslərə siqaret satan satıcılar xəbərdarlıq edilmədən işdən qovulur, siqaret alanların valideynləri isə iri məbləğdə cərimə ödəməli olurlar.
AVCİYA-nın eksperti Məhərrəm Zülfüqarlı da problemin ciddiliyini diqqətə çatdırıb, bu sahədə ictimai sektorun rolu barədə fikirlərini bölüşüb.
Rayon İcra Hakimiyyətinin yetkinlik yaşına çatmayanların İşləri üzrə Komissiyasının psixoloqu Sevinc Səmədova və Salyan rayon polis şöbəsinin Yetkinlik yaşına Çatmayanlarla Profilaktik İşin Təşkili qrupunun rəisi Ənvər Ağayev rayonda bu sahədə aparılan profilaktiki işlərdən danışıblar.
Daha sonra cari ilin mart ayında Bakı şəhərində təşkilatçılar tərəfindən həyata keçirilmiş sosioloji tətqiqatın nəticələri təqdim edilib. Sosioloji sorğunun nəticələrinin müzakirəsi zamanı Salyan rayon Mərkəzi Xəstəxanasının həkim-narkoloqu Seymur Sayılov çıxış edərək yetkinlik yaşına çatmamış şəxslərin tütün məmulatlarına çıxışlarının məhdudlaşdırılası yönündə aparılan maarifləndirici tədbirlərdən danışıb, tütün məmulatlarının insan orqanizminə zərərləri barədə  geniş məlumat verib.
Müzakirələrdə həmçinin rayon Təhsil Şöbəsinin metodisti Cəfərağa Əliyev də tütün və tütün məmulatlarına yeniyetmələrin əlçatımlılığının vəziyyəti haqda danışıb, problemin həlli istiqamətində valideynlərin rolunun danılmaz və əsas olduğunu vurğuyıb.
Dəyirmi masada Rayon İcra Hakimiyyətinin, təhsil şöbəsinin nümayəndələri, müəllimlər, bir sıra orta məktəblərin tərbiyə işləri üzrə direktor müavinləri, Salyan peşə litseyinin tələbələri, habelə QHT və KİV təmsilçiləri də iştirak ediblər. Tədbir zamanı bu sahədəki beynəlxalq təcrübə, mövcud qanunvericilik bazası, qanunların tələbləri ilə bağlı maarifləndirmə işləri ilə yanaşı imperativ mexanizmlərin tətbiqi məsələləri birgə müzakirə edilib.
Qeyd edək ki, layihə çərçivəsində növbəti dəyirmi masa Yevlax rayonunda keçiriləcəkdir.

Fuad




 
Bölməyə aid digər xəbərlər
14.11.2018
“Veysəloğlu”da şirkət əməkdaşlarının tələbə adını qazanan övladları ilə görüş keçirilib
13.11.2018
Özünüməşğulluq proqramı çərçivəsində 50-dən çox ailəyə mal-materiallar təqdim olunub
13.11.2018
“DOST” mərkəzlərinin yaradılması üçün əlavə vəsait ayrılıb
13.11.2018
13 noyabr - Beynəlxalq Gözdən Əlilliyi olan şəxslər Günüdür
13.11.2018
Bütün pensiyalar artırılacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10468

1 “Universitetlərdə rəhbər şəxslərin qapıları tələbələr üçün daim açıq olur”
2 Polşalı şagirdlər Azərbaycan nağıllarına illüsturasiyalar çəkiblər
3 “Xaricdə təhsilimi davam etdirsəm, psixologiya sahəsini seçəcəyəm”
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info