Uşak Universitetində Molla Pənah Vaqifin 300 illik yubileyi qeyd olunub
Tarix: 22.11.2017 | Saat: 12:49:00 | E-mail | Çapa göndər
Türkiyənin Uşak Universitetində, Universitetin azərbaycanlı tələbələrinin, Uniaktif tələbələr klubunun və Beynəlxalq Türk Mədəniyyəti Təşkilatı TÜRKSOY-un təşkilatçılığı və İNDEX-Azərbaycan insan kapitalı və inkişaf mərkəzinin maliyyə dəstəyi ilə dahi Azərbaycan şairi Molla Pənah Vaqifin 300 illik yubileyi qeyd olunub. Tədbirə Uşak Universitetinin rektoru professor Sayın Dalkıran, rektor köməkçisi professor Saim Savaş, Beynəlxaql türk mədəniyyəti təşkilatı TÜRKSOY-un Azərbaycan nümayəndəsi Elçin Qafarlı, Aşıq Səlahəddin Dündar, yazıçı-tədqiqatçı Songül Dündar qatılıblar.
Tədbirin əsas təşkilatçılarından Uşak Universitetinin azərbaycanlı tələbəsi Ramin Seyidov tədbiri açıq elan edərək hamını salamlayıb və tədbirin önəmindən bəhs edib. Sonra Uniaktif tələbə klubunun sədri Fərid Dəliqan, TÜRKSOY-un Azərbaycan nümayəndəsi Elçin Qafarlı, Uşak Universitetinin rektoru professor Sayın Dalkıran, tədqiqatçı-yazıçı Songül Dündar çıxış ediblər.
Uşak Universitetinin rektoru professor Sayın Dalkıran çıxışında Molla Pənah Vaqifin böyüklüyündən və Azərbaycan-Türkiyə qardaşlığından bəhs edib. Beynəlxalq Türk Mədəniyyəti təşkilatı TÜRKSOY-un Azərbaycan numayəndəsi Elçin Qafarlı TÜRKSOY-un baş katibi professor Dusein Kaseinov adından çıxış edərək tədbir iştirakçılarını salamlayıb. Sonra 2017-ci ilin TÜRKSOY tərəfindən Molla Pənah Vaqif ili elan olunmasından və bu münasibətlə bütün türk dünyasında Molla Pənah Vaqif haqqında tədbirlərin keçirilməsindən bəhs edib. Əlavə olaraq akademik, millət vəkili Nizami Cəfərovun “Molla Pənah Vaqif” kitabını və Azərbaycan Milli Kitabxanasının “Molla Pənah Vaqif” biblioqrafiyasının təqdimatlarını edib. Daha sonra tədqiqatçı-yazçıçı Songül Dündar xanım kürsüyə çıxaraq Molla Pənah Vaqifin həyat yaradıcılığndan danışıb.
Tədbirin əsas təşkilatçılarından olan Uşak Universitetinin tələbələri Orxan Həsənli, Rüstəm Rüstəmov, Nigar Axundova, Əfsanə Yusibova, Günel Məmmədova, Orxan Əkbərli tədbir iştirakçılarına Molla Pənah Vaqifin böyük Azərbaycan şairi, dövlət adamı olduğundan bəhs edərək Molla Pənah Vaqifi tanıdıblar. Sonra isə Yeni Türkiyə klubunun sədri Bilal Türkcan və klubun sədr müavini Ömər Doğru Molla Pənah Vaqifin şeirlərini səsləndiriblər.
Tədbirin sonunda Aşıq Səlahəddin Dündar isə Molla Pənah Vaqifin şeirlərini sazla ifa edərək tədbir iştirakçılarını şənləndirib və hər kəsə təşəkkür edib.
TÜRKSOY-un Azərbaycan nümayəndəsi Elçin Qafarlı universitet rektoruna təmsil etdiyi təşkilat tərəfindən hədiyyələr və Molla Pənah Vaqif haqqında kitablar təqdim edərək tədbiri sonlandırıb.

Fuad Hüseynzadə




 
Bölməyə aid digər xəbərlər
20.05.2018
“Əsgərə məktub” layihəsi çərçivəsində hərbi hissədə görüş keçirilib
18.05.2018
“Heydər Əliyev və Azərbaycan mediası“ mövzusunda konfrans keçirilib
18.05.2018
Məktəblilərin Kənd Təsərrüfatı Muzeyinə ekskursiyası təşkil edilib
18.05.2018
Müsabiqədə qalib gələn tələbələr imtahandan azad ediliblər
18.05.2018
Lüksemburqda Nizami Gəncəvinin anım günü keçirilib

Şərh əlavə olunmayıb



    ,    
Hüseyn Babayev
Fuad HÜSEYNZADƏ
Tural Tağıyev
Elşad QOCA
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9285

1 “İsveçdə keçiriləcək parlament seçkilərində bir neçə azərbaycanlının namizədliyi irəli sürülüb”
2 Fəxrəddin Quliyev: “Şəxsiyyət sənətdə böyük amildir”
3 Yaponiyada Azərbaycan məhsullarına böyük maraq var
4 Krasnoyarskda AXC-nin 100 illiyi ilə bağlı silsilə tədbirlər keçirilib
5 Oqtay Əsədov: “Ermənistanın işğalçılıq siyasəti bölgədə sülh və sabitliyə mane olur”


21.05 01:56
21.05 00:48
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info