“Qarabağ” UEFA Çempionlar Liqasında növbəti oyununu keçirib
Tarix: 22.11.2017 | Saat: 22:53:00 | E-mail | Çapa göndər
Noyabrın 22-də UEFA Çempionlar Liqasının qrup mərhələsinin beşinci turu çərçivəsində Ağdamın “Qarabağ” komandası Bakı Olimpiya Stadionunda Londonun “Çelsi” klubu ilə qarşılaşıb.
AZƏRTAC xəbər verir ki, “Qarabağ”ın start heyətində İbrahim Şehiç, Qara Qarayev, Dmitri Medvedev, Miçel, Dino Ndlovu, Mahir Mədətov, Rəşad Sadıqov, Riçard Almeyda, Ansi Aqolli, Yakub Rzezniçak, Donald Gerye yer alıblar.
London təmsilçisinin ilk on birliyində isə meydana Tibo Kurtua, Anton Rüdiger, Markos Alonso, Sesk Fabreqas, Nqolo Kante, Eden Azar, Pedro Rodrigez, Davide Zappakosta, Villian, Sezar Azpiliketa və David Luiz çıxıblar.
Portuqaliyalı referi Manuel De Sousanın idarə etdiyi oyunda ilk təhlükəli vəziyyəti matçın 13-cü dəqiqəsində “Qarabağ” komandası yaradıb. Ndlovu-Medvedev kombinasiyasından sonra rəqibin cərimə meydançasında topa yiyələnən Miçelin qüvvətli zərbəsi qapı tirinə dəyib.
Görüşdə hesab matçın 21-ci dəqiqəsində açılıb. Referi “Qarabağ”ın cərimə meydançası daxilində yaranan mübahisəli epizodda “Çelsi”nin hücumçusu Villiana qarşı kobud oyuna görə kapitan Rəşad Sadıqova qırmızı vərəqə göstərib. “Qarabağ”ın qapısına təyin olunan 11 metrlik cərimə zərbəsini dəqiq yerinə yetirən Eden Hazard hesabı açıb – 0:1. Matçın 36-cı dəqiqəsində Eden Hazardın ötürməsindən sonra Villian hesab arasındakı fərqi iki topa çatdırıb – 0:2.
Komandalar fasiləyə bu hesabla yollanıblar.
Oyunun 73-cü dəqiqəsində portuqaliyalı referi “Qarabağ” komandasının qapısına ikinci dəfə 11 metrlik cərimə zərbəsi təyin edib. London klubunun ispaniyalı legioneri Sesk Fabreqas zərbəni dəqiq yerinə yetirərək hesab arasındakı fərqi daha da artırıb – 0:3. Qarşılaşmanın 85-ci dəqiqəsində isə Villian özünün ikinci, komandasının dördüncü qolunu rəsmiləşdirib – 0:4.
Matç bu hesabla da başa çatıb.
Beləliklə, bu oyundan sonra hesabında 10 xal olan “Çelsi” klubu “C” qrupunda liderliyə yüksəlib. Lakin londonluların birinci sıradakı mövqeyi aktivində 8 xal olan “Roma”nın “Atletiko Madrid” (3 xal) ilə səfər matçından sonra məlum olacaq. “Qarabağ” komandası isə 2 xalla qrupda sonuncu pillədədir.
Ağdamlılar qrupda sonuncu görüşünü dekabrın 5-də səfərdə “Roma”ya qarşı keçirəcəklər.
Xatırladaq ki, UEFA Çempionlar Liqasının “C” qrupunda yer alan “Qarabağ” əvvəlki oyunlarda səfərdə “Çelsi”yə 0:6, doğma meydanda isə “Roma”ya 1:2 hesabı ilə məğlub olub. Ağdam təmsilçisinin “Atletiko Madrid” ilə hər iki görüşü heç-heçə başa çatıb – (0:0, 1:1).




 
Bölməyə aid digər xəbərlər
21.05.2018
21.05.2018
“Barselona“ “Real Sosyedad“ı minimal hesabla məğlub edib
21.05.2018
Azərbaycan samboçuları II Avropa Oyunlarına üç lisenziya qazanıblar
20.05.2018
“Neftçi” klubu Topaz Premyer Liqasının bürünc medallarına sahib olub
20.05.2018
Antuan Qrizman “Barselona” ilə müqavilə imzalayıb

Şərh əlavə olunmayıb



    ,    
Hüseyn Babayev
Fuad HÜSEYNZADƏ
Tural Tağıyev
Elşad QOCA
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9285

1 “İsveçdə keçiriləcək parlament seçkilərində bir neçə azərbaycanlının namizədliyi irəli sürülüb”
2 Fəxrəddin Quliyev: “Şəxsiyyət sənətdə böyük amildir”
3 Yaponiyada Azərbaycan məhsullarına böyük maraq var
4 Krasnoyarskda AXC-nin 100 illiyi ilə bağlı silsilə tədbirlər keçirilib
5 Oqtay Əsədov: “Ermənistanın işğalçılıq siyasəti bölgədə sülh və sabitliyə mane olur”


21.05 01:56
21.05 00:48
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info