Azərbaycan “Lüksemburq Beynəlxalq Bazarı”nda təmsil olunur
Tarix: 26.11.2017 | Saat: 01:52:00 | E-mail | Çapa göndər



Azərbaycanın Belçika Krallığında və Lüksemburq Hersoqluğundakı səfirliyinin, Azərbaycan-Lüksemburq Ticarət Palatasının və bu ölkədə fəaliyyət göstərən “Qarabağ” Assosiasiyasının təşkilatçılığı ilə “Lüksemburq Beynəlxalq Bazarı”nda ölkəmiz böyük stendlə təmsil olunur.
AZƏRTAC xəbər verir ki, 70 ölkənin iştirak etdiyi tədbirdə Azərbaycanın bayrağı böyüklüyünə görə diqqəti daha çox cəlb edib.
Milli ornamentlərlə bəzədilmiş stenddə ölkəmizin tarixi, mədəniyyəti, musiqisi, mətbəxi ilə bağlı nəşrlər nümayiş olunur və ziyarətçilərə hədiyyə edilir. Bu nəşrlər stendimizi ziyarət edən lüksemburqlulara və turistlərə ölkəmiz haqqında ətraflı məlumat almağa imkan verir. Gün ərzində Azərbaycanı təmsil edən stenddə qurulmuş böyük ekranda mədəniyyətimizi təşviq edən video yayımlanır.
İki gün davam edəcək “Lüksemburq Beynəlxalq Bazarı”nda ziyarətçilər “ASPİ Savalan”, “Gilan Holding”, “Silkway” Hava Yolları, “Viva” kimi şirkətlərin yüksəkkeyfiyyətli şərablarını, təravətli çayını, nar şirəsini, gül və əncir mürəbbəsini, ənənəvi şirniyyatlarını, paxlava və şəkərburasını dada və ala biləcəklər. Milad bayramı ərəfəsində onlar, həmçinin hədiyyə etmək üçün orijinal incə əl işlərini, UNESCO-nun bəşəriyyətin Qeyri-Maddi Mədəni İrs Siyahısına daxil edilmiş kəlağayılarını əldə edəcəklər.
Milli ornamentlərlə bəzədilmiş stendimizdə ölkəmizin tər meyvə və tərəvəzləri (nar, heyva, xurma, feyxoa, pomidor, xiyar) də təqdim olunur.
Lüksemburqun Baş naziri Ksavye Bettel Azərbaycan stendinə baş çəkib. O, Brüssel Sammitində iştirakından və tədbir çərçivəsində Azərbaycan Prezidenti İlham Əliyev ilə görüşündən danışıb, xoş təəssüratlarını bölüşüb.
Qeyd edək ki, ölkəmiz artıq altıncı ildir “Lüksemburq Beynəlxalq Bazarı”nda təmsil olunur. Multikulturalizm mühitində fəaliyyət göstərən bu bazar xeyriyyəçilik məqsədilə keçirilir, əldə edilən gəlir köməyə ehtiyacı olan ölkəyə verilir.
Azərbaycan-Lüksemburq Ticarət Palatasının vitse-prezidenti Seymur Əhmədov AZƏRTAC-a müsahibəsində bildirib ki, Lüksemburq Beynəlxalq Bazarı”nda iştirak etməkdə əsas məqsəd ölkəmizi, onun tarixini, mədəniyyətini və qastronomiyasını lüksemburqlulara və bazarın ziyarətçilərinə yaxından tanıtmaqdır. O deyib ki, Prezident İlham Əliyev ölkəmizdə qeyri-neft sektorunun inkişaf etdirilməsinə xüsusi diqqət yetirir. Kənd təsərrüfatı məhsullarının xarici bazarlara çıxarılması, ixrac məhsullarının həcminin artırılması, Azərbaycan Prezidentinin ixracın təşviqi üzrə qəbul etdiyi qərarlara uyğun olaraq “Made in Azerbaijan” brendinin xarici bazarlarda təşviqi prioritet məsələlərdəndir. Çalışırıq Prezidentimizin qarşıya qoyduğu bu prioritetlərin uğurla həyata keçirilməsinə töhfə verək. Vurğulanıb ki, Lüksemburqda yaşayan azərbaycanlılar ölkəmizin tanıdılması üçün əllərindən gələni əsirgəmir, belə tədbirlərdə fəal iştirak edirlər.




 
Bölməyə aid digər xəbərlər
15.10.2019
Leyla Əliyevanın şeir yaradıcılığı türk poeziyasına yeni bədii ruh gətirəcək
15.10.2019
Kamal Abdullanın “Sirlərin sərgüzəşti” romanı çap olunub
15.10.2019
Azərbaycan Vaşinqtonda keçirilən Beynəlxalq Uşaq Festivalında iştirak edib
15.10.2019
“Şelkunçik” baleti Primorye səhnəsində Eldar Əliyevin quruluşunda təqdim ediləcək
15.10.2019
Timur Əsgərov “Kralın əyləncəsi” baletində baş rolda çıxış edəcək

Şərh əlavə olunmayıb

    ,    
Namiq Əliyev
Fuad HÜSEYNZADƏ
Namiq Əliyev
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10916

1 Aşqabadda Azərbaycan və Türkmənistan prezidentlərinin görüşü olub
2 Ankarada “Buta Bakı“
3 Bakıda Rus Kitab Evinin açılmasının 10 illik yubileyi qeyd olunub
4 Aşqabadda MDB Dövlət Başçıları Şurasının geniş tərkibdə iclası keçirilib
5 “Xoşbəxtlikdən, Azərbaycanın qolu sayılmadı“


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info