“Azərbaycanla yüksək səviyyəli qonşuluq əlaqələri və güclü tərəfdaşlıq qurulub
Tarix: 06.12.2017 | Saat: 00:24:00 | E-mail | Çapa göndər


“Gürcüstan ilə Azərbaycan qarşılıqlı anlaşma və uzaqgörən baxışa əsaslanan yüksək səviyyəli qonşuluq əlaqələri və güclü tərəfdaşlıq qurub. Bu xüsusda, iki ölkə arasında qarşılıqlı maraq kəsb edən bütün sahələrdə əlaqələr möhkəmlənib və regional səviyyədə əhəmiyyətli layihələrin inkişafına nail olunub”. Xarici İşlər Nazirliyinin mətbuat xidmətindən bildiriblər ki, bu fikirlər Gürcüstanın xarici işlər naziri Mixeil Canelidzenin azərbaycanlı həmkarı Elmar Məmmədyarova ölkələrimiz arasında diplomatik münasibətlərin qurulmasının 25 illiyi münasibətilə göndərdiyi təbrik məktubunda yer alıb. Nazir xalqlarımız arasında mövcud əlaqələrin və iki ölkənin yaxın münasibətlərinin ortaq maraqlar, möhkəm tarixi təməl üzərində qurulmuş ənənəvi dostluqla tam uzlaşdığını diqqətə çatdırıb. O, strateji tərəfdaşlığın daha da dərinləşəcəyinə və gələcəkdə daha çox nəticələr əldə ediləcəyinə ümidvar olduğunu bildirib. Mixeil Canelidze ikitərəfli münasibətlərin dərinləşdirilməsi və çoxtərəfli formatlarda birgə maraqların təşviqində iki ölkənin Xarici İşlər nazirliklərinin effektiv və nəticəyönümlü işindən məmnunluğunu ifadə edib. Nazir Elmar Məmmədyarov gürcü həmkarına ünvanladığı məktubda ötən 25 il ərzində Azərbaycan ilə Gürcüstan arasında ikitərəfli əməkdaşlığın bütün sahələrində nəzərəçarpacaq inkişafın müşahidə olunduğunu bildirib. Həmçinin Elmar Məmmədyarov əldə olunan nailiyyətlərin iki ölkənin müstəqilliyinin daha da möhkəmləndirilməsinə töhfə verdiyini, onların çiçəklənməsinə xidmət etdiyini vurğulayıb. Bu xüsusda o, iki ölkə arasında münasibətlərin inkişaf etdiyini diqqətə çatdırıb. Elmar Məmmədyarov Gürcüstanın Ermənistan-Azərbaycan, Dağlıq Qarabağ münaqişəsinin Azərbaycanın suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı prinsipləri əsasında həllinə dair davamlı və prinsipial mövqeyini yüksək qiymətləndirib. Məktubda möhkəm dostluq əlaqələrinə əsaslanan ikitərəfli münasibətlərin beynəlxalq müstəvidə qarşılıqlı dəstəklə ifadə olunmasının vacibliyi qeyd edilib. Elmar Məmmədyarov Azərbaycan və Gürcüstan arasında yüksək səviyyəli münasibətlərin davamlılığının birgə regional layihələrin həyata keçirilməsində mühüm rol oynaması ilə yanaşı, bölgədə əməkdaşlıq və inkişafın təməlini qoyduğunu bildirib. Bu xüsusda, Bakı-Tbilisi-Ceyhan boru kəməri və Bakı-Tbilisi-Qars dəmir yolu xəttinin istismarının birgə strateji siyasətin effektivliyinin bariz nümunəsi olduğu diqqətə çatdırılıb. Nazir bildirib ki, birgə həyata keçirilmiş bu layihələr iki xalqın rifahının yüksəlməsinə xidmət göstərir, eyni zamanda, regionun nəqliyyat və ticarət qovşağı kimi əhəmiyyətini sübut edir.




 
Bölməyə aid digər xəbərlər
25.08.2019
Makron: “G7“ iştirakçıları İranla münaqişə istəmir
25.08.2019
“Qərbin bizi təhdidinə baxmadan Türkiyənin haqlarını sonunadək müdafiə edəcəyik”
24.08.2019
Azərbaycan hökuməti gənclərin bu günü və gələcəyi uğrunda böyük işlər görür
23.08.2019
İndoneziya səfiri: “Dağlıq Qarabağ məsələsində Azərbaycanı həmişə dəstəkləmişik“
23.08.2019
Makron: “Hindistan və Pakistan problemi qarşılıqlı şəkildə həll etməlidirlər“

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10871

1 Bakıdan avtobusla Naxçıvana gedənlərə şad xəbər
2 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
3 “Stokholmda Rəssamlıq qalereyası açmaq planım var”
4 Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş olub
5 Los Anceles sinaqoqunda Azərbaycanın tolerantlığına dair təqdimat keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info