“Azərbaycanda etika və komplayns“ mövzusunda konfrans keçirilib
Tarix: 06.12.2017 | Saat: 21:40:00 | E-mail | Çapa göndər


Azərbaycanda Amerika Ticarət Palatası ("AmCham") Bakıda "Azərbaycanda etika və komplayns" mövzusunda ilk konfransını təşkil edib.
"AmCham"dan AZƏRTAC-a bildiriblər ki, qurumun prezidenti Nuran Kərimov və icraçı direktoru Natəvan Məmmədova bu tədbirin Azərbaycanda tətbiq edilən biznes təcrübələrinin müvafiq qanun, qayda və etik biznes davranışı prinsiplərinə uyğunluğunun təmin edilməsi və ölkənin biznes ictimaiyyəti daxilində komplayns mədəniyyətinin inkişafı baxımından vacibliyini vurğulayıblar.
Azərbaycan Standartlaşdırma, Metrologiya və Patent üzrə Dövlət Komitəsinin sədr müavini Niyazi Rəhimov palatanın ölkədə biznes mühitinin yaxşılaşdırılması istiqamətində davamlı fəaliyyət həyata keçirdiyini qeyd edib. O, konfransın Azərbaycanda şəffaflığın təmin edilməsi, korrupsiya ilə mübarizə və bürokratik əngəllərin aradan qaldırılması baxımından vacibliyini qeyd edib. N.Rəhimov deyib ki, Azərbaycanda korrupsiyaya qarşı mübarizədə müşahidə edilən müsbət dinamika, xüsusən də açıq hökumət prinsipləri və dövlət idarəçiliyində İKT-dən istifadənin genişləndirilməsi, məlumatlara çıxışda şəffaflığın təmini ictimai iştirakçılığın yüksəldilməsi və mülki vətəndaş cəmiyyəti institutları ilə əməkdaşlığa görə beynəlxalq korrupsiyaya qarşı mübarizə üzrə reytinqlərdə əksini tapıb. O, konfrans iştirakçılarını Azərbaycan Standartlaşdırma, Metrologiya və Patent üzrə Dövlət Komitəsinin nailiyyətləri barədə məlumatlandırıb.
Azərbaycan Respublikasının Baş Prokuroru yanında Korrupsiyaya Qarşı Mübarizə Baş İdarəsinin Təşkilati və İnformasiya Təminatı İdarəsinin prokuroru Elnur Hümbətov korrupsiya hallarına qarşı mübarizə ilə bağlı ibtidai istintaq zamanı həyata keçirilən tədbirlər barədə ətraflı məlumat verib. E.Hümbətov 2016-cı və 2017-ci illərin birinci yarısında istintaqın başa çatmasından sonra məhkəmələrə göndərilmiş cinayət işlərinin sayı və onların təsnifatı barədə statistik məlumatları iştirakçıların nəzərinə çatdırıb. O, xüsusi olaraq korrupsiya və vəzifə səlahiyyətlərindən sui-istifadə hallarının nisbətinin müvafiq olaraq 5 və 3 faiz azaldığını vurğulayıb. Qeyd edib ki, bu cür dinamika Azərbaycan Respublikasının Baş Prokuroru yanında Korrupsiyaya Qarşı Mübarizə Baş İdarəsinin həyata keçirdiyi fəaliyyətin müsbət göstəricisidir.
Konfrans "Təşkilatlarda effektli komplayns funksiyasının qurulması və tətbiqi" və "Təşkilatlarda korrupsiyaya qarşı auditin aparılması üzrə məsləhət və tövsiyələr" mövzusunda panel iclaslarda işini davam etdirib.


Mahmud




 
Bölməyə aid digər xəbərlər
21.09.2018
“Azərbaycan öz milli maraqlarını tam təmin edir”
21.09.2018
“Ermənistanın yeni rəhbərliyi öz siyasətində ciddi dəyişikliklər etməlidir”
21.09.2018
Böyüklərə qayğı hər bir insanın mənəvi borcudur
21.09.2018
Girov götürülən şəxslərin hüquqlarının tədqiqi ilə bağlı layihə yekunlaşıb
21.09.2018
Prezident Türkiyə Böyük Millət Məclisinin sədri ilə görüşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info