“The West Australian” qəzetində Azərbaycan haqqında məqalə dərc edilib
Tarix: 07.12.2017 | Saat: 17:24:00 | E-mail | Çapa göndər
Avstraliya İttifaqının Qərbi Avstraliya ştatının nüfuzlu “The West Australian” qəzetində jurnalist Kim Maqdonaldın Azərbaycan haqqında məqaləsi dərc edilib.
AZƏRTAC xəbər verir ki, Azərbaycanda səfərdə olan jurnalist məqaləsində ölkəmizlə bağlı təəssüratlarını bölüşür.
Müəllif Qərbi Avstraliyanın Pert şəhəri ilə Bakı şəhərini müqayisə edərək çoxlu oxşarlıqların olduğunu vurğulayır. O, iqtisadi resurslarla zəngin hər iki şəhərin meqalayihələrin həyata keçirildiyi məkan olduğunu qeyd edir. Bildirir ki, hər iki şəhər dünyəvi, təhsilli cəmiyyəti ilə seçilir.
Azərbaycanın qeyri-neft sektorunun inkişafına böyük önəm verdiyini və bunu qarşısına məqsəd qoyduğunu qeyd edən müəllif ölkəmizin təşəbbüsü ilə həyata keçirilən layihələrdən bəhs edir. O vurğulayır ki, belə təşəbbüslərdən danışarkən böyük İpək Yolunun mühüm hissəsini təşkil edən Bakı-Tbilisi-Qars dəmir yolunu xüsusi qeyd etmək lazımdır.
Müəllif yazır ki, Azərbaycanda gənclərin əksəriyyəti ingilis dilində danışa bilir. ADA Universitetində gənclər ingilis dilində təhsil alırlar.
Məqalədə vurğulanır ki, Azərbaycan hökumətinin fəal səylərindən biri də ölkəyə xarici investisiyaların cəlb edilməsidir.
Azərbaycan İnvestisiya Şirkətinin icraçı direktoru Rövşən Nəcəfin fikirlərinə yer verən jurnalist diqqətə çatdırır ki, ölkədə əczaçılıq, informasiya-kommunikasiya texnologiyaları, kənd təsərrüfatı, sənaye və digər sahələrdə birgə layihələrin həyata keçirilməsi yolları araşdırılır. Azərbaycandakı biznesin etibarlı olduğunu vurğulayan “Caravel Minerals” şirkətinin sahibi Markel Hilmer bildirir ki, ölkədə vergi sistemi əlverişlidir. Azərbaycanın mədənçilik sahəsi Avstraliya biznesmenləri üçün gözəl imkandır. Avstraliya biznesmenləri mədənçiliyin sərvətə çevrilməsinə yardımçı ola bilərlər. Azərbaycan mis, qızıl, filiz kimi nadir minerallarla zəngindir.
Yazıda Azərbaycan Respublikası Milli Məclisi sədrinin müavini Valeh Ələsgərovun ölkəmizdə xarici investorlar üçün yaradılan münbit şərait barədə fikirləri diqqətə çatdırılır.
Müəllif, həmçinin Azərbaycan-Avstraliya parlamentlərarası əlaqələr üzrə işçi qrupunun rəhbəri Xanlar Fətiyevin, Azərbaycanın Avstraliya İttifaqındakı fəxri konsulu Aydan Rzayevanın ölkələrimiz arasında əlaqələrin inkişafı ilə bağlı fikirlərinə yer verir.
Mahmud




 
Bölməyə aid digər xəbərlər
26.05.2018
Neftin qiyməti son iki gündə 5 faizədək ucuzlaşıb
26.05.2018
Azərbaycanda qeyri-neft məhsullarının ixracı 4,1 dəfə artıb
25.05.2018
İndiyədək 35 mindən çox sahibkara 2,2 milyard manatadək güzəştli kredit verilib
25.05.2018
“Mastercard” Azərbaycan üzrə yeni menecer təyin edib
25.05.2018
Kənd Təsərrüfatı Nazirliyinin struktur və bölmələri fəaliyyət prinsipini dəyişəcək

Şərh əlavə olunmayıb



    ,    
Hüseyn Babayev
Fuad HÜSEYNZADƏ
Tural Tağıyev
Elşad QOCA
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9313

1 Yaponiyada Azərbaycan məhsullarına böyük maraq var
2 Almaniyadakı soydaşlarımızdan AXC-nin 100 illiyilə bağlı təbrik mesajı
3 “Bəzən valideynlər övladlarının saatlarla cizgi filminə baxması ilə fərəhlənirlər”
4 “Separatçıların danışıqlarda iştirakını təklif etmək sülh prosesini öldürmək deməkdir”
5 Səadət Qarayeva: “PBİF Azərbaycanın biznes potensialı üçün mühüm meydançalardan biridir”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info