BANM-də Layihələri İdarəetmə Məktəbinin yeni qrupu açılıb
Tarix: 11.12.2017 | Saat: 14:24:00 | E-mail | Çapa göndər


Bakı Ali Neft Məktəbi (BANM), İngiltərənin “TwentyEighty Strategy Execution” (STRATEX) şirkəti, ABŞ-ın Corc Vaşinqton Universiteti, BP və onun tərəfdaşlarının birgə əməkdaşlığı ilə həyata keçirilən Layihələri İdarəetmə Məktəbinin növbəti – “Stream 18” qrupunun təqdimat mərasimi olub.
BANM-dən bildiriblər ki, tədbirə bu ali məktəbin rektoru Elmar Qasımov, “Azərsu” ASC sədrinin birinci müavini Teyyub Cabbarov, “BP-Azerbaijan” şirkətinin əlaqələr, xarici işlər və strategiya üzrə vitse-prezidenti Bəxtiyar Aslanbəyli, SOCAR-ın kadr, rejim və informasiya texnologiyaları üzrə vitse-prezidentinin müavini Asif Şəfəqqətov, “Azərsu” ASC-nin aparat rəhbəri Möhsün Quliyev və yeni qrupun müxtəlif aparıcı şirkətlərdən olan iştirakçıları qatılıblar.
E.Qasımov BANM-in və Layihələri İdarəetmə Məktəbinin uğurlu fəaliyyətindən danışıb. Rektor rəhbərlik etdiyi ali məktəbin təşkilatçılığı ilə həyata keçirilən proqrama önəm verdikləri üçün qonaqlara təşəkkürünü bildirib.
Tədbirdə T.Cabbarov, B.Aslanbəyli və A.Şəfəqqətov Layihələri İdarəetmə Məktəbinin bu sahə üzrə mütəxəssis hazırlığında böyük rola malik olduğunu bildirib və iştirakçılara uğurlar arzulayıblar.
“Stream 18” qrupunun iştirakçıları təmsil etdikləri şirkət haqqında məlumat veriblər. Proqramda SOCAR-ın baş ofisinin, “Azərsu” ASC, BP, “CBMC”, “CNFA”, “Ernst&Young”, “Neftqaztikinti”, “Azərkimya”, “Azneft” İstehsalat Birliyi, “Worley Parsons” və digər şirkətlərin əməkdaşları iştirak edirlər.
Qeyd edək ki, Layihələri İdarəetmə Məktəbi son bir ildə dövlət və özəl sektorda fəaliyyət göstərən şirkətlərin böyük marağına çevrilib. Şirkətlər öz seçilmiş mütəxəssislərinin ixtisasartırması haqqında düşünərkən üstünlüyü məhz Layihə İdarəetmə Məktəbinə verir. Burada proqramın iştirakçıları layihələrin idarəolunmasının yeddi modulu üzrə ABŞ-ın Corc Vaşinqton Universitetinin magistr proqramını keçir. Proqramı uğurla başa vuranlar həmin universitetinin magistr sertifikatı ilə təltif edilirlər.

Nigar




 
Bölməyə aid digər xəbərlər
20.06.2018
On beşinci əsrdə tərtib olunmuş lüğət Azərbaycana gətirilib
20.06.2018
“Vikipediya”da “Azərbaycan Xalq Cümhuriyyəti ayı”nın nəticələri təqdim edilib
20.06.2018
Şəhid Təbriz Musazadəyə həsr olunmuş layihəyə yekun vurulub 
20.06.2018
“BANM-ın məzunu olmaq çox qürur verici bir hisdir”
20.06.2018
Hərb tariximizin şanlı səhifəsi

Şərh əlavə olunmayıb



    ,    
İsa Həbibbəyli
Cavanşir Feyziyev
Hüseyn Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9433

1 Ötən il SOCAR-ın xalis mənfəəti 6 dəfə artıb
2 Futbol üzrə Dünya Çempionatı başladı
3 Putin Paşinyanı alçaldıb
4 Regional geosiyasi vəziyyət müzakirə edilib
5 İqtisadiyyat Nazirliyi ilin II yarımilliyi üzrə planı təsdiqləyib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info