“Bakı Slavyan Universitetində tələbələrin inkişafı, uğurlu gələcəyi üçün hər cür şərait yaradılıb”
Tarix: 19.12.2017 | Saat: 17:55:00 | E-mail | Çapa göndər


Bakı Slavyan Universitetində tələbələrin inkişafı, uğurlu gələcəyi üçün hər cür şərait yaradılıb.
AZƏRTAC xəbər verir ki, bunu Bakı Slavyan Universitetinin (BSU) rektoru, professor Nurlana Əliyeva dekabrın 19-da bu ali təhsil ocağının ikinci kurs tələbələri ilə görüşündə deyib.
Bu gün BSU-da istedadı və qabiliyyətləri ilə fərqlənən xeyli sayda tələbənin təhsil aldığını diqqətə çatdıran Nurlana Əliyeva bildirib ki, Azərbaycanın gələcəyi gənclərin əlindədir.
BSU-nun dünyanın bir sıra aparıcı universitetləri ilə sıx əməkdaşlıq etdiyini, beynəlxalq layihələr çərçivəsində tələbə-müəllim mübadiləsinin həyata keçirildiyini vurğulayan rektor deyib: “Təkcə Rusiyanın 27 universiteti ilə sıx əlaqələrimiz var. Bundan əlavə, Türkiyə, Bolqarıstan, Polşa, Çexiya, Ukrayna, Belarus və s. dövlətlərin ali təhsil müəssisələri ilə əməkdaşlıq edirik”.
Nurlana Əliyeva BSU-da keçirilən bütün tədbirlərin başlıca məqsədinin tələbələrin intellektual və mənəvi baxımdan inkişafını hədəflədiyini diqqətə çatdırıb. O deyib: “Biz tələbələrin asudə vaxtlarının səmərəli təşkili, təhsil şəraitinizin yaxşılaşdırılması, sosial problemlərinizin imkan daxilində həlli üçün əlimizdən gələni edirik. Belə ki, 70-dən artıq tələbənin yeməkxanadan pulsuz istifadəsinə şərait yaradılıb, universitetin yataqxanasının bərbad vəziyyətdə olan otaqları təmir edilib. Məqsədimiz ölkəmizə və millətimizə xidmət edə biləcək vətənpərvər, hazırlıqlı gənclər yetişdirməkdir”.
Rektor vurğulayıb ki, müasir müstəqil Azərbaycanın memarı və qurucusu ümummilli lider Heydər Əliyevin müəyyənləşdirdiyi gənclər siyasəti tələbələrin hərtərəfli şəxsiyyət kimi formalaşması üçün işıqlı yollar açır. Ulu öndər Heydər Əliyev kursunu layiqincə davam və inkişaf etdirən Prezident İlham Əliyev Azərbaycanı bütün parametrlər üzrə regionun lider ölkəsinə çevrilib.
Gəncləri yad təsirlərdən, əks təbliğatlardan uzaq durmağa çağıran Nurlana Əliyeva ermənilər tərəfindən işğal olunmuş Azərbaycan torpaqlarının güclü ordumuzun sayəsində qısa müddətdə azad ediləcəyinə əminliyini bildirib.
Anar




 
Bölməyə aid digər xəbərlər
21.08.2018
Qusarda yol tikintisinə vəsait ayrılıb
21.08.2018
Dünyada ilk dəfə ən davamlı material hazırlanıb
21.08.2018
Gömrükdən gödəkçəsində siqaret keçirmək istədi
21.08.2018
“AtaBank” bayram günləri müştərilərə xidmət göstərəcək
21.08.2018
Azərbaycanda Qadın Sahibkarlığının İnkişafı Assosiasiyasının təqdimatı keçirilib

Şərh əlavə olunmayıb



    ,    
Namiq Əliyev
Tural Tağıyev
Ülviyyə Həsənzadə
İsa Həbibbəyli
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9921

1 “İrəvanın Moskvaya olan borclarını Koçaryanla Sarkisyan qaytarmalıdır”
2 Azərbaycan Xarkov və Odessada ticarət evləri açacaq
3 Prezident İlham Əliyev Rəcəb Tayyib Ərdoğanı təbrik edib
4 “Jeopoliturk.com”: “Azərbaycanın sabitlik, rifah və müstəqilliyi Türkiyə və Qərbi Asiyada sabitlik və təhlükəsizlik üçün həyati əhəmiyyətlidir”
5 Lerikdə 28 yaşayış məntəqəsini birləşdirən yolun tikintisinə vəsait ayrılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info