Kaliforniyadakı azərbaycanlıları birləşdirən təşkilat yaranıb
Tarix: 25.12.2017 | Saat: 15:23:00 | E-mail | Çapa göndər


Kaliforniya Azərbaycan Dostluq Assosiasiyası (California Azerbaijan Friendship Association - CAFA) təsis edilib. Bu, ABŞ-ın Kaliforniya ştatında yaşayan azərbaycanlılarının yaratdığı, bütün ştatı əhatə edən ilk təşkilatdır.
ABŞ-ın ən böyük ştatlarından biri Kaliforniyanın 40 milyon əhalisi var. Ştat 2,4 trilyon dollarlıq iqtisadiyyatı ilə nəinki ABŞ-da, dünya iqtisadi sistemində önəmli yerlərdən birini tutur. Həmçinin 1 milyonadək erməninin yaşadığı Kaliforniya dünyada ermənilərin ən çox məskunlaşdığı məkanlardan biri kimi tanınmaqdadır.
Assosiasiyanın təsis olunması ilə bağlı Los-Anceles şəhərində 200-dək qonağın qatıldığı tədbir keçirilib. Tədbirdə Azərbaycan icmasının üzvləri ilə yanaşı, Kaliforniya ştat senatorları, şəhər merləri, şəhər şuralarının üzvləri, diplomatlar, tanınmış elm xadimləri, həmçinin dost yəhudi, türk, Pakistan, İran, Koreya, Vyetnam və latino icmalarının rəhbərləri iştirak ediblər.
Əvvəlcə hər iki ölkənin dövlət himnləri səsləndirilib.
Sonra çıxış edən CAFA-nın icraçı direktoru Kimiya Məmmədova bildirib ki, Assosiasiyanın yaradılmasında əsas məqsəd Kaliforniyada yaşayan bütün azərbaycanlıları, o cümlədən buradakı Azərbaycanın çoxlu sayda dostlarını birləşdirmək və Azərbaycan ilə Kaliforniya arasında ən müxtəlif sahələrdə əlaqələri daha da gücləndirməkdir. Azərbaycan və Kaliforniya ştatı arasında mövcud olan dostluq əlaqələrindən danışan K.Məmmədova bu dostluğun uzun illərdən bəri qarşılıqlı dəyərlərə və hörmətə əsaslanaraq genişləndiyini və Azərbaycan kimi Kaliforniyanın da müxtəliflik, multikulturalizm və tolerantlıq kimi dəyərlərə sahib olduğunu vurğulayıb. O qeyd edib ki, yeni təşkilat, həmçinin burada fəaliyyət göstərən seçkili orqanlar, hökumət rəsmiləri və müxtəlif təşkilatlar və icmalar ilə qarşılıqlı faydalı əməkdaşlıq qurmaq niyyətindədir.
Sonra çıxış edən Azərbaycanın Los-Ancelesdəki baş konsulu Nəsimi Ağayev müxtəlifliyi və multikulturalizmi, o cümlədən iqtisadi göstəricilərinə görə ABŞ-ın ən qabaqcıl ştatlarından olan Kaliforniya ştatında belə bir təşkilatın yaradılmasını tarixi və əlamətdar hadisə adlandırıb. O, Kaliforniyada yaşayan Azərbaycan icması tərəfindən atılan bu addımı yüksək qiymətləndirdiyini, yeni təşkilatın soydaşlarımız arasındakı həmrəyliyin gücləndirilməsində önəmli rol oynayacağına ümid etdiyini bildirib və təşkilata gələcək fəaliyyətində uğurlar arzulayıb.
Daha sonra Kaliforniya Ştat senatorları Ben Allen və Coş Nyuman, Kaliforniyanın Volnat şəhərinin meri Meri Su, Torrens Şəhər Şurasının üzvü Haydi Eşkraft və Los-Anceles Dinlərarası Şurasının sədri Yepiskop Xuan Karlos Mendez çıxış ediblər. Onlar müxtəlif etnik icmaların yaşadığı Kaliforniya kimi çoxmədəniyyətli ştatda Azərbaycan icmasının təşkilatlanmasının, Azərbaycan və Amerika xalqları arasında güclü körpülərin yaradılmasının və dostluğun gücləndirilməsinin yüksək önəmini qeyd edib, CAFA-ya təbrik və arzularını çatdırıb, müvafiq təbrik bəyannamələrini təqdim ediblər.
Los-Anceles meri Erik Qarsettinin imzaladığı təbrik bəyannaməsi Los-Anceles şəhərinin insan resursları üzrə müvəkkili Amna Qazi tərəfindən Kimiya Məmmədovaya təqdim olunub.
Qeyd edilib ki, Kaliforniya Azərbaycan Dostluq Assosiasiyasının yaradılması münasibətilə ABŞ Nümayəndələr Palatasının xarici əlaqələr komitəsinin sədri, konqresmen Ed Roys, Kaliforniya Ştat Senatoru Stiven Brədford, Kaliforniya Ştat Assambleyası üzvləri Sebastian Ridli-Tomas, Şəron Quirk-Silva, Filip Çen və Los-Anceles Şəhər Şurasının üzvü Mitçel Enqlander tərəfindən imzalanmış təbrik bəyannamələri də CAFA-ya göndərilib.
Tədbir Azərbaycan musiqisindən nümunələrin ifası və ziyafətlə yekunlaşıb.
Fuad




 
Bölməyə aid digər xəbərlər
16.06.2018
“Ordumuz hər an düşmən təxribatının qarşısını almağa hazır olmalıdır”
16.06.2018
“TANAP Gürcüstanın tranzit potensialını artıracaq”
15.06.2018
İlham Əliyev və Nikol Paşinyan görüşü barədə danışmaq hələ tezdir
15.06.2018
“Gürcüstanın TANAP-ın açılışında yüksək səviyyədə iştirak etməməsi ölkədaxili siyasi vəziyyətlə bağlıdır“
14.06.2018
“Bu ilin sonuna inflyasiyanın birrəqəmli həddə olacağı proqnozlaşdırılır“

Şərh əlavə olunmayıb



    ,    
İsa Həbibbəyli
Cavanşir Feyziyev
Hüseyn Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9418

1 Yaponiyada Azərbaycanın biznes mühiti ilə bağlı seminar keçiriləcək
2 Qazın qiyməti artdı, Paşinyan batdı..
3 “Erməniliyin və erməni faşizminin ideologiyası, fəlsəfəsi və cinayəti“ kitabının təqdimatı keçirilib
4 Putin: “Bizim münasibətlərimiz çox uğurla inkişaf edir”
5 Prezident TANAP-ın açılışında iştirak etmək üçün Türkiyəyə gedib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info