Parisdə Dünya Azərbaycanlılarının Həmrəyliyi Günü qeyd olunub
Tarix: 29.12.2017 | Saat: 13:01:00 | E-mail | Çapa göndər


Parisdəki Azərbaycan Mədəniyyət Mərkəzində 31 dekabr - Dünya Azərbaycanlılarının Həmrəyliyi Günü münasibətilə mərasim keçirilib.
AZƏRTAC xəbər verir ki, Azərbaycanın Fransadakı səfiri Rəhman Mustafayev tədbirdə çıxış edərək 1991-ci ildə xalqımızın ümummilli lideri Heydər Əliyev tərəfindən təsis olunan və bütün azərbaycanlıların birlik rəmzinə çevrilən bu bayram münasibətilə təbriklərini çatdırıb.
Ölkələrimiz arasındakı diplomatik münasibətlərə toxunan səfir 2017-ci ilin müsbət yekunlarından, Prezident İlham Əliyevin, Azərbaycanın Birinci vitse-prezidenti Mehriban Əliyevanın Fransaya səfərlərindən və bu səfərlərin ikitərəfli əlaqələrin inkişafına təkan verməsindən, qarşıdan gələn ilin daha da uğurlu olacağından söz açıb. Diplomat bu bayramın əhəmiyyətini qeyd edib, onun azərbaycanlıları birliyə, əməkdaşlığa çağırdığını vurğulayıb. Fransa kimi bir ölkədə Azərbaycan icmasının birliyə, koordinasiyaya böyük ehtiyacının olduğunu diqqətə çatdırıb.
Vurğulanıb ki, 2018-ci ildə Azərbaycan Xalq Cümhuriyyətinin 100 illiyi Fransada geniş qeyd olunacaq.
UNESCO yanında daimi nümayəndəliyimizin rəhbəri, səfir Anar Kərimov bildirib ki, Azərbaycanın Fransadakı səfirliyinin, rəhbərlik etdiyi nümayəndəliyin və icma üzvlərinin birgə fəaliyyəti gələcək böyük uğurların təməlidir. Qeyd edilib ki, Fransada yaşayan bütün azərbaycanlılar böyük bir ailədir. Müstəqilliyimizin çətinliklə əldə edildiyini xatırladan A. Kərimov gücümüzün həmrəyliyin bəhrəsi olduğunu vurğulayıb, icma üzvlərini həmrəyliyi daha da möhkəmləndirməyə səsləyib.
Sonra icma üzvləri gələcək fəaliyyətlə bağlı fikir mübadiləsi aparıblar.
Tarix üzrə tədqiqatçı Edit İber bildirib ki, ilk dəfə 1985-ci ildə bəstəkar Üzeyir Hacıbəylinin anadan olmasının 100 illiyi münasibətilə təşkil edilmiş musiqişünasların beynəlxalq toplantısına iştirak edən həyat yoldaşı ilə birlikdə Bakıda olub. Bu səfər çərçivəsində onlar hətta Şuşaya da gediblər. O, doktorluq dissertasiyasının mövzusunun 1920-ci ilin sentyabr ayında Bakıda keçirilmiş “Şərq xalqlarının birinci Konqresi” haqqında olduğunu qeyd edib. Tədqiqatçı bildirib: “Doktorluq mövzum mənə Bakını daha yaxından tanımağa imkan verdi. Sonra dəfələrlə Bakıya səfər etdim, Bakı Dövlət Universitetində və Mərkəzi Kitabxanada tədqiqatla məşğul oldum. Bakı ilə hər tanışlıq məni heyran və cəlb edirdi”.
E. İber deyib ki, Dünya Azərbaycanlılarının Həmrəyliyi Günündə Parisdə yaşayan Azərbaycan icmasının üzvləri ilə birgə onların bayramını qeyd etməkdən və sevincini bölüşməkdən məmnundur.
Sonra dünya şöhrətli fotoqraf Reza Deqati Həmrəylik Günü münasibətilə bütün azərbaycanlıları təbrik edib. Dünyanı gəzib dolaşan fotoqraf hər yerdə həmvətənlərimizin vəhdətini gördüyünü bildirib. O qeyd edib ki, Azərbaycan mədəniyyət sahəsində dünyaya çox töhfələr verib və bundan sonra da verəcək.




 
Bölməyə aid digər xəbərlər
11.12.2018
Makron sükutu pozdu, “Sarı jilet”lər aksiyasının 5-ci aktına çağırış edildi
11.12.2018
Stokholmda Nobel mükafatı laureatlarının təltif edilməsi mərasimi olub
10.12.2018
Fransa XİN rəhbəri Trampı ölkənin daxili işlərinə qarışmamağa çağırıb
09.12.2018
Parisdə etiraz aksiyaları zamanı saxlanılanların sayı 1700 nəfəri ötüb
09.12.2018
İngiltərədə 130-a yaxın ictimai kitabxana bağlanıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10523

1 “Macarıstandakı Azərbaycan icmasının böyük əksəriyyətini gənclər təşkil edir”
2 “Sondakika.com”: “Türkiyənin ən böyük xarici investoru olan SOCAR yeni layihə həyata keçirir”
3 Prezident İlham Əliyev Putinin dəvəti ilə Rusiyaya işgüzar səfərə gedib- YENİLƏNİB
4 Türkiyədə yeni Azərbaycan diaspor təşkilatı qeydiyyatdan keçib
5 “Özümü qərib ölkədə hiss etmədim”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info