Vitaminsizlik bir bəla, çox vitamin isə min...
Tarix: 31.12.2017 | Saat: 04:11:00 | E-mail | Çapa göndər


Təhlükəli hüceyrələri oyadır

Vitamin-insan orqanizminin normal inkişafı üçün vacibdir. Vitamin əksikliyi nəticəsində isə vücudda bir sıra problemlər baş qaldırmağa başlayır.
Son zamanlar "Vitaminin zərəri yoxdur", "Xəstələnməmək üçün vitamin qəbulu şərtdir", "Uşağım yaxşı yemir, vitamin almalıyam" düşüncəsi ilə özbaşına vitamin qəbulu halları artıb.

Medicina.az bildirir ki, terapevt-qastroenteroloq Mətanət Cəfərova vitaminlərin özbaşına qəbulunun yolverilməz olduğunu bildirib:
"Xüsusilə də yaşlı adamlarda. 65 yaş üzərindəki insanlara vitamin tərkibli dərmanların istifadəsinə icazə verilmir. Çünki vitaminlər, o bədəndə yatmış olan hansısa xərçəng hüceyrəsini oyatmaq qabiliyyətinə malikdir. Həkim məsləhəti olmadan vitamin qəbulu düz deyil. Tərkibinin miqdarı gündəlik vitamin ehtiyacından da az olan vitaminlərin bir zərəri dəyməz. Amma ciddi tərkibi olan vitaminlərin, xüsusilə B, A, E, D vitamininin qəbulu həkim göstərişi olmadan yolverilməzdir".
Vitamin çatışmazlığının özünəməxsus əlamətlərinin olduğunu əlavə edən M. Cəfərova hansı problemlərin hansı vitamin əksikliyindən yarandığını açıqlayıb:
"A vitamini çatışmazlığı xüsusilə görməyə təsir edir. Gözün zəifləməsinə səbəb olur. B12 vitamin çatışmazlığı yaddaşsızlığa, qanazlığına səbəb ola bilər.
D vitamini çatışmadıqda əzələ yorğunluğu, sümük ağrıları, tez yorulma halları baş verə bilər.
K vitamini çatışmazsa, bədən qanaxmalara meyilli ola bilər. Qan yaranma sistemində pozğunluqlar yarana bilər.
Qaraciyər üçün çox vacib olan vitamin E-dir. Bunu yenə də həkim təyin etməlidir. Bu vitamin çatışmadıqda yumurta hüceyrəsində spermatazoidin inkişafının ləngiməsinə səbəb olur. E vitaminindən hədsiz çox istifadəsi qaraciyərdə hepatitin yaranmasına da gətirib çıxara bilər.
C vitamini çatışmadıqda immun sistemi zəif olur. Xəstəlik, virusa yoluxma halları artır. Miqdarı çox olduqda laxtalanma sisteminə təsir edir. Bu səbəbdən həkim göstərişi olmadan qəbul etmək olmaz, xüsusilə də C vitamini iynələri".
Həkim hazırda insanların ən çox həkim müayinəsi olmadan B12 iynələrini vurdurduğunu qeyd edib:
"Hansısa B12-lərin qəbulu yatmış hüceyrələri oyada bilər və xərçəng yaranmasına səbəb ola bilər. Xüsusilə də qan xərçəngi. Bunun üçün vitamin qəbul edən zaman insanlar çox ehtiyatlı olmalıdırlar".
Saglamolun.Az




 
Bölməyə aid digər xəbərlər
17.12.2018
Azərbaycanda 109 nəfər dərmandan zəhərlənib
16.12.2018
Əzgilin sağlamlığımız üçün faydaları
14.12.2018
Miqren əleyhinə 5 effektli metod
09.12.2018
Azərbaycanda piylənmə diaqnozu qoyulan uşaqların sayı açıqlandı
08.12.2018
Xaşın sağlamlıq üçün inanılmaz faydaları

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10528

1 “Tbilisi elə bir yerdir ki, burada zamanın necə keçdiyini hiss etmirsən”
2 Anara Hacıbəyli Pirallahı rayonunda YAP ərazi təşkilatının sədri seçilib
3 Bill Klinton Heydər Əliyevlə görüntülərini paylaşdı
4 Gələn ildən işlə bağlı müraciətlər elektron qaydada aparılacaq
5 Azərbaycanlı gənc Misirdə fiziki qüsurlular üçün iki cihaz ixtira edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info