Ağcabədidə Milli Qəhrəman Etibar İsmayılovun xatirəsi anılıb
Tarix: 04.01.2018 | Saat: 18:48:00 | E-mail | Çapa göndər


Azərbaycanın Milli Qəhrəmanı Etibar İsmayılovun xatirəsi onun adını daşıyan Ağcabədi rayonu Hindarx qəsəbə tam orta məktəbində anılıb. 
 
APA-nın Qarabağ bürosunun xəbərinə görə, mərasimdə  Milli qəhrəman Etibar İsmayılovun ailə üzvləri, müəllimləri, döyüş dostları və rayon İcra Hakimiyyətinin nümayəndələri iştirak edib. Tədbir iştirakçıları Milli Qəhrəmanın büstü önündə xatirəsini yad ediblər.  
 
Anım mərasimində şəhidin qəhrəmanlıqla dolu döyüş yolundan danışılıb. Tədbirdə məktəblilərin ifasında kompozisiya göstərilib. Məktəbdə yaradılan fəxri guşə ilə tanış olduqdan sonra Milli qəhrəmanın döyüş yoldaşlarının dəfn olunduğu şəhidlər xiyabanı ziyarət edilib.
 
Qeyd edək ki,  Etibar Bəylər oğlu İsmayılov 29 mart 1964-cü ildə Ağcabədi rayonunun Hindarx kəndində anadan olub. 1990-cı ildə könüllü olaraq müdafiə batalyonlarından birində Qarabağ müharibəsində bir sıra döyüşlərdə igidliklər göstərib. 1994-cü il yanvarın 4-də Xocavənd rayonunun Nərgiztəpə və Ceyil yüksəkliyi istiqamətindəki əməliyyat onun son döyüşü olub. Mühasirəyə düşən dostlarını xilas etmək üçün əlindəki sonuncu qumbara ilə özünü düşmən tankının altına atıb. Bundan sonra döyüşçü yoldaşları mühasirəni yarıb xilas olub.
 
Ümummilli lider Heydər Əliyevin 5 yanvar 1994-cü il tarixli Fərmanı ilə ölümündən sonra Azərbaycanın Milli Qəhrəmanı adına layiq görülüb. 




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10137

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info