Azərbaycanda ilk dəfə özəl mühafizə xidməti haqqında kitab çap olunacaq
Tarix: 10.01.2018 | Saat: 18:09:00 | E-mail | Çapa göndər


Azərbaycanda ilk dəfə özəl mühafizə xidmətinin təşkili ilə bağlı kitab çap olunacaq. Bu haqda mühafizə xidməti üzrə ekspert və kitabın müəllifi Elmar Nurəliyev “Palitra”ya məlumat verdi. O bildirdi ki, “Mühafizəçi” adlı bu kitabı nəşr etməkdə əsas məqsədi cəmiyyətin mühafizə xidmətinə inamını daha da gücləndirməkdir: “Kitab artıq hazırdır. Yaxın günlərdə işıq üzü görəcək. Bu kitabdan özəl mühafizəyə hazırlaşan insanlar yararlana biləcəklər. Kitab mühafizəçilər üçün ilkin tibbi yardım qaydaları, necə tibbi yardım göstərmək lazımdır, fövqəladə hallar zamanı hansı işlər birinci görülməlidir, yanğından mühafizə zamanı insanlarla necə rəftar etmək lazımdır, sınıq, çıxıq, açıq yara olan zaman hansı tibbi yardımı götərmək lazımdır və s. bu kimi məsələlərdən bəhs edir. Haradasa yaddaş kitabçası kimi bir kitab olacaq və mühafizəçilər bundan yararlanacaqlar. Burda ilkin tibbi yardım qaydaları, psixologiya, hüquq, texniki təhlükəsizlik, əməyin mühafizəsi, yanğın təhlükəsizliyi, kriminalistika, elektron informasiya təhlükəsizliyi və digər bölmələr olacaq . Mühafizəçi işləyənlər üçün bu sahədə təbliğ edilən qaydaları, praktikanı, yaxud fors-major hallarda davranış qaydaları burada əks olunacaq. Mühafizədə çalışan elə insanlar var ki, ömründə bir dəfə də olsun yanğınsöndürmə balonunu əlinə almayıb və istifadə qaydasını bilmir. Bu kitab məhz elə bir insanlar üçün nəzərdə tutulub”. 
Ekspert bir çox qaydaların bu kitabda toplandığını dedi: “Bir çox qaydalar ayrı-ayrılıqda var. Amma bütün bunların hamısı bir kitabda yoxdur. Həm ilkin tibbi yardım, həm qanunlar, nizamnamələr, həm fövqəladə hallar, yanğın zamanı rəftar və s. hamısı bir kitabda deyil. Mən də düşündüm ki, mühafizəyə hazırlaşan bir insan niyə bunun hərəsi üçün bir kitab axtarmalı tapmalı və əziyyət çəkməlidir? Ona görə bu qanunları, qaydaları topladım bir kitab halına salaraq insanların işini, belə desək, yüngülləşdirmək qərarına gəldim”. 
Elmar Nurəliyev nazirliklər tərəfindən kitaba müsbət rəylər veriləcəyinə inandığını vurğuladı: “Hesab edirəm ki, uzun müddətdir çəkdiyim əziyyətim öz bəhrəsini verəcək, müsbət rəylər veriləcək. Mən bu sahədə 10 ildir əziyyət çəkmişəm və mənim əziyyətlə oxuyub öyrəndiklərimi istəyirəm ki, insanlar asan şəkildə bir kitab oxumaqla öyrənsinlər. Önəmli olan mənim mühafizə işinə başlamaq istəyən insanlara yaratdığım rahatlıqdır. Ümidvaram ki, bu kitab hər bir insana yardımçı olacaq”.
O, kitabın elektron versiyasının da hazırlandığını qeyd etdi: “Burada qeyd etdiyim bölmələr üzrə testlər olacaq; keçid balı, əla, kafi. Burada mühafizəçilər öz biliklərini də yoxlaya biləcəklər”.
Fuad




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10137

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info