Qıcqırma xərçəng törədir
Tarix: 10.01.2018 | Saat: 21:53:00 | E-mail | Çapa göndər


Həkimlər adi qıcqırma nəticəsində həzm traktının yuxarı şöbələri və yuxarı tənəffüs yolları xərçəngi xəstəliklərinin inkişaf riskləri barədə xəbərdarlıq edirlər. Qıcqırma adətən mədə şirəsi substansiyasının qida borusuna sızması nəticəsində yaranır.
AZƏRTAC “medvesti.com” saytına istinadla xəbər verir ki, prosesin tezliyi həzm traktının aşağı şöbələrində ezofaqit deyilən iltihab reaksiyası doğura bilər. Əslində, patologiyanın özü təhlükəli deyildir və erkən dövrdə aşkar ediləndə müalicə olunur. Amma vaxtında müdaxilə edilməyəndə ağır fəsadlar yaradır.
ABŞ-da çıxan “JAMA Otolaryngology Head and Neck Surgery” nəşri Oçsner Tibb Mərkəzinin elmi əməkdaşlarının tədqiqat işinin nəticələrini açıqlayıb. Mərkəzin əməkdaşları bu qənaətə gəliblər ki, müntəzəm qıcqırma qida borusunun stenozu, qida borusu divarının deşilməsi, həzm traktı, burun-udlaq, yuxarı tənəffüs yolları xərçəngi xəstəliklərinin yaranması şəklində fəsadlar yaradır. Mütəxəssislər qıcqırmanın onkoloji proseslərlə mümkün qarşılıqlı əlaqəsini üzə çıxarmaq üçün 28 mindən çox ahıl pasiyentin tibbi göstəricilərini təhlil ediblər. Məlum olub ki, onların 13.805 min nəfəri yuxarı tənəffüs yollarını və həzm traktının yuxarı şöbələrini zədələyən onkoloji xarakterli patologiyalardan əziyyət çəkir. Alimlər müntəzəm qıcqırma tutmaları olan pasiyentlərin sayını müəyyənləşdirdikdən sonra bu qənaətə gəliblər ki, qıcqırmadan əziyyət çəkənlərdə qırtlaq onkologiyası 3 dəfə, burun-udlaq onkologiyası 2,5 dəfə, badamcıqların xərçəngi 2 dəfə, burunətrafı əlavə ciblərin onkologiyası 2 dəfə çox diaqnozlaşdırılıb. Onkoloji xəstəliklərin ənənəvi statistikasına görə, həzm traktının yuxarı şöbələrinin və yuxarı tənəffüs yollarının onkologiyasına tutulma hallarının 360 mini ölümlə nəticələnir. Həkimlər qıcqırmanın müntəzəmliyinin onkoloji xəstəliklərin inkişafı ilə həqiqi əlaqəsini hələlik müəyyən etməyiblər. Ola bilsin, onkoloji vəziyyətdən qabaq müşahidə olunan qida borusunun selikli qişası hüceyrələrinin displaziyası həzm şirəsinin tərkibində duz turşusunun müntəzəm təsiri ilə yaranır. Bundan əlavə, tədqiqatçılar hamı tərəfindən qəbul edilmiş onkogenlər olan siqaretin və alkoqolun təsirini nəzərə almayıblar. Asılılıq yaranması mexanizmlərinin müəyyən olunması bütün mümkün təsirlər nəzərə alınmaqla, ətraflı tədqiqatların aparılmasını tələb edir.


Mahmud




 
Bölməyə aid digər xəbərlər
11.12.2018
Xoşbəxt nikahın sirri: ər-arvad arasında yaş fərqi nə qədər olmalıdır?
11.12.2018
Qocalmamaq indi öz əlinizdədir
09.12.2018
Tacikistanda dördəm uşaqlar doğulub
06.12.2018
Bolqarıstan pasportu dünyanın ən nüfuzlu pasportlarının ilk onluğundadır
05.12.2018
“Chanel“ daha timsah dərisindən istifadə etməyəcək

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10530

1 Anara Hacıbəyli Pirallahı rayonunda YAP ərazi təşkilatının sədri seçilib
2 “Tbilisi elə bir yerdir ki, burada zamanın necə keçdiyini hiss etmirsən”
3 Azərbaycanlı gənc Misirdə fiziki qüsurlular üçün iki cihaz ixtira edib
4 Bill Klinton Heydər Əliyevlə görüntülərini paylaşdı
5 Gələn ildən işlə bağlı müraciətlər elektron qaydada aparılacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info