DƏMX işçilərin istirahət vaxtı və məzuniyyət hüquqlarına dair seminar keçirib
Tarix: 11.01.2018 | Saat: 12:05:00 | E-mail | Çapa göndər
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti əmək qanunvericiliyinin tətbiqi ilə bağlı məlumatlandırma və təbliğat işlərinin aparılmasına dair 2018-ci il üçün Tədbirlər Planına əsasən “İstirahət vaxtı və işçilərin məzuniyyət hüquqları. Məzuniyyət hüququ və onun təmin edilməsi” mövzusunda seminar keçirib. Tədbir Xidmətin 23 saylı region (Bakının Xətai və Suraxanı rayonları) üzrə Dövlət Əmək Müfəttişliyində təşkil olunub.
Bakının Xətai və Suraxanı rayonları üzrə işəgötürənlərin iştirakı ilə keçən seminarda Dövlət Əmək Müfəttişliyi Xidməti tərəfindən işəgötürənlər arasında əmək qanunvericiliyi və onun tətbiqi ilə bağlı məlumatlandırma işlərinin cari ildə davam etdiriləcəyi vurğulanıb. Hazırda təşkil olunan seminarın işçilərin istirahət vaxtı və məzuniyyət hüquqları ilə bağlı məlumatlandırma məqsədi daşıdığı diqqətə çatdırılıb. Qeyd olunub ki, Azərbaycan Respublikası Əmək Məcəlləsinin ayrıca bir bölməsi istirahət vaxtı və işçilərin məzuniyyət hüquqlarına həsr olunub və işəgötürənlərin əsas vəzifələrindən biri - işçilərin bu hüquqlarının təmin edilməsi ilə bağlı qanunvericiliyin tələblərinin yerinə yetirilməsidir.
Tədbirdə işçilər üçün nəzərdə tutulmuş istirahət vaxtı və istirahət günləri, işçilərin məzuniyyət hüququ barədə məlumat verilməklə, hər bir işçinin vəzifəsindən (peşəsindən), əmək şəraitindən və əmək müqaviləsinin müddətindən asılı olmayaraq, Əmək Məcəlləsi ilə müəyyən edilmiş məzuniyyətlərdən istifadə etmək hüququna malik olduğu bildirilib. Məzuniyyətlərin verilməsinin rəsmiləşdirilməsi və uçotunun aparılması, məzuniyyətdən istifadə zamanı işçilərin hüquqi təminatları, məzuniyyətin növləri, əmək məzuniyyəti və onun verildiyi iş ili, əmək məzuniyyətlərinin, habelə əmək şəraitinə və əmək funksiyasının xüsusiyyətlərinə, əmək stajına görə əlavə məzuniyyətlərin müddətləri və verilmə qaydaları, uşaqlı qadınların əlavə məzuniyyətləri barədə iştirakçılara ətraflı məlumatlar verilib. Eləcə də sosial məzuniyyətlər, yaradıcılıq və təhsil, habelə ödənişli təhsil məzuniyyətləri, pedaqoji və elmi fəaliyyətlə məşğul olan işçilər üçün əmək məzuniyyətlərinin müddətləri və s. ilə bağlı qanunvericilikdə əksini tapan müddəalar diqqətə çatdırılıb, müvafiq hüquqi-praktik izahat işi aparılıb.
Seminar zamanı işəgötürənlərin müvafiq mövzularda sualları da ətraflı şəkildə cavablandırılıb, onlara istirahət vaxtı və işçilərin məzuniyyət hüquqları ilə əlaqədar maarifləndirici bukletlər paylanıb.

Tural




 
Bölməyə aid digər xəbərlər
18.01.2018
73 nəfər 20 Yanvar əlilinə və 20 Yanvar şəhidi ailəsinə mənzil, 84 nəfər 20 Yanvar əlilinə minik avtomobili verilib
18.01.2018
Ötən il Azərbaycanda 24 mindən çox insanı it dişləyib
18.01.2018
Gənclər arasında milli-dini dözümlülüyün təbliğinə dair proqramın icrasına start verilib
18.01.2018
Ötən il ictimai iaşə dövriyyəsi 3 faizdən çox artıb
17.01.2018
Əmək hüquqlarına dair növbəti maarifləndirmə seminarı

Şərh əlavə olunmayıb



    ,    
İlkin Əsgər
Tural Tağıyev
Cavadxan QASIMOV
Zöhrə Əliyeva
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 8205

1 Xaricdəki soydaşlarımız Cümhuriyyətin yubiley tədbirləri ilə bağlı planlarını açıqlayıblar
2 “Müstəqillik tariximizlə bir daha qürur duyduq”
3 Musa Nəbioğlu: “Zəlimxan Yaqub sözünü zamana deməyə gəlmişdi”
4 Azərbaycanda və xaricdəki xanım QHT rəhbərlərinin ilk dəfə virtual görüşü olub
5 Orfoqrafiya qaydaları ilə bağlı təkliflərə əlavə


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info