Almaniyada Azərbaycandakı yəhudilərin həyatından bəhs edən kitab işıq üzü görüb
Tarix: 12.01.2018 | Saat: 13:16:00 | E-mail | Çapa göndər



Almaniyada fəaliyyət göstərən nüfuzlu “Hadassa” nəşriyyatı tərəfindən Azərbaycandakı dağ yəhudiləri dini icmasının rəhbəri Milix Yevdayevin “Azərbaycanda yəhudilərin həyatı: Multikulturalizmə parlaq səyahətin memuarı” adlı kitabı ingilis dilində çap edilib.

Xüsusi olaraq İsrail və yəhudi diasporu yazıçılarının kitablarını dərc edən “Hadassa” nəşriyyatı ABŞ, Böyük Britaniya və Almaniya Kitabçılar assosiasiyalarının üzvüdür.
Milix Yevdayevin ABŞ-ın ən böyük yəhudi qəzetlərindən biri olan və Los-Ancelesdə nəşr olunan “Jewish Journal” qəzetində dərc edilmiş məqalələrinin toplusundan ibarət kitabda Azərbaycanda yaşayan yəhudilərin tarixi, mədəniyyəti və həyat tərzi, onların sıx məskunlaşdıqları və Quba rayonu ərazisində yerləşən Qırmızı qəsəbə, həmçinin Azərbaycan-İsrail münasibətləri haqqında ətraflı məlumat verilir. Azərbaycanın mövcud multikulturalizm və tolerantlıq ənənələrindən danışılan nəşrdə milli və dini mənsubiyyətindən asılı olmayaraq, hər kəsin ölkəmizdə dinc, yanaşı və sülh şəraitində yaşadığı bildirilir, buradakı sünni-şiə harmoniyası təqdir edilir.
Kitabda, həmçinin Ermənistan-Azərbaycan, Dağlıq Qarabağ münaqişəsi, Ermənistanın ölkəmizə qarşı təcavüzü, 20 Yanvar faciəsi və Xocalı soyqırımı kimi xalqımızın başına gətirilən dəhşətli faciələr haqqında ətraflı məlumat verilir. Həmin ağır günlərdə Azərbaycanda yaşayan yəhudilərin könüllü olaraq Milli Orduya qoşulduğu və ölkəmizin ərazi bütövlüyü uğrunda erməni işğalçılarına qarşı mübarizə apardıqları bildirilir. Bu xüsusda, Milli Qəhrəman Albert Aqarunovun adı xüsusi qeyd edilir.
Kitab artıq “Amazon” və digər onlayn kitab mağazalarında satışa çıxarılıb.
Qeyd edək ki, ABŞ-da çıxan “Jewish Journal” qəzetində 2015-ci ildən bəri Milix Yevdayevin 21 məqaləsi dərc olunub.




 
Bölməyə aid digər xəbərlər
24.09.2018
Festivalın bağlanış konserti Heydər Əliyev Mərkəzində keçiriləcək
24.09.2018
İsa Həbibbəyli: “Mikayıl Müşfiq Azərbaycan ədəbiyyatının inkişafına sanballı töhfələr verib”
24.09.2018
Ukraynanın Lvov şəhərində etnik millətlərin mədəniyyət forumu keçirilib
23.09.2018
Adanada Azərbaycan kinosunun 120 illik yubileyi münasibətilə mərasim başlanıb
23.09.2018
Akademik Milli Dram Teatrında “Manqurt” tamaşası təqdim olunub

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10137

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info