Səbaildə ilin yekunları müzakirə olunub
Tarix: 12.01.2018 | Saat: 14:51:00 | E-mail | Çapa göndər


Səbail rayonunun qəsəbə və sahə inzibati ərazi dairəsi üzrə nümayəndəliklərində 2017-ci ilin yekunlarının müzakirəsinə başlanılıb. Bununla əlaqədar ilk hesabat iclası Rayon İcra Hakimiyyəti başçısının 1 saylı sahə inzibati ərazi dairəsi üzrə nümayəndəliyində keçirilib. Rayonun mərkəz hissəsini əhatə edən təşkilatların, təhsil, səhiyyə və digər müəssisələrin, təsərrüfat xidmətlərinin nümayəndələrinin və sakinlərin iştirakı ilə keçirilən toplantıda 2017-ci il ərzində rayonun mərkəz hissəsində həyata keçirilən işlərə yekun vurulub, qarşıda duran vəzifələr müzakirə olunaraq növbəti il üçün konkret tədbirlər müəyyənləşdirilib. Hesabat məruzəsi ilə çıxış edən Səbail Rayon İcra Hakimiyyəti başçısının 1 saylı sahə inzibati ərazi dairəsi üzrə nümayəndəsi Tərlan Qasımov bildirib ki, ötən il nümayəndəliyin ərazisində 20 həyətə 3500 kv asfalt döşənib, Əhməd Cavad küçəsi 1, Adil İskəndərov 3/3, Nizami 78, İbrahim İbrahimli 7, Üzeyir Hacıbəyov 3, 4, 18, Zərifə Əliyeva 14, 17, Həsən Seyidbəyli 3, 4, 5 - ümumilikdə 40 ünvanda 7500 kv dam örtüyü təmir olunub, 700 p/m ümumi istifadə sahəsi şüşələnib, 65 qapı, 40 pəncərə dəyişdirilib, balansda olan binalarda 3000 p/m tüstü bacaları təmizlənib.
RİH tərəfində Abbasqulu Abbaszadə küçəsindəki həyətdə yeni “Abad məhəllə” yaradılması ilə bağlı işlər həyata keçirilir.
Ötən il Formula – 1 yarışları ərəfəsində Xaqani, Üzeyir Hacıbəyov, Puşkin küçələrində və burada yerləşən binaların fasad və dam örtüklərində təmir işləri aparılmış, hazırda Bülbül prospekti, Rəşid Behbudov, Əhməd Cavad və s. küçələrdə bir sıra binaların fasadları təmir olunur.
Bu gün mərkəz ərazidə Dənizkənarı Milli Parkda "Xəzər Waterfront" istirahət-əyləncə-alış-veriş mərkəzinin, Zərifə Əliyeva küçəsində yeni «İnterkontinental» və «Dinamo» mehmanxanalarının, Milli Təhlükəsizlik Xidməti Səbail rayon İdarəsinin yeni inzibati binasının tikintisi, İncəsənət muzeyinin əsas binasının, Bülbül adına orta ixtisas musiqi məktəbinin binasının əsaslı təmiri davam edir.
Şəhərin mərkəz hissəsində köhnə yaşayış binalarının sökülüb yerində müasir binaların tikintisi ilə bağlı pilot layihələrə əsasən Rastropoviçlər küçələrində yeni bina tikintisi ilə bağlı müasir layihələr işlənib təsdiq olunub və artıq icraya başlanıb.
Ötən il nümayəndəlik ərazisində bir neçə iməclik və ağacəkmə aksiyaları keçirilmiş, mərkəzdə Üzeyir Hacıbəyov küçəsi, Neftçilər və Parlament prospektləri, ərazidəki park və istirahət bağlarında salınmış yaşıllıqlar zonasında böyük miqdarda dekorativ gül kolları əkilərək burada gözəl kompozisiyalar yaradılmışdır.
Yığıncaqda çıxış edən Səbail Rayon İcra Hakimiyyəti başçısının müavini Abit Əliyev Prezident İlham Əliyev tərəfindən Bakı şəhərinə göstərilən diqqət və qayğıdan, gələcəkdə şəhərin mərkəzinin daha da abadlaşdırılması, burada sakinlər və şəhərimizin çoxsaylı qonaqları üçün hər cür şəraitin yaradılması üçün görülməli olan işlərdən danışmışdır. Abit Əliyev 2017-ci ildə rayonda görülən işlər və həyata keçirilmiş sosialyönümlü layihələr barədə geniş məlumat verib, qeyd edib ki, ölkə başçısının tapşırıqlarına əsasən şəhərin mərkəzini əhatə edən 1 saylı nümayəndəliyin ərazisində bir sıra mühüm layihələr həyata keçirilir və paytaxtımızı dünyanın ən gözəl şəhərlərindən birinə çevirmək istiqamətində görülən işlər gələcəkdə də davam etdiriləcək. Bildirilib ki, RİH tərəfindən qəsəbə və yaşayış məntəqələrində məhəllələr abadlaşdırılacaq, qəsəbədaxili yolların təmiri, su və kanalizasiya sistemləri yenidən qurulması, qəsəbədaxili küçələrin asfaltlaşdırılması və işıqlandırılması ilə bağlı tədbirlər görüləcək.
Yığıncaqda mövcud problemlərdən danışılıb, sakinləri maraqlandıran suallar cavablandırılıb, bir sıra müraciətlərin həlli ilə bağlı müvafiq tapşırıqlar verilib.


Nigar




 
Bölməyə aid digər xəbərlər
21.06.2018
Həmvətənimiz Almaniyanın tibb üzrə ali elmi dərəcəsinə layiq görülüb
21.06.2018
“Bakı-Tbilisi-Qars dəmir yolu Əfqanıstanı Avropa ilə birləşdirən ən qısa və münasib yoldur”
21.06.2018
Azərbaycan rəqəmli bazarların uyğunlaşdırılmasına dair plenar iclasda təmsil olunub
21.06.2018
Şamaxıda yol tikintisinə vəsait ayrıldı
21.06.2018
İxracla məşğul olan sahibkarların işi asanlaşacaq

Şərh əlavə olunmayıb



    ,    
İsa Həbibbəyli
Cavanşir Feyziyev
Hüseyn Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9436

1 “Yunanıstanda yerli gənclər təşkilatları ilə əməkdaşlıq edirik”
2 Лукашенко продал «Полонезы» Алиеву. В пику Еревану и Москве?
3 Putin Paşinyanı alçaldıb
4 “Jamanak“: “Paşinyan istefa verəcək”
5 “Artıq ordumuz Laçına gedən yola nəzarət edir”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info