Zökəmi düzgün müalicə edilməlidir
Tarix: 16.01.2018 | Saat: 17:20:00 | E-mail | Çapa göndər


Soyuqdəyməni ilk simptomlarından biri olan zökəm adətən ciddi pozulma kimi qəbul edilmir.
Lakin "adi" zökəm asanlıqla haymoritə (həkimlər daha tez-tez "sinusit" termini işlədirlər) keçə bilər. Haymorit isə çox ağır xəstəlikdir. Haymorit çətinliklə müalicə olunur, müalicə zamanı antiotiklərdən, bəzi hallarda cərrahi müalicəsindən istifadə olunur (irinlə dolu olan boşluq deşilir, irin xaric edilir) və s. Haymoritin əsas təhlükəsi ondan ibarətdir ki, irinli ocaq beyinə çox yaxın yerləşir.
Milli.Az bildirir ki, zökəm başladıqda burunda seliyin ifrazı xeyli artır. Bu normaldır və bu orqanizmin müdafiə reaksiyasıdır. Seliklə birlikdə orqanizmdən viruslar, mikroblar, onların toksinləri ifraz olunur. Lakin bunun üçün burunda olan selik daim buradan xaric olunmalıdır. Əks halda burunda durğunluq yaranacaq, selik sinuslarda (boşluqlarda) yığılacaq və mikrobların sayının burada sürətlə artmasına səbəb olacaq. Bu isə haymoritin başlanğıcıdr.
Əgər zökəm 1 həftədən artıq davam edirsə, burundan ifraz olunan selik bulanıq, sarı-yaşıl rəng alıbsa, mütləq LOR həkiminə müraciət edin. Bu artıq zökəmin deyil, haymoritin simptomlarıdır.
Haymoritin xarakterik simptomu alın nahiyəsində, almacıq sümüyündə küt ağrıların olmasıdır. İnsan burnunu boşaldanda ağrı bir qədər azalır, sonra isə yenidən əmələ gəlir.
Zökəm zamanı həkimlər damar daraldıcı damcılardan (burun damcıları) istifadə etmək tövsiyə etmirlər. Bu damcılar müalicə etmir, yalnız müvəqqəti effekt verir. Damcılar burunun selikli qişasında yerləşən və buradan seliyi ifraz etməyə kömək edən kiçik tükcüklərin fəaliyyətini pozur. Nəticədə selik burundan normal çıxa bilmir.
Həkimlər zökəm zamanı burunu tez-tez selikdən təmizləməyi, qızdırıcı proseduraları tətbiq etməyi tövsiyə edirlər. Bu çox asandır. 2 dənə yumurta bişirin və isti halda burunun hər iki tərəfinə qoyub saxlayın. Bunun nəticəsində seliyin ifrazı asanlaşacaq.
Digər üsul - adi duz tavada yaxşı qızdırılır, kiçik pambıq torbalara tökülür və burun nahiyəsinə qoyulur.
Kamfora yağı çox yaxşı və sınanmış vasitədir. Pambığı kamfora yağında isladın və onun buxarından nəfəs alın.
Xüsusi dəniz suyu əsasında olan burun damcılarından istifadə edə bilərsiniz.
Zökəm zamanı isti ayaq vannaları, inhalyasiyalar da çox yaxşı effekt verir.
Mayenin qəbulunu mütləq artırmaq lazımdır (ot dəmləmələri, çay limonla, zəncəfil çayı, meyvə qurularının dəmləmələri və s.). Bu burun selikli qişalarının normal fəaliyyətini təmin edir, oranizmdən toksinlərin ifrazını sürətləndirir, sağalmanı tezləşdirir.

Mahmud




 
Bölməyə aid digər xəbərlər
16.10.2018
Avtomobillərlə 27 yazdılar
16.10.2018
Gün ərzində nə qədər çörək yemək olar?
16.10.2018
Əsnəmək nədir?
16.10.2018
İngiltərənin tarixi adası satışa çıxarılıb
13.10.2018
Yaponiyada evin damına meteorit düşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10259

1 Dənizçilər təqaüddə olan həmkarlarını ziyarət ediblər
2 Vətən uzaqda deyil
3 Tovuzda insanların poeziyaya olan məhəbbəti tükənməzdir
4 Dadaizm və Sürrealizm cərəyanının görkəmli nümayəndəsi
5 Əkbər Nəcəf: “Azərbaycan coğrafiyasında dörd Atabəylik mövcud olub”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info