Ermənistanda yaralı əsgərin müalicəsi üçün pul tapılmır
Tarix: 16.01.2018 | Saat: 20:21:00 | E-mail | Çapa göndər
“Armenianreport.com”:
“Müdafiə naziri əsgərin əməliyyatına yardım edilməsi üçün sosial şəbəkə vasitəsilə vətəndaşlardan pul dilənir”

Bir çox erməni ekspertlər qeyd edirlər ki, Dağlıq Qarabağ münaqişəsi həll olunmayacağı təqdirdə Ermənistan ağır fəlakətlərlə üz-üzə qalacaq. İşğalçı orduda baş verən intiharlar, əsgərlərin öz hərbçi yoldaşlarının güllələnməsinin artması ordunun problemlərini tez-tez gündəmə gətirir. Yaralı əsgərlərə olan biganə münasibət Ermənistan dövlətinin mahiyyətini ortaya qoyur. Yaralı əsgərlərin valideynləri övladlarının müalicəsinə dövlətin heç bir yardım etməməsindən şikayətlənirlər. Amma ötən ilin yanvarında yaralı əsgərlərə kömək üçün yaradılmış “ianə fondu”na yığılan pulların hara xərcləndiyi bəlli deyil.

Bu fond artıq bir ildir ki, ermənilərdən hər ay 1000 dram ianə toplayır. Amma yaralı əsgər ailələri, övladını itirən valideynlər yardım üçün müraciət etdikləri ünvanlarda sanki labirintə düşürlər. Belə ki, övladının ölüm və ya yaralanması ilə bağlı Ermənistan Müdafiə Nazirliyinə müraciət edən valideynlər min cür bəhanə ilə müxtəlif ünvanlara göndərilirlər. “Armenianreport.com” saytı yazır ki, erməni əsgər Albert Dallakyan döyüş mövqeyində xidmət edərkən öz komandiri tərəfindən başından yaralanıb. Yaralının üzərində 3 kompleks əməliyyat keçirilsə də, daha bir əməliyyatın xaricdə keçirilməsinə ehtiyac yaranıb. Albertın bu əməliyyatı üçün 45 min dollar lazımdır. Kasıb vəziyyətdə yaşayan yaralı əsgərin valideynləri üçün bu qədər pulu toplamaq mümkün deyil. Müdafiə nazirinin əsgərin əməliyyatına yardım edilməsi üçün sosial şəbəkə vasitəsilə vətəndaşlara müraciət etməsi qalmaqala səbəb olub. Bundan sonra nazir Viqen Sərkisyan “sən dilənçisən” ittihamına cavab vermək məcburiyyətində qalıb. Sosial şəbəkə istifadəçilərinin böyük əksəriyyəti isə erməni nazirə hər ay 1000 dram ödədikləri pulun hara xərcləndiyi barədə sual ünvanlayırlar. Erməni cəmiyyətində hesab edirlər ki, orduya yardım adı ilə yığılan pullar sadəcə olaraq mənimsənilib. Rəsmi hesabatlara görə, bu fondda indiyə qədər 9 milyon dollardan çox məbləğ yığılıb. Lakin Albert Dallakyanı müalicə etmək üçün 45 min dollar tapılmır. Xatırladaq ki, hakimiyyət vaxtilə bildirmişdi ki, fond şəffaf olacaq və ehtiyacı olan hər bir hərbçiyə yardım ediləcək. Sayt yazır ki, əgər nazir özü yaralı əsgərin sağalması üçün pul dilənirsə, onda fonda yığılan pulların taleyi ilə maraqlanmaq mənasızdır. Cəmiyyət həmin pulların kimlərin hesablarına axdığını yaxşı bilir.
Ağasəf Babayev




 
Bölməyə aid digər xəbərlər
19.02.2018
Türkiyə Ordusu Suriyada 1641 terroçunu məhv edilib
17.02.2018
“Ermənistan ABŞ-a xəbər verməlidir: siz silah verin, biz də Rusiyadan almayaq”
16.02.2018
Ermənistanda uşaq ölümünün səbəbi aclıqdır
16.02.2018
«ArmenianReport»: ”Yaxın vaxtlarda Ermənistanın dövlət borcu 7 milyard dolları ötəcək”
16.02.2018
Azərbaycan-Özbəkistan dostluğuna həsr edilən film-“Əzəli dostluq riştələri”

Şərh əlavə olunmayıb



    ,    
Aysel İbrahimova
Rəhim Həsənov
Tural Tağıyev
Zülfiyyə Vəliyeva
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 8432

1 “Birləşmiş Krallıqda bizim çox istedadlı və savadlı insanlarımız var”
2 “Şirkətimiz bu il yüzlərlə yeni və daimi iş yeri yaradacaq”
3 “Qarabağ həqiqətlərinin Belçikada tanınması üçün yerli mətbuatın gücündən istifadə edirik”
4 Xocalı soyqırımı ilə bağlı Türkiyədə bir sıra tədbirlər keçiriləcək
5 Ermənistan mətbuatı: “Əliyev türk elementini Ermənistana qaytarmağı strateji məsələ hesab edir”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info