Naxçıvan Dövlət Universitetinin maddi-texniki bazası gücləndirilir
Tarix: 17.01.2018 | Saat: 17:30:00 | E-mail | Çapa göndər


Naxçıvan Dövlət Universitetində (NDU) Təbiətşünaslıq və kənd təsərrüfatı, İncəsənət fakültələri üçün yeni avadanlıqlar təqdim olunub.
NDU-nun mətbuat şöbəsindən AZƏRTAC-a bildirilib ki, universitetin rektoru, AMEA-nın müxbir üzvü Saleh Məhərrəmov bu münasibətlə keçirilən tədbirdə çıxış edərək ali təhsil ocağında müasir infrastrukturun yaradılması və tədrisin keyfiyyətinin artırılması istiqamətində görülən işlərin muxtar respublikada təhsilin inkişafına göstərilən hərtərəfli dövlət qayğısının əyani ifadəsi olduğunu vurğulayıb.
Coğrafiya kafedrasının müdiri, dosent Əli Həsənov bildirib ki, göstərilən yüksək diqqət və qayğı nəticəsində bu gün fakültə və ixtisaslar ayrı-ayrılıqda ən müasir avadanlıqlarla təchiz olunur. Təbiətşünaslıq və kənd təsərrüfatı fakültələri də bu qayğıdan bəhrələnib.
Kafedra müdiri ayrı-ayrı ixtisaslar üçün nəzərdə tutulan 25 min manat məbləğində yeni alınmış avadanlıqlar haqqında ətraflı məlumat verib. Bildirib ki, küləyin sürətini, istiqamətini, temperaturu, yağıntının miqdarını təyin etmək üçün istifadə olunan meteo-budka, Günəş, Yer, Ay sistemini əks etdirən telluri, su hövzələrinin şəffaflığının müəyyən edilməsində əvəzsiz rol oynayan sekka diski, vulkan kəsiyinin modeli, Geodeziya və xəritəçəkmə ixtisası tələbələri üçün nəzərdə tutulan topoqrafik dəst, xəritədə, planda, xüsusilə əyri xətlərin ölçülməsində istifadə olunan kuvrimetr, küləyin istiqamətini, gücünü müəyyən etmək üçün açılan-yığılan flüger, barometr-aneroidin iki növü, dünyanın kiçikmiqyaslı siyasi və böyükmiqyaslı fiziki xəritələri fakültəyə təqdim olunub.
İncəsənət fakültəsi üçün isə bir cüt aktiv və passiv səsucaldan, bir səstənzimləyən aparat, 20 simli, 2 kabelsiz mikrofon, 20 not pultu və bir sıra avadanlıqlar alınıb. Qeyd edək ki, İncəsənət fakültəsinə təqdim edilən avadanlıqların dəyəri 15 min 600 manatdır.
Tədbirdə çıxış edənlər göstərilən diqqət və qayğıya görə minnətdarlıqlarını bildiriblər.




 
Bölməyə aid digər xəbərlər
19.10.2018
Qanunsuz tikintinin qarşısının alınması üçün yeni qanunvericilik təşəbbüsləri hazırlanır
19.10.2018
Ramin Quluzadə Beyləqanda vətəndaşlarla oktyabrın 23-ü görüşəcək
19.10.2018
Göyçay sahibkarları açıq məkanda reklam yerləşdirilməsi qaydaları ilə tanış ediliblər
19.10.2018
“Layihələrin yazılması və idarə edilməsi” adlı təlimlər keçirilib
18.10.2018
Tərtər rayonunun bütün yaşayış məntəqələrinin qazlaşdırılması başa çatıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10281

1 Azərbaycanlı hakim Avropanın 10 ən yaxşı hakimi sırasında
2 Əkbər Nəcəf: “Azərbaycan coğrafiyasında dörd Atabəylik mövcud olub”
3 Cəfər Cəfərov: “Dünyada müəllimlərin ən azı iki xarici dildə danışmaq təcrübəsi geniş yayılıb”
4 Azərbaycanlı gənclər İtaliyada şirkət açıblar
5 Türkiyə mediası: “Star”Avropanın ən müasir müəssisəsi olacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info