ABŞ-da 20 Yanvar faciəsinin 28-ci ildönümü ilə bağlı kampaniya
Tarix: 18.01.2018 | Saat: 08:49:00 | E-mail | Çapa göndər
ABŞ Azərbaycanlıları Şəbəkəsi 20 Yanvar faciəsinin 28-ci ildönümü ilə əlaqədar bu barədə ABŞ ictimaiyyətinin məlumatlandırılması məqsədilə ənənəvi yazılı kampaniyaya başlayıb.
Şəbəkə tərəfindən hazırlanmış müraciətdə sovet ordusunun Bakıda dinc əhaliyə qarşı hərbi cinayətlərindən danışılır, “Human Right Watch” hüquq müdafiə təşkilatının “Azərbaycanda Qara Yanvar” hesabatından faktlar, habelə Yanvar faciəsinin qurbanları haqqında statistik məlumatlar diqqətə çatdırılıb.
Müraciətdə qeyd olunub ki, sovet qoşunlarının 26 minlik kontingenti 1990-cı il yanvarın 19-dan 20-nə keçən gecə Bakıya silahlı müdaxilə edib. Sovet əsgərləri mərkəzi televiziyanın enerji blokunu partladaraq respublikada informasiya blokadası yaradıblar. Ordu Bakıda dinc əhaliyə qarşı amansız qırğın törədib. Nəticədə rəsmi mənbələrə görə, 140 nəfər həlak olub, 700-dən çox insan yaralanıb. Bakıda dinc sakinlərin qətlə yetirildiyi səhnələr 1956-cı ildə Budapeştdə və 1968-ci ildə Praqada dinc əhalinin kütləvi şəkildə qətlə yetirilməsini xatırladır.
Müraciətdə, həmçinin qeyd olunub ki, Bakıda dinc əhalini atəşə tutan sovet ordusu ağırlıq mərkəzi dəyişdirilən 5,45 millimetr kalibrli qadağan edilmiş güllələrdən istifadə edib.
ABŞ Azərbaycanlıları Şəbəkəsinin Amerika ictimaiyyətinə, mətbuatına və qanunvericilərinə müraciətində bildirilib ki, 1990-cı ilin 20 Yanvar hadisələri Azərbaycanda sovet hakimiyyətinin sonunun başlanğıcı oldu və sovet dövlətçiliyinin təməlini sarsıtdı. Müraciətdə deyilib: “20 Yanvar hadisələri Azərbaycan xalqının yaddaşına qanlı səhifə kimi həkk olunub. Aradan 28 il keçsə də, Qara Yanvar öz əhəmiyyətini itirmir. Milyonlarla azərbaycanlı və Azərbaycanın dostları hər il Bakıda Şəhidlər xiyabanını ziyarət edərək, Azərbaycanın müstəqilliyi uğrunda canlarından keçən qəhrəmanların xatirələrinə ehtiramlarını bildirirlər”.
ABŞ-ın Azərbaycan icmasının üzvləri yazılı kampaniya vasitəsilə Amerika ictimaiyyətini 20 Yanvar hadisələri haqqında məlumatlandırır, ölkə qanunvericilərini bu amansız aksiyanı rəsmi şəkildə pisləyən qətnamələr qəbul etməyə çağırırlar. ABŞ Azərbaycanlıları Şəbəkəsinin ənənəvi kampaniyası nəticəsində son on ildə Amerikanın müxtəlif nəşrlərində Qara Yanvar haqqında onlarla məqalə dərc olunub, qubernator bəyannamələri və bir neçə ştatda parlament qətnamələri qəbul edilib(AZƏRTAC).




 
Bölməyə aid digər xəbərlər
20.05.2018
Ermənistanın növbəti təxribatı nəticəsində hərbi qulluqçumuz şəhid olub
20.05.2018
Bu gün I və IV qruplar üzrə ali məktəblərə qəbul imtahanı keçirilir
19.05.2018
Kamerun Respublikasının Prezidenti Zati-aliləri cənab Pol Biyaya
19.05.2018
Azərbaycan prezidenti Kuba Dövlət Şurasının sədrinə başsağlığı verib
19.05.2018
“Azeri Light”ın bir barreli 79,66 dollara satılır

Şərh əlavə olunmayıb



    ,    
Hüseyn Babayev
Fuad HÜSEYNZADƏ
Tural Tağıyev
Elşad QOCA
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9282

1 “İsveçdə keçiriləcək parlament seçkilərində bir neçə azərbaycanlının namizədliyi irəli sürülüb”
2 Fəxrəddin Quliyev: “Şəxsiyyət sənətdə böyük amildir”
3 Yaponiyada Azərbaycan məhsullarına böyük maraq var
4 Krasnoyarskda AXC-nin 100 illiyi ilə bağlı silsilə tədbirlər keçirilib
5 Eldar Aslanov : “Müəllim adına layiq olmayan şəxsə müəllim diplomu verməməliyik”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info