Berlində 20 Yanvar faciəsinin 28-ci ildönümünə həsr olunmuş tədbir keçirilib
Tarix: 21.01.2018 | Saat: 13:26:00 | E-mail | Çapa göndər


Berlin şəhərində Alman-Azərbaycan Ziyalılar Birliyi və Azərbaycan Evinin təşkilatçılığı, Azərbaycanın Almaniyadakı səfirliyinin dəstəyi ilə 20 Yanvar hadisələrinin 28-ci ildönümünə həsr olunmuş tədbir keçirilib.
Anım mərasimini Alman-Azərbaycan Ziyalılar Birliyinın sədri Naibə Şirinova giriş sözü ilə açıb və 20 Yanvar şəhidlərinin xatirəsi bir dəqiqəlik sükutla yad edilib.
Səfir Ramin Həsənov 20 yanvar hadisələri barədə tədbir iştirakçılarını məlumatlandıraraq, həmin dövrdə cərəyan etmiş proseslərə nəzər salıb, hadisələrin kökündə Azərbaycan xalqının öz azadlığı uğurunda apardığı mübarizənin dayandığını bildirib.
O, Azərbaycan xalqına qarşı həyata keçirilən məkrli siyasətin böyük etirazlara səbəb olduğunu, xalqın öz müstəqilliyini dinc yolla tələb etdiyini, əvəzində isə Sovet İttifaqı rəhbərliyinin əmri ilə mülki əhalinin ordu tərəfindən amansızcasına qətlə yetirildiyini qeyd edib. Vurğulayıb ki, Azərbaycan xalqı sovet ordusunun qəddarlığına şücaət və məğrurluqla cavab verərək azadlıq mübarizəsini davam etdirib və çox keçmədən müstəqilliyinə qovuşub.
Ramin Həsənov həmçinin “20 yanvar” hadisələrinə hüquqi qiymət verilməsinə də toxunub, yalnız Ulu Öndər Heydər Əliyevin hakimiyyətə qayıdışından sonra bu məsələyə aydınlıq gətirildiyini və Milli Məclisinin 1994-cü il martın 29-da qəbul etdiyi qərarla 20 yanvar hadisələrinin hərbi müdaxilə və cinayət kimi səciyyələndirildiyini bildirib.
Səfir Azərbaycan xalqının azadlığı uğurunda canını fəda etmiş oğul və qızlarını heç zaman unutmayacağını, onların xatirəsini hər zaman sayğı və qürurla xatırlayacağını diqqətə çatdırıb.
Daha sonra “20 yanvar” hadisələrinə dair film nümayiş olunub.
Anım tədbirində Almaniyada yaşayan Azərbaycan diasporunun nümayəndələri, bu ölkədə təhsil alan tələbələr, gənc tədqiqatçılar və səfirliyin əməkdaşları iştirak ediblər.




 
Bölməyə aid digər xəbərlər
17.01.2019
Əksər rayonlara yağış, dağlıq və dağətəyi rayonlarda isə qar yağır
17.01.2019
“2019-cu ilin “Nəsimi ili“ elan edilməsi mədəniyyətə olan böyük diqqətin təzahürüdür”
17.01.2019
Təhsil nazirinin Neftçala şəhərində vətəndaşları qəbul etmək vaxtı dəyişdirilib
17.01.2019
Ermənistan silahlı qüvvələri atəşkəs rejimini 29 dəfə pozub
17.01.2019
Təbii fəlakətlərdən hər il Azərbaycana 250-300 milyon dollar zərər dəyir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10563

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Prezident: Sarkisyan rejiminə dəstək verən, göz yuman beynəlxalq təşkilatların da onun törətdiyi cinayətlərdə payı var


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info