NATO Suriya məsələsində ABŞ və Türkiyənin anlaşmasını istəyir
Tarix: 27.01.2018 | Saat: 00:17:00 | E-mail | Çapa göndər


“Zeytun budağı” antiterror əməliyyatı nəticəsində Afrinin terrorçulardan təmizlənən kəndlər öz sakinlərini qəbul etməyə başlayıb

Türkiyə Silahlı Qüvvələri (TSQ) tərəfindən həyata keçirilən “Zeytun budağı” antiterror əməliyyatı nəticəsində Afrin bölgəsində terrorçulardan təmizlənən kəndlər öz sakinlərini qəbul etməyə başlayıb. PKK/KCK/PYD-YPG və “İŞİD” terrorçu qruplaşmaları ələ keçirdiyi yaşayış məntəqələrində yerli əhaliyə divan tutub. Evlər qarət edilib, insanların mal-dövləti talan edilib, gənclər və uşaqlar, bir sıra halda gənc qadınlar zorla terrorçu qruplara cəlb olunub. Bütün bu acıları yaşayan yerli əhali doğma el-obalarını tərk etmək məcburiyyətində qalıblar. Ən son məlumatlara görə, Türkiyə tərəfi evlərinə qayıdan yerli əhaliyə hərtərəfli yardım etməkdədir. Əhali gündəlik tələbat malları, eləcə də zəruri dərmanlarla təmin edilir. Qeyd edək ki, “Zeytun budağı” antiterror əməliyyatı dünən də davam etdirilib, terrorçuların mövqelərinə zərbələr endirilib. Əməliyyatın 7-ci günündə məhv edilən terrorçuların sayının 343-ə çatıb. Bəzi yerlərdə terrorçular mövqelərini tərk edərək yaşayış məntəqələrinə çəkilib və evlərdə snayperlər yerləşdiriblər. Afrindəki PYD terrorçuları rəsmi Dəməşqə müraciət edib. Müraciətdə Suriya hökumət qüvvələrinin Afrinə göndərilməsi xahiş olunur. PYD, bunun Suriyanın suverenliyi və sərhəd təhlükəsizliyi baxımından vacib olduğunu bildirib. Son iki günün əsas müzakirə mövzusu Afrin əməliyyatları ilə bağlı Türkiyə ilə ABŞ arasında yaranan narazılıqıdır. Pentaqon rəsmisi Dana Uayt bu məsələ ilə bağlı bildirib ki, ABŞ və Türkiyə arasında hər hansı bir gərginlik yaşanmır, amma Afrində baş verənlərin diqqəti “İŞİD”-ə qarşı aparılan antiterror əməliyyatından uzaqlaşdıracağından narahatlıq var. O, Türkiyənin legitim qayğılarının mövcudluğunu nəzərə aldıqlarını deyərək, Ankara ilə çox yaxın təmasda olduqlarını bildirib: "Aramızda heç bir narazılıq yoxdur, müttəfiq dövlətlərik. Amma "Zeytun budağı" əməliyyatı bizi bəzi məsələlərdə düşünməyə vadar edir. Gücümüzü “İŞİD”-ə qarşı birləşdirməyimiz daha məqsədəuyğun olardı". Pentaqon generalı Kennet Makkinzi isə Türkiyəni Suriya böhranına ən yaxın ölkə adlandırıb: "Türkiyə sərhədləri daxilində münaqişə olan yeganə NATO dövlətidir. Biz isə Afrində mövcud olan silahlı kürdlərə heç bir yardım etməmişik, ABŞ yalnız Mərkəzi Fırat vadisi adlanan nöqtədən “İŞİD”-ə qarşı cənuba və şərqə doğru planlaşdırılan əməliyyatlara dəstək olub və bu, davam edəcək". Türkiyə Silahlı Qüvvələrinin planlaşdırdığı Menbiç əməliyyatına toxunan amerikalı general türklərin adı çəkilən bölgəyə girib-girməyəcəyindən məlumatsız olduğunu bildirib: "Bu baş verərsə ABŞ-ın hansı addımlar atacağını deyə bilmərəm, yalnız bunu söyləyə bilərəm ki, Türkiyə antiterror koalisiyasının bir parçasıdır və əlaqəli şəkildə işbirliyimiz davam edəcək. Hazırda orada ordu generalı Votelin komandanlığı altında qüvvələrimiz var və onlar özlərini müdafiə etmək qüdrətindədir". NATO baş katibi Yens Stoltenberq də Türkiyənin terrora məruz qalan NATO ölkəsi olduğunu deyərək, Türkiyə Silahlı Qüvvələrinin başladığı "Zeytun budağı" əməliyyatını anlayışla qarşıladıqlarını, lakin bu əməliyyatın ölçülü-biçili şəkildə davam etdirilməsinin vacibliyini vurğulayıb: "Keçən həftə prezident Ərdoğanla danışdıq. Suriyanın şimalı ilə bağlı ən doğru yol ABŞ və Türkiyə arasında təmasların yaxınlaşması nəticəsində tapıla bilər".
Anar




 
Bölməyə aid digər xəbərlər
11.08.2020
Rusiya yeni bir təhlükə ilə üz-üzədir...
11.08.2020
Payızın sonunda Ukraynada koronavirusun ikinci dalğası gözlənilir
11.08.2020
Erməni lobbisi Yerevanda çirkli pulların yuyulması ilə məşğuldur
11.08.2020
Minskdə iğtişaşlar davam edir, qarşıdurma zamanı bir nəfər ölüb
10.08.2020
Rusiyada koronavirusdan ölənlərin sayı 15 min nəfəri keçdi

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 Dr. Səttar Yaqubov: Koronovirusla mübarizə aparan Mərkəzi Gömrük Hospitalının tibb personalının sağlamlığının qorunması bizim əsas vəzifə borcumuzdur
2 Statistika sahəsində hesabatlılığın səmərəliliyi artacaq, məlumatlardan istifadə imkanları sadələşəcək
3 Gürcüstanın turizm gəlirləri 80 faiz azalacaq
4 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
5 Turizm Agentliyi sahibkarlara müraciət edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info