Yenidən orduya çağırılmaq qorxusu erməniləri ölkədən qaçmağa məcbur edir
Tarix: 01.02.2018 | Saat: 01:01:00 | E-mail | Çapa göndər


Bir müddət əvvəl Ermənistanın xəbər saytlarından birində özünü erməni hərbi ekspert kimi təqdim edən Artyom Balasanov Ermənistan ordusunda yaşananları Azərbaycan Ordusu ilə müqayisə edərkən ölkəsinin Azərbaycanın hərbi potensialından ehtiyatlanqdığını bildirmişdi.
O qeyd etmişdi ki, Azərbaycanın hərbi potensialı Ermənistanda vahimə yaradır. Ermənistanda hərbi xidmətə çağırış ildə iki dəfə olmaqla, 6 aydan bir keçirilir. Erməni saytlarının məlumatına görə, 2004-cü ildən başlayaraq, demək olar ki, hər il ölkədə çağırış zamanı bir çox hərbi hissələrin çağırışçılarla təminatında ciddi problem ortaya çıxır. Buna görə də 2 illik hərbi xidmətdən sonra tərxis olunanların evlərinə buraxılması bəzi hallarda aylarla ləngiyir. Bununla daha çox döyüş bölgəsində yerləşən hərbi hissələrdəki əsgərlər üzləşirlər. Ermənilər arasında ən çox ölüm halları da məhz belə şəraitdə yaşanır.
Erməni saytlarında, ölkədə qeyd edilən Ordu günündən sonra İrəvanda bir neçə antimilitarist aksiyaların keçirildiyi barədə məlumatlar yer alıb. Qeyd edilməlidir ki, antimilitarist aksiyalardan sonra sosial şəbəkələrdə qeyri-döyüş vaxtı ölən, intihar edən əsgərlərlə yanaşı, erməni ordusundan tərxis olunanların da hekayələri yer alıb. Məsələn, əsgərlərdən biri xidmət etdiyi ilk günlərin birində əsgər yoldaşının özünü binanın ikinci qatından atıb, intihar etməyə çalışdığını bildirir: «Doğrudur, ölməsə də, ayaqlarını sındırmışdı. Deyirdilər müalicədən sonra həbs ediləcək. Lakin həbs etmədilər, axı təmas xəttinə göndərmək üçün əsgər çatmırdı». Başqa birisi isə əsgər həyatında ən iyrənc söyüşləri məhz Ermənistan ordusunda eşitdiyini etiraf edir: «Elə bildim ki, zabitimizdir, lakin sonra məlum oldu ki, söyüş söyən bizdən bir il əvvəl xidmətə gəlmiş əsgərlərdən biridir». Bu da başqa bir erməni əsgərin etirafı: «Bizim hərbi hissədə Sako adlı birisi vardı. Adi silahla belə davrana bilmirdi. Təzyiqlərə dözməyib intihar edəcəyini bildirirdi. Hissəmizdə müqavilə əsasında xidmət edən Mho adlı çavuş isə günlərini sayırdı, müqaviləsi başa çatdıqdan sonra Rusiyaya gedəcəyini bildirirdi”.
Qeyd edilməlidir ki, Ermənistan ordusundakı rəzalət, əsgərlərin çəkdiyi əzab onları xidmətdən sonra da təhdid edir. Onlar yenidən Ermənistan ordusuna çağırılmaq qoxusunu gözə alaraq, tezliklə ölkədən qaçmağa çalışırlar. Ermənistan rəhbərliyinin isə bu istiqamətdə atdığı addımlar, hətta ordunu əsgərlə təmin etmək üçün tələbələrin orduda xidmətdən möhlət hüququnun ləğv edilməsi də kömək etmədi.
Ağasəf Babayev




 
Bölməyə aid digər xəbərlər
11.08.2020
Rusiya yeni bir təhlükə ilə üz-üzədir...
11.08.2020
Payızın sonunda Ukraynada koronavirusun ikinci dalğası gözlənilir
11.08.2020
Erməni lobbisi Yerevanda çirkli pulların yuyulması ilə məşğuldur
11.08.2020
Minskdə iğtişaşlar davam edir, qarşıdurma zamanı bir nəfər ölüb
10.08.2020
Rusiyada koronavirusdan ölənlərin sayı 15 min nəfəri keçdi

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 Dr. Səttar Yaqubov: Koronovirusla mübarizə aparan Mərkəzi Gömrük Hospitalının tibb personalının sağlamlığının qorunması bizim əsas vəzifə borcumuzdur
2 Statistika sahəsində hesabatlılığın səmərəliliyi artacaq, məlumatlardan istifadə imkanları sadələşəcək
3 Gürcüstanın turizm gəlirləri 80 faiz azalacaq
4 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
5 Turizm Agentliyi sahibkarlara müraciət edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info