Qaçqın və məcburi köçkün gənclər seçkilərdə İlham Əliyevi dəstəkləyəcək
Tarix: 25.05.2013 | Saat: 00:32:00 | E-mail | Çapa göndər


Beynəlxalq Mətbuat Mərkəzində Azərbaycan Qaçqın və Məcburi Köçkün Gənclər Təşkilatı tərəfindən “Qaçqın və məcburi köçkün gənclər Prezidenti dəstəkləyir” mövzusunda konfrans keçirilib. Konfransda çıxış edən Qaçqın və Məcburi Köçkün Gənclər Təşkilatının sədri Vüqar Qədirov Azərbaycan Prezidenti İlham Əliyevin Ermənistan-Azərbaycan, Dağlıq Qarabağ münaqişəsinin, həmçinin qaçqın və məcburi köçkünlərin problemlərinin həllində göstərdiyi xidmətlərdən, apardığı prinsipial siyasətdən danışıb.
Qeyd olunub ki, ümummill lider Heydər Əliyevin siyasi kursunu uğurla davam etdirən Prezident İlham Əliyev qaçqın və məcburi köçkünlərin məskunlaşması və məşğulluğunun təmin edilməsi istiqamətində mühüm işlər görüb. Onlar kommunal xərclərdən və təhsil haqqından azad ediliblər. Erməni işğalı nəticəsində didərgin düşmüş soydaşlarımıza verilən aylıq müavinətlər hər il artırılmış, çadır düşərgələr ləğv edilib, hər cür şəraiti olan yeni qəsəbələr salınıb. Bu proses davam etməkdədir.
Konfransda xüsusi vurğulanıb ki, ordu quruculuğu sahəsində Prezidentin həyata keçirdiyi siyasət işğal altındakı torpaqlarımızın azad ediləcəyinə inamı artırıb. Bu gün Azərbaycanın hərbi büdcəsi Ermənistanın bütövlükdə dövlət büdcəsini bir neçə dəfə üstələyir. Ölkəmizin Birləşmiş Millətlər Təşkilatı Təhlükəsizlik Şurasının qeyri-daimi üzvü seçilməsi və qlobal siyasətdə fəal rol oynaması aparılan uğurlu xarici siyasətin nəticəsidir.
Sonra Laçın, Xocavənd, Ağdam, Füzuli, Kəlbəcər rayonlarını təmsil edən gənclər çıxış edərək ölkədə həyata keçirilən quruculuq işlərindən, əhalinin sosial-iqtisadi vəziyyətinin yüksəlməsindən danışıblar. Qeyd olunub ki, regionların sosial-iqtisadi inkişafı və gənclərlə bağlı dövlət proqramları uğurla reallaşdırılır. Bu proqramlar çərçivəsində şəhər və qəsəbələr yeni görkəm alıb, çoxsaylı iş yerləri açılıb və insanların həyat səviyyəsi yaxşılaşıb. Azərbaycanda Olimpiya idman kompleksləri, təhsil, səhiyyə və mədəniyyət müəssisələri tikilərək əhalinin istifadəsinə verilib. Dövlətin birbaşa yardımı ilə yüzlərlə gənc xarici ölkələrdə təhsilini davam etdirir. Bildirilib ki, Azərbaycanın ərazi bütövlüyünün heç bir vaxt danışıqlar mövzusu olmayacağını bəyan edən Prezident İlham Əliyev daim milli maraqların keşiyində dayanıb, Vətəni və xalqı sevməkdə bütün gənclərə örnəkdir. Prezident Administrasiyası İctimai-siyasi məsələlər şöbəsinin baş məsləhətçisi Rasim Mirzəyev qaçqın və məcburi köçkünlərin Azərbaycanda ən imtiyazlı təbəqələrdən biri olduğunu, onlara dövlət tərəfindən daim diqqət və qayğı göstərildiyini qeyd edib: “Azərbaycan xalqının tarixən sabitliyə böyük ehtiyacı olub. Bu gün isə o sabitlik və inkişaf var. Bu sabitliyin qorunması ən vacib məsələlərdən biridir. Gənclər təxribatlara uymamalıdırlar. Bu gün gənclərin üzərinə dövlətin inkişafına çalışmaq, ölkə başçısı ətrafında sıx birləşmək kimi böyük məsuliyyət düşür”. Tədbirdə çıxış edən gənclər və konfrans iştirakçıları Azərbaycanın ərazi bütövlüyü və suverenliyinin təmin olunması istiqamətində aparılan siyasəti, bütün sahələrdə sürətli inkişafa nail olunmasını, həyata keçirilən məqsədyönlü dövlət proqramlarını Prezident İlham Əliyevin müstəsna xidmətləri kimi dəyərləndirdiklərini və növbəti seçkilərdə ona səs verəcəklərini bəyan ediblər.
ANAR




 
Bölməyə aid digər xəbərlər
19.02.2019
YAP Pirallahı rayon təşkilatı sədrinin 2018-ci ilin yekunlarına və qarşıda duran vəzifələrə dair hesabatı
19.02.2019
İqtidarın qazandığı hər bir uğur müxalifətin siyasi iflasını sürətləndirir
19.02.2019
Fərid Şəfiyev Beynəlxalq Münasibətlərin Təhlili Mərkəzinin sədri təyin edildi - səfir vəzifəsindən geri çağırıldı
18.02.2019
İbrahim Öztek: “Xocalı soyqırımı nankor bir cəmiyyətin xəyanətkar hücumunun son halqasıdır”
18.02.2019
Rusiyanın azərbaycanlı icması soydaşlarımızı və çeçenləri təxribata uymamağa çağırıb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10603

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info