Azərbaycan nümayəndə heyəti Dubayda bir sıra görüşlər keçirib
Tarix: 14.02.2018 | Saat: 20:12:00 | E-mail | Çapa göndər


Birləşmiş Ərəb Əmirliklərinin Dubay şəhərində keçirilən VI Dünya Hökumətlər Sammiti başa çatıb.
Tədbir çərçivəsində Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimovun rəhbərlik etdiyi nümayəndə heyəti və ölkəmizin BƏƏ-dəki səfiri Daşqın Şikarov bir sıra görüşlər keçirib.
İnam Kərimov Misir Ərəb Respublikasının planlaşdırma və inzibati islahatlar naziri Hala El-Sayed, Monteneqronun dövlət idarəçiliyi naziri Suzana Pribiloviç, Mərakeş Krallığının inzibati islahatlar və dövlət qulluğu naziri Məhəmməd bin Abdelkader, Portuqaliyanın inzibati modernləşdirmə üzrə naziri Maria Markeş, Uqandanın dövlət xidmətləri naziri Vilson Muruli Mukasa ilə görüşüb, qarşılıqlı əməkdaşlığa dair bir sıra məsələləri müzakirə edib.
Görüşlər zamanı Azərbaycan Respublikasının Prezidenti İlham Əliyev tərəfindən son illər dövlət idarəçiliyinin təkmilləşdirilməsi və müasirləşdirilməsi istiqamətində həyata keçirilən islahatlar və bu islahatların tərkib hissəsi olan “ASAN xidmət” mərkəzlərinin yaradılması, məqsədləri və fəaliyyət istiqamətləri, habelə elektron hökumət quruculuğu məsələləri barədə ətraflı məlumat verilib. “ASAN Viza”, “ASAN ödəniş”, “ASAN viza 2.0”, “ABAD” layihələri ilə bağlı fikir mübadiləsi aparılıb, qeyd olunan sahələrdə qarşılıqlı əməkdaşlıq perspektivləri müzakirə olunub.
Bununla yanaşı, səfər çərçivəsində “ASAN Viza”nın tanıdılması, “ASAN viza 2.0” layihəsinin və yeni səmərəli həllərin tətbiqi məqsədilə Dubayın Məskunlaşma və Əcnəbilərin İşləri üzrə Baş İdarəsinin baş direktoru, general-mayor Məhəmməd Əhməd Əl Mərri, o cümlədən BƏƏ-nin “Etihad” və “Air Arabia” hava yolları şirkətlərinin rəsmiləri ilə görüşlər keçirilib, əməkdaşlığa dair ilkin razılıq əldə olunub.
Qeyd edək ki, Birləşmiş Ərəb Əmirliklərinin vitse-prezidenti, Baş nazir, Dubay əmiri Şeyx Məhəmməd bin Rəşid Al Məktumun himayəsi altında “Gələcək hökumətlərin proqnozlaşdırılması” şüarı ilə keçirilən sammitdə 140-dan çox ölkənin hökumət başçıları və nazirləri, görkəmli ictimai-siyasi xadimlər, alimlər və mütəxəssislər, həmçinin bir sıra aparıcı beynəlxalq təşkilatların təmsilçiləri olmaqla dörd mindən artıq nümayəndə iştirak edib.
Tural




 
Bölməyə aid digər xəbərlər
18.10.2018
Neft Fondu Yaxın Şərq ölkələrinin buraxdığı qiymətli kağızlara investisiyalar edib
18.10.2018
Doqquz ayda ictimai iaşə dövriyyəsi 6 faiz artıb
18.10.2018
Azərbaycanın dövlət müstəqilliyinin bərpasından 27 il keçir
17.10.2018
Türkiyə mediası: “Star” neft emalı zavodu xaricdən asılılığı aradan qaldıracaq
17.10.2018
“APM Terminals” şirkəti “Petlim” konteyner limanını SOCAR-a təhvil verib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10268

1 Azərbaycanlı hakim Avropanın 10 ən yaxşı hakimi sırasında
2 Əkbər Nəcəf: “Azərbaycan coğrafiyasında dörd Atabəylik mövcud olub”
3 Dadaizm və Sürrealizm cərəyanının görkəmli nümayəndəsi
4 Vətən uzaqda deyil
5 Tovuzda insanların poeziyaya olan məhəbbəti tükənməzdir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info