Narışkinin Misir səfərinin pərdəarxası: Misir ordusunun əməliyyatı nəticəsində 15 terrorçu məhv edilib, 153 nəfər saxlanılıb
Tarix: 14.02.2018 | Saat: 20:34:00 | E-mail | Çapa göndər
Rusiya Xarici Kəşfiyyat Xidmətinin direktorunun Qahirəyə səfərindən sonra Sinay yarımadasınında terrorçulara qarşı uğurlu əməliyyat barədə xəbər yayılıb
Misir Prezidenti Əbdülfəttah əs-Sisi Qahirədə Rusiya Xarici Kəşfiyyat Xidmətinin direktoru Sergey Narışkini qəbul edib. Bu barədə Misir Prezidenti Dəftərxanasının rəsmi nümayəndəsi Bəssam Radi məlumat verib. Misir Prezidenti iki ölkə arasında münasibətləri yüksək qiymətləndirib. O, Misirin Rusiya ilə qarşılıqlı münasibətləri bütün istiqamətlərdə daha da möhkəmləndirməyə tərəfdar olduğunu bildirib. S.Narışkin regionda sülhün və sabitliyin bərqərar edilməsi prosesinin ən mühüm iştirakçılarından biri kimi Misirin rolunu qeyd edərək, xüsusilə terrorizmin regiona və bütün dünyaya təhlükə olduğu bir vaxtda iki ölkə arasında təhlükəsizlik sahəsində əməkdaşlığın əhəmiyyətini vurğulayıb. B.Radinin sözlərinə görə, tərəflər terrorizmə qarşı mübarizə məsələlərini müzakirə ediblər. Prezident Əbdülfəttah əs-Sisi xüsusi vurğulayıb ki, terrorizmi tamamilə aradan qaldırmaq üçün beynəlxalq birliyin səylərini birləşdirmək, bu zaman ayrı-ayrı terrorçu qruplaşmalar arasında fərq qoymamaq lazımdır. Görüşdə Yaxın Şərq böhranının ayrı-ayrı dövlətlərin suverenliyinin və ərazi bütövlüyünün saxlanılması şərti ilə nizamlanması yolları ətrafında geniş fikir mübadiləsi aparılıb. Maraqlıdır ki, görüşdən sonra Misir ordusunun Sinay yarımadasının şimalında və mərkəzi hissəsində keçirdiyi növbəti antiterror əməliyyatı barədə xəbər yayılıb. Həmin məlumatda qeyd edilir ki, əməliyyat nəticəsində 15 terrorçu məhv edilib, terror aktları törətməkdə və ekstremistlərə yardım etməkdə şübhəli bilinən 153 nəfər saxlanılıb. Saxlanılanlar arasında xarici vətəndaşlar da var. Əməliyyat zamanı terrorçuların nəqliyyat vasitələri məhv edilib, onlarla partlayıcı zərərsizləşdirilib. Həmçinin silah-sursat bazaları, partlayıcı maddələrin hazırlanması üçün gizli laboratoriyalar və terrorçuların yeraltı sığınacaqları məhv edilib. Qeyd edək ki, Prezident Əbdülfəttah əs-Sisinin tapşırığına uyğun olaraq, Misir ordusu Sinay yarımadasının şimalında və mərkəzi hissəsində, həmçinin Nil çayının deltasında və qərbdəki səhralıq rayonlarda irimiqyaslı “Sinay 2018” antiterror əməliyyatı keçirir.
Anar




 
Bölməyə aid digər xəbərlər
20.02.2018
Ərdoğan: “Dünyada vəhşi qətliam arayan varsa, bu, Xocalıdır“
20.02.2018
“Telabyaddan Qamışlıya qədər hər yerdə terrorçuların kökünü kəsəcəyik” 
20.02.2018
“La Vanguardia”: “Ermənistan qoşunları 613 Xocalı sakinini öldürüb”
20.02.2018
“The Daily Caller” Azərbaycanın əhəmiyyətindən, Ermənistanın iflasından yazdı
20.02.2018
Suriya savaşında enerji faktoru: “Türk axını”na təhlükə var?

Şərh əlavə olunmayıb



    ,    
Aysel İbrahimova
Rəhim Həsənov
Tural Tağıyev
Zülfiyyə Vəliyeva
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 8445

1 “Birləşmiş Krallıqda bizim çox istedadlı və savadlı insanlarımız var”
2 “Şirkətimiz bu il yüzlərlə yeni və daimi iş yeri yaradacaq”
3 “Qarabağ həqiqətlərinin Belçikada tanınması üçün yerli mətbuatın gücündən istifadə edirik”
4 Xocalı soyqırımı ilə bağlı Türkiyədə bir sıra tədbirlər keçiriləcək
5 «ArmenianReport»: ”Yaxın vaxtlarda Ermənistanın dövlət borcu 7 milyard dolları ötəcək”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info