Bakıda İran kinosu günlərinin açılışı olub
Tarix: 24.02.2018 | Saat: 03:51:00 | E-mail | Çapa göndər


Nizami Kino Mərkəzində Azərbaycanın Mədəniyyət və Turizm Nazirliyi və İran İslam Respublikasının ölkəmizdəki səfirliyinin Mədəniyyət mərkəzinin birgə təşkilatçılığı ilə İran kinosu günlərinin açılışı olub.
AZƏRTAC xəbər verir ki, açılış mərasimində dövlət rəsmiləri, ölkəmizdəki diplomatik korpusun nümayəndələri, tanınmış mədəniyyət və incəsənət xadimləri iştirak ediblər.
Əvvəlcə hər iki ölkənin Dövlət himnləri səslənib.
Açılış mərasimində çıxış edən nazir Əbülfəs Qarayev bildirib ki, Azərbaycan və İran arasında dostluq, əməkdaşlıq münasibətləri ildən-ilə daha da genişlənir. Eyni sözləri iki ölkə arasında mədəni əməkdaşlığa da şamil etmək olar. Ötən il İranda Azərbaycan Mədəniyyət Günlərinin keçirildiyini xatırladan nazir bunun ənənə şəklini aldığını söyləyib: “Elə il olmaz ki, Azərbaycanın sənətçiləri İranda keçirilən müxtəlif tədbirlərdə iştirak etməsinlər. Kinematoqrafçılarımızın birgə istehsalı olan filmlər beynəlxalq festivallara mükafata layiq görülüb. İki ölkənin birgə təqdim etdiyi “Kamança simli musiqi alətinin hazırlanması və ifaçılıq sənəti” UNESCO-nun Qeyri-Maddi Mədəni İrs üzrə Reprezentativ Siyahısına daxil edilib. Bütün bunlar birgə fəaliyyətimizin uğurlu nəticəsini və mədəniyyətimizin dərin köklərə malik olduğunu göstərir".
İranın Mədəniyyət və İslami Əlaqələr Mərkəzinin sədri Abuzər İbrahimi Türkman ölkəsində ekranlaşdırılan filmlərdə əxlaqi və mənəvi dəyərlərə üstünlük verildiyini diqqətə çatdırıb. Ölkələrimiz arasında mədəni əlaqələrin daha da genişlənməsini arzu edən mərkəzin sədri deyib: “İran filmləri dünyada diqqət mərkəzindədir, hətta “Oskar” mükafatına layiq görülüb. Azərbaycan filmləri də beynəlxalq festivallarda xeyli uğurlar qazanıb. Sizin kinematoqrafçıların istehsalı olan filmlərinin İranda nümayiş olunmasını çox arzulayırıq”.
İranın ölkəmizdəki səfiri Cavad Cahangirzadə kino günlərinin keçirilməsini dostluq və qardaşlığımıza bariz nümunə olduğunu, xalqların bir-birini yaxından tanımasına imkan yaratdığını bildirib.
Gecədə “Şəhriyar” adına ansambl musiqili proqramla çıxış edib.
Sonra İran kinematoqrafçılarının istehsal etdiyi “Cangüdən” bədii filmi nümayiş olunub.
Xatırladaq ki, fevralın 27-dək davam edəcək İran kinosu günləri çərçivəsində “Xəyalın şirin tamı”, “Divanə top”, “Ayaqqabım hanı?” bədii filmləri təqdim ediləcək.




 
Bölməyə aid digər xəbərlər
23.09.2018
Azərbaycanın milli musiqi alətləri Fransa muzeyinə hədiyyə edilib
23.09.2018
Ceyms Bond haqqında növbəti filmi yapon əsilli kinorejissor çəkəcək
23.09.2018
Anna Netrebko və Yusif Eyvazov Mayamidə çıxış edəcəklər
22.09.2018
Heydər Əliyev Sarayında “Broadway Story” tamaşasının premyerası olub
22.09.2018
Musiqili Teatr yeni mövsümü açıq elan edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info