“Uşaqlar müharibəyə qarşı” rəsm müsabiqəsi yekunlaşıb
Tarix: 24.02.2018 | Saat: 23:04:00 | E-mail | Çapa göndər


Azərbaycanın Aktaudakı baş konsulluğu Qazaxıstan Xalqları Milli Assambleyasının Qərbi Qazaxıstan vilayəti təşkilatı ilə birgə Uralsk şəhərindəki Dostluq sarayında tədbir keçirib.
AZƏRTAC xəbər verir ki, tədbir Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” kampaniyası çərçivəsində baş konsulluq tərəfindən Qərbi Qazaxıstan vilayətində təşkil olunmuş “Uşaqlar müharibəyə qarşı” rəsm müsabiqəsinin qaliblərinin mükafatlandırılmasına həsr olunub.
Tədbirdə Qərbi Qazaxıstan vilayətində yaşayan çoxsaylı soydaşlarımızla yanaşı, tanınmış ziyalılar, ictimaiyyət nümayəndələri, Uralsk şəhərinin incəsənət və rəssamlıq məktəblərinin müəllim və tələbələri, vilayətdə fəaliyyət göstərən digər diasporların rəhbərləri və üzvləri, KİV nümayəndələri iştirak ediblər. Əvvəlcə uşaq və yeniyetmə rəssamlar arasında “Uşaqlar müharibəyə qarşı” mövzusunda keçirilmiş müsabiqədə iştirak edənlərin rəsmlərindən ibarət sərgiyə baxış olub.
Qazaxıstan Xalqları Milli Assambleyasının Qərbi Qazaxıstan vilayəti təşkilatının sədr müavini Kapakov Qaysa baş konsulluq tərəfindən keçirilən müsabiqəni yüksək qiymətləndirib, tədbirin müharibəyə, terror aktlarına, günahsız insanların həlak olmasına qarşı uşaq və yeniyetmələrdə dünya görüşlərin formalaşmasında əhəmiyyətindən danışıb.
Azərbaycanın Aktaudakı baş konsulluğunun rəhbəri Elxan Zeynalov Azərbaycan xalqına qarşı törədilmiş cinayətlərin dünya ictimaiyyətinə çatdırılmasında Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” kampaniyası çərçivəsində görülən işlərdən danışıb. O, ermənilərin Azərbaycanın Xocalı şəhərində törətdikləri soyqırımı haqqında məlumat verərək, müsabiqədə fəal iştirak etmiş rəssamlıq məktəblərinə, yeniyetmə və gənc rəssamlara minnətdarlığını bildirib.
Tədbirdə, həmçinin Qərbi Qazaxıstan vilayətində yaşayan azərbaycanlıların “Birlik” Milli Mədəni Cəmiyyətinin sədri Nəcəf Məmmədov, “Edil Jayık” Qazax Milli Mədəni Cəmiyyətinin sədri Zeynulin Amanjol və digərləri çıxış edərək rəsm müsabiqəsinin keçirilməsinin gənc nəslin daha ədalətli ruhda böyüməsinə töhfə verəcəyini bildiriblər.
Çıxışlardan sonra D.Nurpeisova adına Uralsk şəhər Uşaq İncəsənət Məktəbinin şagirdləri şeirlər oxuyub, musiqi kompozisiyaları səsləndiriblər.
Daha sonra qaliblər mükafatlandırılıb.
Sonda tədbir iştirakçıları Dostluq sarayının qarşısında Xocalı soyqırımı qurbanlarının xatirəsinə “Biz ədalət tələb edirik” şüarları səsləndiriblər.
Qeyd edək ki, rəsm müsabiqəsində Qərbi Qazaxıstan vilayətində fəaliyyət göstərən on iki rəsm və incəsənət məktəbindən 130-dan artıq şagird iştirak edib. Müsabiqənin münsiflər heyəti tərəfindən rəsmlər qiymətləndirilib və müsabiqənin yekununa görə 7-10, 11-14 və 15-17 yaşlılar arasında I, II və III yerlərə və müsabiqənin qran-pri mükafatlarına layiq görülənlər müəyyənləşdirilib. Bundan əlavə, baş konsulluq 25 yeniyetmə rəssama fəxri fərmanlar verib.




 
Bölməyə aid digər xəbərlər
11.12.2018
İnanılmaz kampaniyanın bitməsinə 15 gün qaldı
11.12.2018
Şəhərsalma və Tikinti Məcəlləsinin tətbiqi məsələləri, Azərbaycanda İnzibati hüquq mövzusunda seminar-təlim keçirilib
11.12.2018
Gürcüstandan gələn avtomobildə pirotexniki vasitələr aşkarlanıb
11.12.2018
“Gömrük xidməti əməkdaşları iqtisadi təhlükəsizliyin qorunmasına məsul şəxslərdir”
11.12.2018
Kiyevdə Ümumilli lider Heydər Əliyevin anım mərasimi keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10523

1 “Macarıstandakı Azərbaycan icmasının böyük əksəriyyətini gənclər təşkil edir”
2 “Sondakika.com”: “Türkiyənin ən böyük xarici investoru olan SOCAR yeni layihə həyata keçirir”
3 Prezident İlham Əliyev Putinin dəvəti ilə Rusiyaya işgüzar səfərə gedib- YENİLƏNİB
4 Türkiyədə yeni Azərbaycan diaspor təşkilatı qeydiyyatdan keçib
5 “Özümü qərib ölkədə hiss etmədim”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info