“Sizin uğurunuz ölkənin uğurudur”
Tarix: 27.02.2018 | Saat: 00:44:00 | E-mail | Çapa göndər


Gürcüstan Prezidenti Giorgi Marqvelaşvili Marneuli rayonunda azərbaycanlı gənclər və ictimaiyyət nümayəndələri ilə görüşüb. Görüş Gürcüstanda elan olunmuş “Müstəqillikdən azadlığa - respublikanın 100 illiyi” kampaniyası çərçivəsində reallaşıb.
Görüşdə Gürcüstan Prezidenti Ermənistan-Azərbaycan, Dağlıq Qarabağ münaqişəsi barədə sualı cavablandırıb. Gürcüstanın münaqişə ilə bağlı vəziyyəti izlədiyini bildirən Giorgi Marqvelaşvili deyib: “Gürcüstan Dağlıq Qarabağ münaqişəsinin dinc yolla həll olunmasının tərəfdarıdır”. Sonra Prezident ölkəsinin müstəqillik uğrundakı mübarizə tarixindən, üzləşdiyi problemlərdən və əldə etdiyi uğurlardan danışıb. Dövlət başçısı Gürcüstandakı azərbaycanlıların cəmiyyətdə çox fəal olduqlarını bildirib. Gürcüstan Prezidenti Bolnisidə “Gürcü dilini öyrənirik” proqramının azərbaycanlı iştirakçıları ilə görüşüb. Proqram Gürcüstan prezidentinin ehtiyat fondunun dəstəyi ilə 2015-ci ildən etibarən İ.Cavaxişvili adına Tbilisi Dövlət Universiteti (TDU) ilə əməkdaşlıq çərçivəsində həyata keçirilir. Görüşdə çıxış edən Gürcüstan prezidentinin etnik azlıqların məsələləri üzrə müşaviri Sofio Şamanidi proqramın uğurları barədə danışıb: “Proqram çərçivəsində etnik azlıqların yaşadığı Kvemo Kartli, Kaxeti, Samtsxe-Cavaxeti bölgələrində və Tbilisidə TDU-nun professor və müəllimləri, magistr və doktorantları etnik azlıq nümayəndələrinə dövlət dilini və konstitusiyanın əsaslarını öyrədir”. G.Marqvelaşvili çıxışında deyib ki, bir şəxsin inkişafı üçün dil baryeri olmamalıdır: “Dövlət dilini öyrənməklə siz öz imkanlarınızı artırır və Gürcüstanın potensialını möhkəmləndirirsiniz. Sizin uğurunuz ölkənin uğurudur. Gürcü dili ilə yanaşı, siz Konstitusiyanın əsaslarını da öyrənmisiniz. Siz Gürcüstan vətəndaşlarısınız və ölkənin gələcəyini formalaşdırırsınız”. Qeyd edək ki, “Gürcü dilini öyrənirik” prezident proqramı çərçivəsində 2015-2017-ci illərdə Gürcüstanın 3 bölgəsinin 79 kəndində tədris aparılıb. Üç il ərzində kurslarda 6688 nəfər iştirak edib və onların təxminən 80%-i müvafiq sertifikat alıb.




 
Bölməyə aid digər xəbərlər
17.02.2019
Qubadakı Qırmızı qəsəbədə ölkənizdəki tolerantlığın əyani şahidi olduq
17.02.2019
Rusiyalı deputat çeçenlərlə yaşanmış insidenti şərh etdi
13.02.2019
Qabaqcıl texnologiyalar dövründə ənənəvi və internet medianın inkişafı
13.02.2019
Dövlətmizin uğurlu idman siyasəti
13.02.2019
“Şirkətlər əksər vaxtlar benefisiarların adını açıqlamaq istəmir”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info