Sumqayıtda erməni yalanları və vəhşiliklərinə dair tədbir keçirilib
Tarix: 28.02.2018 | Saat: 17:10:00 | E-mail | Çapa göndər


1988-ci  il  fevralın 27-29-da Sumqayıt hadisələrində zərərçəkən ermənilərin əksəriyyəti “Krunk” cəmiyyətinə könüllü maddi vəsait köçürməkdən imtina edənlər olub. Şahidlərin ifadələri ilə müəyyən edilib ki, “Krunk” cəmiyyətinə pul köçürən ermənilərin evləri hücuma məruz qalmayıb. Bu isə Sumqayıt hadisələrinin məhz ermənilərin özləri tərəfindən məqsədli şəkildə törədildiyinə sübutdur.
Bu faktlar Sumqayıtda 1988-ci  ilin  fevral hadisələrinə həsr  edilən “dəyirmi  masa”da səsləndirilib.
Şəhərin Heydər Əliyev Mərkəzində keçirilən tədbirdə  hadisələri  tədqiq  edən  tarixçi-alimlərlə yanaşı, fəal sumqayıtlı gənclər  də  iştirak edib. 
İcra hakimiyyəti başçısının müavini Teymur Səmədov çıxış edərək bildirib ki, Sumqayıt hadisələri Ermənistan və SSRİ xüsusi xidmət orqanları tərəfindən hazırlanaraq törədilmiş təxribat idi. Tarixin müxtəlif dövrlərində Ermənistanın terrorçu təşkilatları Azərbaycan əhalisinə qarşı daim təxribatlar törədib. Sumqayıt hadisələri də həmin təxribatlardan biridir.
Əməkdar Jurnalist, Sumqayıt hadisələrinin tədqiqatçısı Eyruz Məmmədov qeyd edib ki, həmin hadisələrin fəal iştirakçılarından biri dəfələrlə məhkum edilmiş Eduard Qriqoryan adlı Sumqayıt şəhər sakini olub. Milliyyətcə erməni olan E.Qriqoryan ətrafında adamları cəmləşdirib onlara rəhbərlik edərək, “ermənilərə ölüm”, “ardımca” və sair çağırışlarla əvvəlcədən hazırlanmış siyahıya əsasən şəhərin erməni sakinlərinin evlərinə hücumlar həyata keçirib.
Eyruz Məmmədov bu hadisələrin mahiyyətinin dünya ölkələrinə çatdırılması üçün müxtəlif dillərdə kitabların nəşr edildiyini qeyd edib.
Sumqayıt Dövlət Universitetinin prorektoru, bu hadisələr barədə bir neçə kitabın müəllifi Ramazan Məmmədov çıxışında diqqəti həmin dövrdə “Krunk” erməni cəmiyyətinin fəaliyyətinə yönəldib. Bildirib ki, “Krunk” cəmiyyətinə pul köçürməyən ermənilərin evlərinin hücuma məruz qalması hadisələrin məqsədli şəkildə törədildiyini göstərir.
Çıxış  edən  gənclər erməni yalanlarına qarşı  informasiya  müharibəsində hüquqi sənədlərdən  geniş  istifadə olunmasının vacibliyini diqqətə çatdırıblar. Vurğulanıb ki, cinayətin təşkilatçılarını məsuliyyətə cəlb etmək üçün müvafiq beynəlxalq orqanlara müraciət edilməsi və bunun üçün hüquqi əsasların müəyyən olunması, qaranlıq qalan məqamların araşdırılması məqsədilə Azərbaycan Respublikası Baş Prokurorluğu tərəfindən cinayət işi təkrar icraata götürülüb və bu xüsusda istintaq hərəkətləri davam etdirilir.
Tural




 
Bölməyə aid digər xəbərlər
08.12.2018
Rusiya və Azərbaycan rouminq tariflərinin azaldılması barədə razılığa gəliblər
08.12.2018
Vaşinqtonda Azərbaycan Parlamentinin 100 illiyi qeyd olunub
07.12.2018
Müxalifətin birlik problemi
07.12.2018
Aleksandr Vuçiç: “Serbiya Azərbaycanla əlaqələrin genişlənməsinə önəm verir”
07.12.2018
Niderlandın “Wereldregio” qəzeti Niderland-Azərbaycan əlaqələri haqqında yazıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10522

1 Türk Universiteti üçün Naxçıvanın seçilməsi əhəmiyyətli ola bilər
2 Emil Rasimoğludan yeni şeir
3 Prezident İlham Əliyev Putinin dəvəti ilə Rusiyaya işgüzar səfərə gedib- YENİLƏNİB
4 Bakıda müəllimlərin beynəlxalq seminarı keçirilib
5 “Sondakika.com”: “Türkiyənin ən böyük xarici investoru olan SOCAR yeni layihə həyata keçirir”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info