FAO dünya üzrə ərzaq qiymət indekslərini açıqlayıb
Tarix: 06.03.2018 | Saat: 00:26:00 | E-mail | Çapa göndər


BMT Ərzaq və Kənd Təsərrüfatı Təşkilatının (FAO) Ərzaq qiymət indeksi fevral ayında 170,8 bal səviyyəsində gerçəkləşib. Bu, əvvəlki aya nisbətən 1,1 faiz artım olmaqla, ötən ilin eyni dövrü ilə müqayisədə 2,7 faiz azalma deməkdir. FAO Ərzaq qiymət indeksi beynəlxalq bazarlarda beş əsas ərzağın qiymətləri və ticarətininə əsasən ölçülür. Buğda, düyü və qarğıdalının da daxil olduğu FAO Taxıl qiymət indeksi 2,5 faiz yüksəldiyi halda,davamlı olaraq iki ay nəzərə çarpacaq dərəcədə artım olub. Bu artım böyük miqyasda ABŞ-dakı buğda və Argentinadakı qarğıdalı üçün mövcud hava şərtlərilə bağlı baş verib. FAO, həmçinin bu il üçün buğda toplanışı ölçüsünü aşağı salıb, ancaq ehtiyat ölçüsündə yeni rekord proqnozu davam edir. Kərəyağı, pendir və süd tozu qiymətlərinin artımı ilə FAO Süd məhsulları qiymət indeksi fevral ayında 6,2 faiz yüksəlib. Güclü qlobal tələb və Yeni Zelandiyadasüd istehsalının gözləniləndən aşağı olması bu artımda önəmli rol oynayıb. FAO Ət məhsulları qiymət indeksi dəyişməyib. Dörd aydan indiyədək düşən toyuq ətinin qiymətləri artan inək ətinin qiymətini tarazlayıb.FAO Bitki mənşəli yağ qiymət indeksi 3,1 faiz aşağı düşərək son 19 ayda ən aşağı səviyyəyə geriləyib. Burada cari il üçün nəzərdə tutulan qlobal istehsaldakı artım təsirli olub. Malayziya və İndoneziyadakı ehtiyatların artması ilə yanaşı, ən çox palma yağının qiymətləri enib. FAO Şəkər qiymət indeksi də 3,4 faiz azalaraq son iki ilin ən aşağı səviyyəsində oldu. Burada, xüsusiləTailand və Hindistan kimi əsas istehsalçıların istehsalı artırmağa davam etməsi rol oynayıb. Əsas taxıl məhsulları üçün qlobal təklif şərtləri qaldığı halda, FAO mövsüm sonunda ehtiyat ölçüsünü 14 milyon ton həcmində artırıb.
Qlobal buğda və iri dənəlilərin ehtiyatları mövcud satış ilində yeni bir rekorda doğru “irəliləyir”. Son Taxıl təklif və tələb hesabatına görə buğda ehtiyatlarının 272,7 milyon tona, iri dənəlilərin isə 309,8 milyon tona çatması gözlənilir. Keçən ilin taxıl yığımının tamamilə başa çatması ilə FAO 2017 qlobal taxıl istehsalı təxminini 2 min 642 milyon tona yüksəldib. Avstraliya, Şərqi və Qərbi Afrikada qarğıdalı kimi iridənəlilərin burada təsirli rolu olub. Qarğıdalı istehsalının da 2017-ci ildə bütün dövrlərin ən yüksək faizinə çataraq 502,2 milyon tona çatması gözlənilir. FAO 2018 qlobal buğda istehsalı üçün ilk təxminlərini də yayımlayıb və rəqəmlər hazırda 744 milyon ton ətrafındadır.
Nigar Abdullayeva




 
Bölməyə aid digər xəbərlər
07.12.2018
“Əlillik qüsur deyil” kitab-albomu digər dillərdə də nəşr olunacaq
07.12.2018
330 məcburi köçkün üçün kiçik ailə təsərrüfatı yaradılıb
07.12.2018
Gənclər və idman naziri Biləsuvarda vətəndaşları qəbul edib
06.12.2018
45 nəfər əlilliyi olan şəxs Naxçıvandakı müalicə müəssisələrinə yola salınıb
06.12.2018
278 şəxs güzəştli mənzilə sahib olub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10522

1 Türk Universiteti üçün Naxçıvanın seçilməsi əhəmiyyətli ola bilər
2 Emil Rasimoğludan yeni şeir
3 Prezident İlham Əliyev Putinin dəvəti ilə Rusiyaya işgüzar səfərə gedib- YENİLƏNİB
4 Bakıda müəllimlərin beynəlxalq seminarı keçirilib
5 “Sondakika.com”: “Türkiyənin ən böyük xarici investoru olan SOCAR yeni layihə həyata keçirir”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info