Paraqvay nəşri Azərbaycandan yazır
Tarix: 06.03.2018 | Saat: 17:18:00 | E-mail | Çapa göndər


Paraqvayın “Logistica & Negocios” nəşri beynəlxalq münasibətlər üzrə ekspert Piter Teyzin “Naxçıvan Azərbaycan multikulturalizmini mədəniyyətlərarası qlobal dialoqun dəyərli mənbəyi kimi təbliğ edir” adlı məqaləsini dərc edib.
AZƏRTAC xəbər verir ki, müəllif məqaləsində 2017-ci ilin oktyabrında Naxçıvan Pedaqoji Universitetində təqdimatı keçirilən yeni “Azərbaycan multikulturalizmi” dərsliyinin dərc olunmasından, bütövlükdə, Azərbaycanın beynəlxalq dialoq sahəsində əldə etdiyi nailiyyətlərdən yazır. Azərbaycan tədqiqatçılarından sitat gətirən Teyz yazır ki, multikulturalizm Azərbaycanda həyat tərzi və dövlət siyasətidir. Bu gün Azərbaycan özünün zəngin multikulturalizm modelini dünyaya nümayiş etdirir. Ekspert qeyd edir ki, Naxçıvan Muxtar Respublikası (Azərbaycan) faktiki olaraq, “multikulturalizm laboratoriyası” və bütün dünya üçün böyük əhəmiyyət kəsb edən arxeoloji mənbədir. Arxeoloji mədəniyyət abidələri hələ qədim dövrlərdən Azərbaycanda multikulturalizm və dinlərarası dialoqun dəyərlərinin olduğunu sübut edir. “Azərbaycan multikulturalizmi” dərsliyi gənc nəsil üçün mühüm rola malikdir və çoxmədəniyyətli dəyərlərin təşviqində qiymətli mənbədir.
Teyz yazır ki, Azərbaycan multikulturalizm ideyasını irəli sürdüyü vaxtda, Ermənistan hələ də suveren Azərbaycanın ərazilərinin 20 faizini, o cümlədən Dağlıq Qarabağ regionu və ona bitişik 7 rayonu işğal altında saxlamaqda davam edir. Təkcə 2018-ci ilin fevral ayında Ermənistan silahlı qüvvələri Ermənistan və Azərbaycan qoşunlarının təmas xəttində atəşkəs rejimini müxtəlif istiqamətlərdə 3443 dəfə pozublar. Erməni qoşunları iriçaplı pulemyotlardan və snayper tüfənglərindən istifadə edərək, Azərbaycan Ordusunun mövqelərinə atəş açırlar. Ermənistanın Azərbaycana təcavüzü nəticəsində bir milyondan çox Azərbaycan vətəndaşı qaçqın və məcburi köçkünə çevriliblər. Məqalənin sonunda bildirilir ki, BMT Təhlükəsizlik Şurasının 1993-cü il tarixli 822, 853, 874 və 884 nömrəli qətnamələrinə, həmçinin BMT, AŞPA, ATƏT və İƏT Baş Assambleyalarının Ermənistanı qeyd-şərtsiz olaraq təcavüz etdiyi ölkədən qoşunlarını çıxarmağa səsləyən qətnamələrinə baxmayaraq, Ermənistan hələ də beynəlxalq hüquq normalarını kobud şəkildə pozmaqda davam edir.
Mahmud




 
Bölməyə aid digər xəbərlər
25.03.2019
Tramp Qolan yüksəlikləri üzərində İsrailin suverenliyini rəsmi olaraq tanıyacaq
25.03.2019
Paşinyan və komandası Ermənistan iqtisadiyyatını tamamilə çıxılmaz vəziyyətə salacaq
25.03.2019
Vuçiç: Serbiya NATO üzvü olmaq istəmir
24.03.2019
Azərbaycan Prezident İlham Əliyevin müdrik rəhbərliyi ilə böyük nəticələr əldə edir
23.03.2019
İran qazının Ermənistan vasitəsilə Gürcüstana tranziti qeyri-mümkündür

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10704

1 Azərbaycan xalqı zəngin mədəniyyətə sahibdir
2 Lənkəranın ucqar kənd məktəbində Novruz şənliyi keçirilib
3 İraqda bərə qəzaya uğrayıb: 71 ölü
4 Paşinyan reytinqini küçə süpürməklə qaldırmaq istəyir?
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info