Azərbaycan Universitetində Konfutsi Mərkəzi açılıb
Tarix: 07.03.2018 | Saat: 17:06:00 | E-mail | Çapa göndər


Azərbaycan Universitetində Konfutsi Mərkəzinin açılışı olub.
Universitetdən AZƏRTAC-a bildiriblər ki, mərkəz Bakı Dövlət Universitetinin nəzdindəki Konfutsi İnstitutu ilə birgə əməkdaşlıq çərçivəsində fəaliyyət göstərəcək. Mərkəzdə Çin mədəniyyətinin öyrənilməsi və Çin dilinin tədrisi də nəzərdə tutulur.
Açılış münasibətilə keçirilən tədbirdə institutun tarixi və missiyası, Azərbaycandakı və dünyadakı fəaliyyəti haqqında məlumat verilib. İnstitutun Çin tərəfdən direktoru xanım Luo Siaocı qeyd edib ki, dünyada ilk Konfutsi İnstitutu 2004-cü ildə Koreyanın paytaxtı Seulda açılıb. Azərbaycanda isə 2011-ci ildə fəaliyyətə başlayıb.
Xanım Luo Siaocı deyib: “İnstitutun missiyası Çin mədəniyyətinin və fəlsəfəsinin bütün dünyada təbliğ edilməsi, Çin ilə digər ölkələr arasında dostluq münasibətlərinin inkişaf etdirilməsidir. Azərbaycanda Çin dilinin tədrisi bu qurum vasitəsilə təşkil olunur. İnstitut yeddiillik fəaliyyəti dövründə Çin ilə Azərbaycan arasında möhkəm dostluq əlaqələrinin qurulmasına mühüm töhfələr verib”.
L.Siaocı institut tərəfindən təşkil olunan kurslar, yaradılan təhsil və təqaüd imkanları, Çin dili üzrə beynəlxalq sertifikatın karyera perspektivləri, həmçinin “Çin dili körpüsü” beynəlxalq müsabiqəsi haqqında da məlumat verib.
Tədbirdə universitetin müəllim və tələbələri üçün Çin dilinin tədrisi üzrə nümunəvi dərs nümayiş olunub. Açılış tədbiri iştirakçılar üçün ənənəvi Çin çay mərasiminin keçirilməsi ilə yekunlaşıb.

Mahmud




 
Bölməyə aid digər xəbərlər
23.09.2018
Səkkiz ayda hər bir sakin 554,5 manatlıq ödənişli xidmətlərdən istifadə edib
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10135

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info