Cənub bölgəsinin ən gənc alimi
Tarix: 09.03.2018 | Saat: 03:30:00 | E-mail | Çapa göndər


Astara rayonunun Vaqo kəndində anadan olan, Lənkəran Dövlət Universitetinin (LDU) elm şöbəsinin müdiri, kimya və biologiya kafedrasının dosenti Elvin Əliyev ölkəmizin cənub bölgəsinin ən gənc alimidir.
AZƏRTAC-ın bölgə müxbiri xəbər verir ki, 26 yaşında Türkiyədə doktorluq dissertasiyasını müdafiə edərək fəlsəfə doktoru alimlik elmi dərəcəsi almış həmyerlimiz hazırda LDU-da elmi tədqiqatlarını uğurla davam etdirir.
E.Əliyev 2006-cı ildə Astara rayonundakı Pensər kənd 2 nömrəli tam orta məktəbini bitirdikdən sonra Türkiyənin Kars Kafkas Dövlət Universitetinə daxil olub və 2010-cu ildə universitetin biologiya bölməsini fərqlənmə diplomu ilə bitirib. O, elə həmin il Türkiyənin Atatürk Universitetinin tibb fakültəsinə daxil olaraq 2012-ci ildə tibbi biokimya ixtisası üzrə “Tiroid xəstəliyi” mövzusunda magistratura işini müdafiə edib. Elə həmin ildə də bu ali təhsil ocağının doktoranturasına daxil olaraq 2015-ci ildə tibbi biokimya ixtisası üzrə “İnsanda bədxassəli xərçəng xəstəliyi” mövzusunda doktorluq dissertasiyasını müdafiə edərək fəlsəfə doktoru alimlik elmi dərəcəsi almış soydaşımız uzun müddət Türkiyənin universitet və xəstəxanalarında ixtisası üzrə fəaliyyət göstərib, Atatürk Universitetində dərs deyib.
Gənc alim daha sonra fəaliyyətini Azərbaycanda davam etdirib. Səhiyyə Nazirliyinin “Sağlam ailə” Tibb Mərkəzində çalışıb, AMEA-nın Genetika İnstitutunda insan genetikası bölməsinin rəhbəri olub.
Elvin Əliyevin dünyanın nüfuzlu jurnallarında bir sıra elmi-metodik məqalələri dərc edilib. Onun elmi əsərlərinə Amerika, İtaliya, İspaniya, İngiltərə, Almaniya, Fransa kimi ölkələrin impakt faktorlu jurnallarından 60-dan çox istinad verilib.
Atası və qardaşı həkim olan Elvinin bu sənəti özünə peşə seçməkdə məqsədi tədqiqatçı kimi insanların sağlamlığı keşiyində dayanmaqdır. O, ölkəmizin cənub bölgəsində fəaliyyət göstərsə də, milyonların qəniminə çevrilən xərçəngin müalicəsini tapmaq istəyinə nail olmaq üçün yorulmadan çalışır. Gənc alimin ən diqqətəlayiq cəhəti onun doğulduğu kəndə, rayona, bölgəyə qəlbən bağlılığı, mənsub olduğu xalqa, ölkəyə sevgisidir. Məhz bu səbəbdən də deyir: “Bölgədə işləməklə də böyük elmi uğurlara imza atmaq olar”.
Gənc tədqiqatçı xərçəngin kimyəvi müalicəsinin tam əleyhinə olduğunu bildirir:- “Kimyəvi terapiya xərçəngi yaradan genləri məhv etdiyi kimi, orqanizmə lazımlı olan hüceyrələri də dağıdır, bədənin müdafiə qabiliyyətini yox edir”.
Bu xəstəliyin daha çox genetik olduğunu vurğulayan E.Əliyev irsiyyətin araşdırılmasını, genlərin öyrənilməsini, xərçəngin müalicəsində nano metodları daha səmərəli hesab etdiyindən tədqiqatını da bu istiqamətdə aparır.
Həmyerlimiz bu sahədə elmi kəşfə də imza atıb. Bu kəşfi milyonların dərdinə dəva ola biləcəkmi, Azərbaycanımızı dünyaya tanıda biləkmi? Cavabı zaman göstərəcək. Hər halda, istək var və xeyirxah məqsəd işin yarısıdır.
Gününün çox hissəsini çalışdığı ali təhsil müəssisəsində keçirən, əldə etdiyi elmi nailiyyətlərlə Azərbaycanımızı dünyada tanıtmaq amalı ilə çalışan, “həyatın ən böyük neməti cansağlığıdır”- deyən Elvin Əliyevin insanlara arzusu da sağlam həyat, can sağlığıdır.




 
Bölməyə aid digər xəbərlər
23.11.2020
Kolumbiya sakini lotereyada 3,5 milyon dollar qazandı
21.11.2020
Öküz ili bürclərə nə vəd edir?
20.11.2020
“Qreçka“, yoxsa düyü – Hansını çox yeməlisiz?
20.11.2020
Yer kürəsinə nəhəng asteroid yaxınlaşır
19.11.2020
Evinə meteorit düşən indoneziyalı milyoner olub

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11858

1 “Türkvizyon“ gələn il Şuşada keçiriləcək
2 Mədəniyyət Nazirliyi “Xristian irsimizi tanıyaq” layihəsini təqdim edir
3 Сирийская террористка: мы помогали армянским оккупантам воевать в Карабахе
4 “Azərbaycançılıq ideyası - dünya azərbaycanlılarının istinad mənbəyi” adlı kitab nəşr olunub
5 “İncəsənət videomühazirələri” adlı yeni layihəyə başlanılıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info