Azərbaycanla Hindistan arasında birbaşa aviareys açıla bilər
Tarix: 13.03.2018 | Saat: 00:33:00 | E-mail | Çapa göndər


Hindistanın Ticarət və Sənaye palataları (PHD, CCD) 13-16 mart tarixlərində Bakıda “Amay” Ticarət Mərkəzində Hindistan məhsullarının nümayişini və sərgisini təşkil edəcək. Bunu Hindistanın Azərbaycandakı səfiri Sanjay Rana “Hindistanın ən yaxşıları - eksklüziv Hindistan məhsulları” adlı sərgiyə dair keçirilən mətbuat konfransında deyib. Səfir bildirib ki, sərgidə Hindistanın 95 şirkəti tərəfindən yüksək keyfiyyətli məhsul və xidmətlər nümayiş etdiriləcək. O qeyd edib ki, biznes və ticarətlə yanaşı, tədbir Hindistan mətbəxi, “Bollywood” festivalı və s. vasitəsilə "Ən yaxşı Hindistan" təcrübəsinə rəng qataraq Hindistanın zəngin mədəni irsini təsvir etməyə yönələcək: “Martın 13-də iki ölkənin biznes qurumları arasında Hindistan-Azərbaycan biznes-forumu keçiriləcək. Forum çərçivəsində Hindistan Ticarət və Sənaye palataları ilə AZPROMO arasında ayrılıqda Anlaşma Memorandumu imzalanacaq".
Səfir deyib ki, Azərbaycan və Hindistan arasında birbaşa uçuşların təşkili üçün danışıqlar aparılır. Məsələ ilə bağlı Hindistandan Bakıya nümayəndə heyəti gələcək: "AZAL-la danışıqlar aparılacaq. Birbaşa reyslərin olması həm turizmin inkişafına, həm də iş adamlarının səfərlərinə töhfə verəcək. Bu istiqamətdə görüləsi işlər çoxdur". Səfir əlavə edib ki, Hindistanın “Ssn Pharma” əczaçı şirkəti "Gilan Holding"lə birgə müəssisə yaradılması üçün əlaqələr qurmağa başlayıb: "Digər əczaçı şirkətlərimiz də Pirallahı Sənaye kompleksi ilə əlaqələr qurmaqda maraqlıdır". Konfransda çıxış edən PHD-nin Avrasiya üzrə beynəlxalq məsələlər komitəsinin sədri Purrshottam Bhaggeria bildirib ki, Hindistan və Azərbaycan tarixi əlaqələrə və ikitərəfli əməkdaşlığa əsaslanan yaxın dostluq əlaqələrindən bəhrələnir: “Biznes cəmiyyətləri mövcud əlaqələrin gücləndirilməsi üçün daha çox səy göstərir. Əməkdaşlığın yeni sahələrinin aşkarlanması üçün cəhdlər göstərilir. Bu sərgi hər iki tərəfdən olan səhmdarlar üçün mühüm platforma rolunu oynayacaq və biznes əməkdaşlığının inkişafına töhfə verəcək”. Palatanın baş katibi Saurabh Sanyal deyib ki, son statistik rəqəmlərə görə, Hindistan və Azərbaycan arasında xarici ticarətin həcmi 2017-ci ilin yanvar-dekabr aylarında 463 milyon olub ki, bu da azdır: “Bunu nəzərə alaraq sərgini təşkil etdik. Bu, ikitərəfli, eləcə də turizm əlaqələrinin inkişafına, ixracatın artmasına kömək edəcək”.




 
Bölməyə aid digər xəbərlər
19.03.2019
TÜRKPA Katibliyində Novruz bayramı münasibətilə tədbir keçirilib
19.03.2019
Fond yaranmasının 10-cu ildönümü və Novruz bayramı münasibətilə təntənəli mərasim təşkil edib
18.03.2019
Əfv sərəncamlarının verilməsi humanizm, əxlaqi və cəmiyyətdaxili harmoniyanın qorunması baxımından böyük önəm daşıyır
18.03.2019
Əfv sərəncamı respublikamızın humanizm prinsipləri əsasında inkişaf yolu seçdiyini bir daha nümayiş etdirdi
18.03.2019
Millət vəkili: Əfv sərəncamı ümumi ictimai həmrəylik baxımından da əlamətdar hadisəyə çevrildi

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10699

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
3 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 Yuliya Naçalova vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info