Səfir: “Azərbaycana Qafqaz regionunda əhəmiyyətli partnyor kimi baxırıq”
Tarix: 14.03.2018 | Saat: 16:41:00 | E-mail | Çapa göndər


“Malayziya Azərbaycana Qafqaz regionunda və İslam dünyasında əhəmiyyətli partnyor kimi baxır”. 
“Caspian Energy İnternational Media Group”dan verilən xəbərə görə, bunu Malayziyanın Azərbaycandakı fövqəladə və səlahiyyətli səfiri Dato Roslan Tan Sri Abdul Rahman “Group”un nümayəndə heyəti ilə görüş zamanı deyib.
 
Görüşdə Azərbaycan-Malayziya arasındakı informasiya əməkdaşlığını genişləndirmək və bu əlaqələrdə mümkün  qədər geniş iştirak etmək perspektivlərinə toxunulub. Səfirin sözlərinə görə, “Caspian Energy” jurnalı energetika sahəsində masaüstü nəşr və aparıcı beynəlxalq jurnallardan biridir. “Jurnalın buraxılışlarından birində dərc olunmuş Xəzərdə şirkətlərin investisiya fəallığı reytinqi xüsusi maraq oyadıb. Caspian Energy yüksək vəzifəli hökumət məmurları, diplomat və enerji sektorunun oyunçuları üçün informasiya mənbəyidir. Biz burada informasiya əlaqələrinin inkişafının əhəmiyyətini görürük ki, bu da öz növbəsində həm möhkəm dövlətlərarası dialoqun yaradılmasına, həm də iki ölkə arasında biznes münasibətlərinin dinamik inkişafına yardım edir”, - deyə diplomat qeyd edib.
 
Səfir bildirib ki, Azərbaycan coğrafi baxımdan Malayziyadan uzaq olsa da, bu amil iki ölkənin şirkətlərinin fəal əməkdaşlığına və investisiya qoyuluşuna mane olmur: “Bu gün “Petronas” şirkətinin investisiyası 4 milyard dolları keçib. Malayziya Prezident İlham Əliyevin inauqurasiya çərçivəsində Malayziyaya və Cənubi-Şərqi Asiya ölkələrinə səfərini səbirsizliklə gözləyir. Bu mühüm səfər ikitərəfli əlaqələrin gələcəkdə daha da möhkəmlənməsinə təkan verəcək və hər iki tərəfdən xeyli sayda investisiyanın cəlbinə yardım edəcək”, - deyə Dato Roslan Tan Sri Abdul vurğulayıb.
 
Onun sözlərinə görə, rəsmi səfirliyin 2014-cü ilin aprelində təsis olunmasına baxmayaraq, əlaqələrin inkişafının əsası həmin vaxt Malayziyanın Baş naziri Mohammad Najib Tun Abdul Razakın Azərbaycana səfəri və Malayziya neft şirkətinin “Şah Dəniz” layihəsinə daxil olması ilə qoyulub.
 
“Bu gün Azərbaycan öz iqtisadiyyatını diversifikasiya edir və Malayziya iqtisadiyyatın bütün sahələrində böyük təcrübəyə sahib olduğu üçün strateji partnyor ola bilər. Bakı-Tbilisi-Qars marşrutu qonşu dövlətlər üçün geniş imkanlar açan olduqca mühüm və uzunmüddətli layihədir,” - deyə səfir vurğulayıb.
 
Görüşün sonunda səfir “Caspian Energy” jurnalına eksklüziv müsahibə verib. Müsahibədə iki ölkə arasındakı əməkdaşlıqda qarşılıqlı maraq doğuran bir sıra beynəlxalq qlobal tendensiya və layihələr barədə geniş məlumat verilib.
Tural




 
Bölməyə aid digər xəbərlər
21.09.2018
Ombudsman: “Yalnız müharibənin acısını yaşamış xalqlar sülhün dəyərini bilir”
21.09.2018
Binəli Yıldırım: Azərbaycanın qazandığı uğurlarda parlamentin böyük rolu var
21.09.2018
Türkiyə Böyük Millət Məclisinin sədri Azərbaycanda səfərdədir
20.09.2018
Müxalifət yenə ianə yalvarışlarına başladı
20.09.2018
XİN: “Bütün məsuliyyəti Ermənistan rəhbərliyinin üzərinə düşür”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10124

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info