Xaçmazın iki kəndinə ilk dəfə təbii qaz verilib
Tarix: 16.03.2018 | Saat: 17:27:00 | E-mail | Çapa göndər


SOCAR “Azəriqaz” İstehsalat Birliyi (İB) tərəfindən Xaçmaz rayonunun Vələmir və Pərdiqıran kəndlərinin qazlaşdırılması işi yekunlaşıb və Novruz bayramı ərəfəsində abonentlərə “mavi yanacağ”ın verilməsinə başlanılıb.
AZƏRTAC-ın bölgə müxbiri xəbər verir ki, martın 16-da turizm zonasında yerləşən bu yaşayış məntəqələrinə ilk dəfə təbii qazın verilməsi münasibətilə Vələmir kəndində keçirilən mərasimdə “Azəriqaz” İB-nin nümayəndələri, rayon icra hakimiyyətinin rəhbərliyi, ziyalılar, eləcə də kənd sakinləri iştirak ediblər.
Ümumilikdə, 180 abonenti olan Vələmir və Pərdiqıran kəndlərinin qazlaşdırılması üçün birpilləli sistem əsasında 22 min 338 metr müxtəlif diametrli polad və polietilen borularla daşıyıcı, həmçinin məhəllədaxili qaz xətləri çəkilib. Hər bir mənzilə sayğac və fərdi tənzimləyici quraşdırılıb.
“Azəriqaz” İB-nin Xaçmaz Regional Qaz İstismarı İdarəsinin rəisi Xaliq Namazov bildirib ki, “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrası çərçivəsində “Azəriqaz” İB tərəfindən respublikanın qaz təchizatı şəbəkəsi genişləndirilir. Prezident İlham Əliyevin tövsiyələrinə uyğun olaraq Nabran-Yalama turizm zonasının inkişafı, həmçinin burada yaşayan əhalinin sosial rifahının daha da yüksəldilməsi məqsədilə ötən ildən 2 minə yaxın abonentin yaşadığı 19 kəndin qazlaşdırılması işləri həyata keçirilir. Artıq Nabran, Şimali, Günəşli, Xanoba, Tel, Yaquboba, Səlimoba, Aşağıoba, Xuray, Vələmir və Pərdiqıran kəndlərinin qazlaşdırılması başa çatdırılaraq abonentlərə ilk dəfə “mavi yanacağ”ın verilməsinə başlanılıb. Hazırda isə rayonun Meşəli, Sahillər, Turist, Dalğalı, Samurçay, Çaxçaxlı, Seyidlikəndyeri və Aslanoba kəndlərində tikinti-quraşdırma işləri sürətlə davam etdirilir. Tezliklə tikintisi başa çatan yaşayış məntəqələrində ardıcıllıqla təbii qazın verilişi təmin olunacaq.
Rayon icra hakimiyyətinin başçısı Şəmsəddin Xanbabayev qeyd edib ki, istirahət zonasında yerləşən kəndlərin qazlaşdırılması ərazidəki meşələrin qorunması ilə yanaşı, sahibkarların qış aylarında turizm obyektlərinin qızdırılması xərclərini də xeyli azaldacaq. Nabran-Yalama istirahət zonasında təbii qazın olmaması payız-qış mövsümündə istirahət mərkəzlərində əlavə çətinliklər yaradır, bu səbəbdən soyuq aylarda əksər obyektlərin fəaliyyəti məhdudlaşırdı. İndi bu çətinliklər arxada qalacaq.
Tədbirdə vurğulanıb ki, Xaçmazda qazlaşdırılan yaşayış məntəqələrinin sayı 101-ə, rayon üzrə qazdan istifadə edən abonentlərin sayı isə 34 min 929-a çatdırılıb.
Mərasimdə çıxış edən kənd ağsaqqalları əhalinin sosial problemlərinin həllinə göstərilən diqqət və qayğıya görə dövlətimizin başçısına minnətdarlıqlarını bildiriblər.
Sonra qaz xəttinin açılışını bildirən məşəl alovlandırılıb və kəndə təbii qaz verilib.
“Azəriqaz” İB-nin nümayəndələri kənddəki evlərdə olub, abonentləri qazla davranış və təhlükəsizlik qaydaları ilə bağlı maarifləndiriblər.


Mahmud




 
Bölməyə aid digər xəbərlər
12.12.2018
Atatürk parkında təmir-yenidənqurma işləri aparılır
12.12.2018
Qaradağ rayonunda Ulu Öndəri anma mərasimi keçirilib
12.12.2018
143 qurumuş ağac 2000-dən çox müxtəlif cinsli tinglə əvəzlənib
12.12.2018
Daha 26 rayon üzrə 2189 arıçıya subsidiya verilməsi barədə qərar qəbul olunub
11.12.2018
Suraxanı rayonunda payız-qış mövsümünə hazırlıqla bağlı iclas keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10526

1 “Macarıstandakı Azərbaycan icmasının böyük əksəriyyətini gənclər təşkil edir”
2 Prezident İlham Əliyev Putinin dəvəti ilə Rusiyaya işgüzar səfərə gedib- YENİLƏNİB
3 Çin şirkəti Gəncədə 5 metallurgiya zavodu tikəcək
4 “Xəzər hövzəsi və enerji təhlükəsizliyi” - Rufiz Qonaqov yeni kitabını təqdim etdi
5 ВЕЛИКИЕ В ИСТОРИИ. Гейдар Алиев – человек с большим сердцем. Воспоминания бывшего мэра Москвы Юрия Лужкова


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info