Erməni ekspert: “Əgər Ermənistan əski parçasıdırsa, nə fərqi var kimin əlindədir”
Tarix: 16.03.2018 | Saat: 14:33:00 | E-mail | Çapa göndər
Arbak Xaçatryan: “Əgər, səndən əski parçası düzəldirlərsə, bu halda Rusiyada hakimiyyətdə kimin olmasının nə önəmi var?”

“Mənə görə, əsas təhlükə ondan ibarətdir ki, millətim kölələşdirilir, pulun girovuna çevrilir. Bu gün dükançılar ölkənin sahiblərinə çevriliblər və onlar üçün cəmiyyət anlayışı ümumiyyətlə yoxdur. Bu insanlar ancaq şəxsi məsələlərin həlli ilə məşğuldurlar”. Bunu Moskvada yaşayan müstəqil erməni ekspert Arbak Xaçatryan Ermənistanın “1in.am” saytına müsahibəsində deyib. Onun sözlərinə görə, Ermənistan iqtisadiyyatı olmayan, dövlət institutlarının fəaliyyət göstərmədiyi, qeyri-legitim addımların atıldığı ölkədir: “Əgər indi həmin şəxslər yanaşmalarını dəyişərək ABŞ, İngiltərə yaxud Avropaya tərəf çevrilsələr, bunun heç bir əhəmiyyəti olmayacaq. Sənin kimə satılmağın önəmli deyil, satqın adam həmişə satqın olaraq qalacaq. Bütövlükdə bu sistem bu gün talançılıqla məşğuldur”. Erməni diasporunun Rusiyada keçiriləcək prezident seçkilərində kimə səs verəcəyinə gəldikdə isə A. Xaçatryan ümumiyyətlə erməni icmasının mövcudluğunu sual altına qoyaraq Ermənistanda ailələri qoyub Rusiyaya işləməyə gedən ermənilərin hansısa ideoloji qərar vermək qabiliyyətinə şübhə ilə ilə yanaşdığını bildirib: “Bu gün hər bir güclü dövlət öz maraqlarını qorumaq yoluyla gedir.

“Əgər, sənin həmyerlilərin narkoman və ya cinayətkardırsa, təbii ki, onlarla işləməyi arzu etmirsən. Əgər, onlar başqa istiqamətə dönürlərsə, bu ölkənin mövqeyi tam şəkildə zəifləyir. Həmişə müəyyən mövqeyi olan, zəifləməmiş, “əski parçası” olmayanlarla işləyirlər”

Rusiya da bu yolla gedir. Burada məsələ ondadır ki, belə halda Ermənistan hansı vəzıyyətdə olacaq. Bugünkü talançılar üçün əsas vəzifə öz əmlakını qorumaqdır. Mən onların heç bir sözünə inanmıram. Çünki onların yaşam tərzi televiziyadakı çıxışlarına ziddir”. “Öncə Rusiyada hakimiyyət dəyişməlidir, bundan sonra Ermənistanda da dəyişiklikləri gözləmək mümkün olacaq” fikri ilə razılaşmayan A. Xaçatryan bunu deyib: “Əgər, səndən əski parçası düzəldirlərsə, bu halda Rusiyada hakimiyyətdə kimin olmasının nə önəmi var? Əgər sən əski parçasısansa, nə fərqi var kimin əlindəsən – Avropa, Amerika yaxud da digərinin? Səninlə sivil ölkələr daha sərt danışırlar, nəinki rejimin güclü olduğu ölkələr”, - deyə o vurğulayıb.

“Rusiya Azərbaycanı təsadüfən silahlandırmağa başlamayıb. Ermənistanı idarə edən alçaqlar ticarət mərkəzləri açırlar, şantajla pul qazanırlar. Rusiya regionda daha güclü mövqelərə malik güclü tərəfdaş tapıb və onunla işbirliyinə başlayıb”

A. Xaçatryan hesab edir ki, Rusiya Azərbaycanı təsadüfən silahlandırmağa başlamayıb: “Ermənistanı idarə edən alçaqlar ticarət mərkəzləri açırlar, şantajla pul qazanırlar. Təsadüfi deyil ki, Rusiya regionda daha güclü mövqelərə malik güclü tərəfdaş tapıb və onunla işbirliyinə başlayıb. 7-8 il əvvəl Medvedev silah satışı ilə bağlı saziş imzalayanda mən təhlükəyə bağlı xəbərdarliq etmişdim. Əgər, sənin həmyerlilərin narkoman və ya cinayətkardırsa, təbii ki, onlarla işəməyi arzu etmirsən. Əgər, onlar başqa istiqamətə dönürlərsə, bu ölkənin mövqeyi tam şəkildə zəifləyir. Həmişə müəyyən mövqeyi olan, zəifləməmiş, “əski parçası” olmayanlarla işləyirlər. Nəyə görə Levon Ter-Petrosyanın vaxtında Ermənistanla hesablaşırdılar? Gürcüstanla Azərbaycan kənarda idarə olunmağa imkan verməmək üçün razılığa gəlməli idilər. Axı regionda həmişə güclü ilə münasibətlər qururlar. Ermənistan hakimiyyəti isə özünün iki qəpiyini daha üstün tutur, qeyri-legitimdir və s.”.
Anar Miriyev




 
Bölməyə aid digər xəbərlər
22.04.2018
Ermənistan Rus İmperiyası tərəfindən ixtira edilmiş bir ərazidir
22.04.2018
Armen Sarkisyan ölkədəki vəziyyəti təhlükəli adlandırıb
20.04.2018
Nikol Paşinyan: “Plan baş tutarsa, “məxməri inqilab” bir neçə günə başa çatacaq”
20.04.2018
«News.am»: ”Erməni xalqı xoşbəxtliyi öz ölkəsindən kənarda axtarır”
20.04.2018
Lavrov ABŞ-ı Türkiyəni şantaj etməkdə ittiham etdi

Şərh əlavə olunmayıb



    ,    
Fuad HÜSEYNZADƏ
Tural Tağıyev
Elşad QOCA
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9072

1 Mətanət Səmədova: “Əslində, peşəkar müəllim olmaq üçün heç də yaşlanmaq əsas deyil”
2 Qazaxıstandakı azərbaycanlı general-mayor təltif olunub
3 “Gənclərimiz dövlətin etimadını hər addımda doğruldurlar”
4 İlham Əliyevin andiçmə mərasimi olub
5 Yaponiyada Azərbaycan məhsullarına böyük maraq var


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info