Qoşqar Təhməzli: “Qeyri-neft sektorunun inkişafı istiqamətində nəhəng addımlar atılır”
Tarix: 16.03.2018 | Saat: 19:22:00 | E-mail | Çapa göndər


Azərbaycan Respublikasının Qida Təhlükəsizliyi Agentliyinin təşkilatçılığı və Avropa İttifaqının (Aİ) Azərbaycan nümayəndəliyinin həmsədrliyi ilə 1-ci donor əlaqələndirmə görüşü keçirilib.
Tədbirdə məqsəd yeni yaradılmış Qida Təhlükəsizliyi Agentliyi və beynəlxalq təşkilatlar arasında əməkdaşlıq əlaqələri qurmaq, onların Azərbaycanda qida təhlükəsizliyinin təmin edilməsinə töhfə verə biləcək layihələrini səmərəli şəkildə əlaqələndirmək və bu istiqamətdə fikir mübadiləsi aparmaqdır.
Tədbirdə çıxış edən Qida Təhlükəsizliyi Agentliyinin sədri Qoşqar Təhməzli qurumun fəaliyyət istiqamətləri və vəzifələri barədə məlumat verib. Ölkəmizdə qeyri-neft sektorunun inkişafı istiqamətində nəhəng addımlar atıldığını deyən Q.Təhməzli həyata keçirilən islahatlar nəticəsində Azərbaycanın dünya səviyyəsində yeni çağırışlara uğurla cavab verdiyini vurğulayıb : “Ölkədə aparılan islahatların tərkib hissəsi kimi kənd təsərrüfatı məhsullarının istehsalı və emalına dair Strateji Yol Xəritəsi hazırlanıb və icrasına başlanılıb. Bu məqsədlə Prezident İlham Əliyevin Fərmanı ilə Azərbaycanda qida təhlükəsizliyi sisteminin təkmilləşdirilməsi ilə bağlı əlavə tədbirlərlə əlaqədar Qida Təhlükəsizliyi Agentliyi yaradılıb”. Sədr qeyd edib ki, agentliyin əsas vəzifəsi qida zəncirinin bütün mərhələlərində qida təhlükəsizliyinin və qida məhsulları istehlakçılarının hüquqlarının müdafiəsinə dövlət nəzarətinin və siyasətinin həyata keçirilməsidir. Qurumun fəaliyyətinin əsas istiqamətlərindən biri də beynəlxalq təcrübənin öyrənilməsi və mövcud standartların beynəlxalq standartlara uyğunlaşdırılmasıdır. Xarici qurum və təşkilatlarla aparılan danışıqlar haqqında da məlumat verən Qoşqar Təhməzli bu ilin may ayında ölkəmizdə keçiriləcək Azərbaycan Beynəlxalq Qida Sənayesi – “WorldFood Azerbaijan 2018”in iştirakçıları arasında əməkdaşlıq əlaqələrinin qurulmasında mühüm platforma rolunu oynayacağını bildirib.
Avropa İttifaqının Azərbaycandakı nümayəndəliyinin rəhbəri səfir Kestutis Yankauskas qida təhlükəsizliyi sahəsindəki mövcud durum, Aİ və Azərbaycan arasında qida təhlükəsizliyi sahəsində qurula biləcək əməkdaşlığın gələcək imkanları haqqında məlumat verib. Ölkəmizdə Qida Təhlükəsizliyi Agentliyinin yaradılmasını yüksək dəyərləndirən səfir Kestutis Yankauskas qeyd edib ki, ərzaq məhsullarının təhlükəsizliyi müasir dövrdə ən aktual problemlərdən sayılır. Onun sözlərinə görə, Avropa İttifaqı Azərbaycanda həyata keçirilən mütərəqqi islahatların iştirakçısına çevrilib və ötən 10 il ərzində bu islahatlar uğurla davam edib. Həmçinin nəzərə çatdırılıb ki, Avropa İttifaqı digər sahələrlə yanaşı, kənd təsərrüfatı sahəsində də ölkəmizlə qabaqcıl təcrübəsini bölüşməkdə maraqlıdır.
Görüşdə Azərbaycan Respublikasının Qida Təhlükəsizliyi Agentliyinin fəaliyyəti haqqında videoçarx təqdim olunub. Qida Təhlükəsizliyi Agentliyinin sədr müavini Rüfət Rüstəmzadə agentliyin qarşısında qoyulan vəzifələr haqqında təqdimatı tədbir iştirakçılarının diqqətinə çatdırıb. Sonda tədbir iştirakçılarını maraqlandıran suallar cavablandırılıb. Beynəlxalq donor təşkilatlar tərəfindən həyata keçiriləcək layihələrin əhəmiyyəti, qarşılıqlı fəaliyyətin zəruriliyi və əməkdaşlığın prioritet istiqamətləri müzakirə olunub. Görüşdə beynəlxalq təşkilatların Azərbaycan üzrə nümayəndəliklərinin rəhbərləri, xarici ölkələrin Azərbaycanda akkreditə olunmuş səfirləri və agentliyin məsul işçiləri iştirak ediblər.

Nigar Abdullayeva




 
Bölməyə aid digər xəbərlər
26.03.2019
AYİB Azərbaycanda bərpa olunan enerji sahəsinə dəstək verəcək
24.03.2019
Azərbaycan və BP Aral dənizində geoloji kəşfiyyat işlərinə başlaya bilərlər
24.03.2019
Türkiyədə ev alan azərbaycanlıların sayı artıb
23.03.2019
Rusiya aviaşirkəti Azərbaycana yeni reyslər açır
22.03.2019
Toxuculuq sənayesində məhsul istehsalı 50 faizə yaxın artıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10705

1 Azərbaycan xalqı zəngin mədəniyyətə sahibdir
2 İraqda bərə qəzaya uğrayıb: 71 ölü
3 Paşinyan reytinqini küçə süpürməklə qaldırmaq istəyir?
4 Lado Mehdiyevin xatirəsinə həsr olunmuş badminton turnirinə yekun vurulub
5 Nursultan Nazarbayevin qərarı qazax xalqının firavan gələcəyini təmin edəcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info