OPEC+ konfransının Bakıda keçirilməsi təklif edilib
Tarix: 20.03.2018 | Saat: 01:13:00 | E-mail | Çapa göndər


Məhəmməd Barkindo: “Azərbaycan OPEC və qeyri-OPEC ölkələrinin əldə etdiyi razılaşmalarda çox əhəmiyyətli rolu olan ölkədir”

"Biz çox şadıq ki, sülh və əmin-amanlığın, inkişafın olduğu ölkəyə səfər etmişik”. Bunu Neft İxrac edən Ölkələr Təşkilatının (OPEC) baş katibi Məhəmməd Barkindo energetika naziri Pərviz Şahbazovla görüşdən sonra deyib. Onun sözlərinə görə, Azərbaycan OPEC və qeyri-OPEC ölkələrinin əldə etdiyi razılılaşmalarda çox əhəmiyyətli rolu olan ölkədir: “ OPEC-ə üzv və qeyri-üzv dövlətlərin görüşlərindən birinin Bakıda keçirilməsi ilə bağlı təklifə görə Azərbaycan Prezidentinə təşəkkür edirəm. Biz Azərbaycanla neft bazarının balanslaşdırılması çərçivəsində münasibətlərimizi necə inkişaf etdirə biləcəyimizin yollarını axtarırıq. Biz yalnız Azərbaycanla deyil, OPEC və qeyri-OPEC ölkələri ilə də gələcəkdə sabitlik üçün əməkdaşlığı müzakirə etdik. Hazırda hasilatın balanslaşdırılması üçün hansı yollardan istifadə edə bilərik, hansı işləri görə bilərik. Bunun üçün yollar axtarırıq. Biz 2018-ci ildə də bütün ölkələrin üzərinə götürdüyü öhdəliyin yerinə yetirilməsinə çalışacağıq. İstərdik ki, əvvəlki ildə hasilatın azaldılması ilə bağlı ölkələrin üzərinə götürdüyü öhdəlik 2018-ci ildə də davamlı olaraq tam şəkildə yerinə yetirilsin”. OPEC-in baş katibi qeyd edib ki, bu ilin iyun və noyabr aylarında neft bazarında cari vəziyyəti müzakirə etmək üçün OPEC və qeyri-OPEC ölkələrinin nazirlər səviyyəsində görüşü keçiriləcək. Energetika naziri Pərviz Şahbazov deyib ki, hazırda Azərbaycan ilə OPEC arasında sıx əməkdaşlıq var. Onun sözlərinə görə, bu əməkdaşlıq "OPEC+" formatında həyata keçirilir: "Bu təşəbbüs 2016-cı ilin sonundan başlayıb: “Bu təşəbbüsün əsas məqsədi dünyada beynəlxalq neft qiymətlərinin qeyri-sabit olması, neftin qiymətinin aşağı düşməsinin qarşısını almaq idi. Bu əməkdaşlıq çərçivəsində ötən dövr ərzində neftin qiymətinin müəyyən qədər yuxarı qalxması və ən əsası onun sabitləşməsi, eyni zamanda neft bazarının tarazlaşmasına nail olunub. Bütün bu nailiyyətlər dünyada baş verən iqtisadi proseslərin daha sabit formada həyata keçirilməsi, ölkələrin iqtisadi vəziyyətinin sabitləşməsinə xidmət edib". P.Şahbazov vurğulayıb ki, Məhəmməd Barkindo ilə görüşdə bu təşəbbüsün gələcəkdə də davam etdirilməsi məsələsi müzakirə edilib: "Görüşdə bu təşəbbüsün daim qüvvədə qalması üçün müəyyən platformaların yaradılması və bu istiqamətdə digər ölkələrlə məsləhətləşmələrin aparılması və lazımı qərarların verilməsi ilə bağlı geniş fikir mübadiləsi aparılıb".
Nigar




 
Bölməyə aid digər xəbərlər
26.03.2019
AYİB Azərbaycanda bərpa olunan enerji sahəsinə dəstək verəcək
24.03.2019
Azərbaycan və BP Aral dənizində geoloji kəşfiyyat işlərinə başlaya bilərlər
24.03.2019
Türkiyədə ev alan azərbaycanlıların sayı artıb
23.03.2019
Rusiya aviaşirkəti Azərbaycana yeni reyslər açır
22.03.2019
Toxuculuq sənayesində məhsul istehsalı 50 faizə yaxın artıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10705

1 Azərbaycan xalqı zəngin mədəniyyətə sahibdir
2 İraqda bərə qəzaya uğrayıb: 71 ölü
3 Paşinyan reytinqini küçə süpürməklə qaldırmaq istəyir?
4 Lado Mehdiyevin xatirəsinə həsr olunmuş badminton turnirinə yekun vurulub
5 Nursultan Nazarbayevin qərarı qazax xalqının firavan gələcəyini təmin edəcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info