“BMT qaydalarına hörmət etməyən ölkələrdən multikulturalizmə hücumlar var”
Tarix: 06.04.2018 | Saat: 01:21:00 | E-mail | Çapa göndər


Miroslav Lajçak: “BMT həlli uzanan münaqişələrin beynəlxalq hüquq çərçivəsində həllinin tərəfdarıdır”

ADA universitetində "Çoxtərəfli əməkdaşlığın hazırkı durumu mövzusunda" tədbir keçirilib. Tədbirdə Azərbaycanın BMT-dəki daimi nümayəndəsi Yaşar Əliyev, BMT-nın Azərbaycandakı nümayəndəsi Qulam İshaqzai, eləcə də digər rəsmi şəxslər, səfirlik nümayəndələri, habelə ADA universitetinin tələbə-müəllim heyəti iştirak edib. Tədbiri ADA universitetinin rektoru Hafiz Paşayev açıb. Sonra çıxış edən Birləşmiş Millətlər Təşkilatı Baş Assambleyasının 72-ci sessiyasının prezidenti Miroslav Lajçak multikulturalizmin əhəmiyyətindən söz açıb və bildirib ki, multikulturalizm milli fəaliyyətləri və mövqeləri koordinasiya edərək ortaq məqsədlərə nail olmağın yoludur: "Həm də ortaq çətinliklərə ortaq həll yolu tapmağa imkan verir. BMT unikaldır, çünki multikultural forumdur. Mən bilirəm ki, BMT-nin bütün çətinliklərə cavab vermək üçün kifayət qədər mexanizmi var. İndi multikulturalizmə tələb çoxdur. BMT-nin norma, qaydalarına hörmət etməyən ölkələrdən multikulturalizmə qarşı hücumlar var. Multikulturalizmi inkişaf etdirməliyik. Bu yaxşı sistemdir, buna bizim ehtiyacımız var".
BMT Baş Assambleyasının bu il üçün əsas prioritetlərini sadalayan M. Lajçak deyib ki, bunlardan birincisi münaqişələrin qarşısının alınmasıdır: "BMT-də cəhdlərimizi münaqişələrin qarşısını almağa fokuslamalıyıq. İkinci prioritet məsələ miqrasiya problemidir. Miqrasiyanın pozitiv aspektlərini vurğulamalıyıq. Üçüncü prioritetimiz davamlı inkişafın nailiyyətlərinin həyata keçirilməsini davam etdirməkdir. Dördüncü prioritet insan hüquqları və insan ləyaqəti, beşinci isə islahatlardır. Əgər sistemi gücləndirmək istəyiriksə, multikulturalizmi dəstəkləməliyik. Dialoq sayəsində ortaq maraqlarımızı artırmalıyıq. BMT-ni insanlara yaxınlaşdırmalıyıq. İnsan həyatını inkişaf etdirmək üçün hər şey edirik. İnsanlar bunu qiymətləndirəcək deyə əmin olmalıyıq. Hər birinizə çağırış etmək istəyirəm ki, hər ölkənin maraqlarını müdafiə etmək üçün multikulturalizmdən başqa yaxşı yol yoxdur. Hər birimiz sülh şəraitində, pozitiv inkişaf edən, insan hüquqlarına hörmət edilən ölkədə yaşamaq istəyirik. Bunun üçün BMT kimi universal platformaya ehtiyac duyuruq. Heç bir beynəlxalq platforma BMT-ni əvəz edə bilməz. İndi qlobal atmosfer çox çətindir. Bir otaqdayıqsa, bir-birimizlə dalaşmaq yerinə hamı üçün qəbul edilən nəticə əldə etməyə çalışmalıyıq. Beynəlxalq qaydalarla oynamalı və hər kəsdən bunu tələb etməliyik. Bir-birimizi dinləməyi bacarmalıyıq". Miroslav Layçak deyib ki, Dağlıq Qarabağ məsələsi sizin üçün böyük ağrıdır: “Bundan çox yaxşı xəbərdaram". O xatırladıb ki, problemin həlli ilə Minsk qrupu məşğul olur: "Bu sahədə aktivlik görə bilərik. Əldə edilən nəticələri inkişaf etdirməliyik. Minsk qrupunun bu problemi həll etməyi bacarıb-bacarmadığına gəldikdə isə, bununla bağlı nəsə deyə bilmərəm". Layçak qeyd edib ki, BMT həlli uzanan münaqişələrin beynəlxalq hüquq çərçivəsində həllinin tərəfdarıdır.
Anar




 
Bölməyə aid digər xəbərlər
04.07.2020
“Türkiyə xəstəxanaları Avropada birinci, dünyada isə sayılıb-seçilən xəstəxanalardır“
03.07.2020
“Ayasofya ilə bağlı ittihamlar Türkiyənin suverenlik haqqına birbaşa hücumdur“
03.07.2020
“Sərəncam Prezidentin media üçün təklif etdiyi yeni baxış modelidir”
03.07.2020
Ön cəbhənin ağ xalatlı qəhrəmanları!
03.07.2020
Prezident daim tutarlı faktlar və məntiqi arqumentlərlə işğalçı ölkəni ifşa edib

Şərh əlavə olunmayıb

    ,    
Tural RASİMOĞLU
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11546

1 Tural Gəncəliyev: “Dağlıq Qarabağ xalqı” deyə bir anlayış yoxdur, sadəcə Azərbaycanın Dağlıq Qarabağ bölgəsinin əhalisi anlayışı var
2 “Azərbaycanın olmadığı yerdə Türkiyə, Türkiyənin də olmadığı yerdə Azərbaycan var” - bu bizlərin şüarıdır…”
3 Prezident və birinci xanım İçərişəhərdə aparılan bərpa işləri ilə tanış olublar-YENİLƏNİB
4 Azərbaycan Prezidentinin təşəbbüsünə verilən dəstək beynəlxalq ictimaiyyətin ölkəmizə böyük etimadının göstəricisidir
5 Azərbaycan Turizm Agentlikləri Assosiasiyası və AZAL ikitərəfli əməkdaşlığı genişləndirir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info